Connect with us

ព័ត៌មានជាតិ

ជនរងគ្រោះជិត១០០នាក់ ត្រូវបានចិនសង្គ្រោះបញ្ជូនមកកម្ពុជាវិញក្នុងរយៈពេល៤ខែ

បានផុស

នៅ

អគ្គនាយកដ្ឋានអន្តោប្រវេសន៍បានឱ្យដឹងថាក្នុងរយៈពេល៤ខែដើមឆ្នាំ២០២៥នេះ ប្រទេសចិន​បាន​បញ្ជូន​ពលរដ្ឋខ្មែរដែលរងគ្រោះក្នុងអំពើជួញដូរមនុស្សចំនួន៩៨នាក់ឱ្យត្រលប់មកកម្ពុជាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្ដីបំភ្លឺព័ត៌មានចុះថ្ងៃទី២២ ខែមេសា ឆ្នាំ២០២៥ អគ្គនាយកដ្ឋានអន្តោប្រវេសន៍ឱ្យដឹងថាមនុស្ស​ទាំង៩៨នាក់នេះ មានប្រុសតែម្នាក់ប៉ុណ្ណោះ ហើយក្នុងនោះ​មនុស្ស៥៩នាក់ត្រូវបានបញ្ជូនត្រលប់ទៅលំនៅដ្ឋានរបស់ពួកគេវិញ ក្រៅពីនេះសល់៣៧នាក់ត្រូវបាន​ប្រគល់ជូននាយកដ្ឋាន​គាំពារជនរងគ្រោះ និងគាំពារអនីតិជន នៃក្រសួងសង្គមកិច្ចដើម្បី​គ្រប់គ្រងបន្ត។

ការចាញ់បោកមេខ្យល់ទៅលក់នៅប្រទេសចិនបានកើតឡើងជាញឹកញាប់ទោះបីជារដ្ឋាភិបាលមានវិធានការទប់ស្កាត់ជាបន្តបន្ទាប់ក្ដី កាលពីថ្ងៃទី១៩ ខែមេសា ឆ្នាំ២០២៥ នគរបាលរាជធានីភ្នំពេញបានបើកការស្រាវជ្រាវដើម្បីជួយស្ត្រីខ្មែរម្នាក់ដែលបាន​ធ្វើវីដេអូឡាយតាមហ្វេសប៊ុកសុំឱ្យមានការអន្តរាគមន៍ជួយគាត់ឱ្យបានត្រលប់មកកម្ពុជាវិញបន្ទាប់ពីបាន​ចាញ់បោកមេខ្យល់យកទៅរៀបការនៅប្រទេសចិនត្រូវបានប្ដីវាយធ្វើបាប។

កន្លងទៅសមត្ថកិច្ចអន្តោប្រវេសន៍កម្ពុជាបានធ្វើការសាកសួរព័ត៌មាន និងហាមឃាត់ការធ្វើដំណើររបស់ពលរដ្ឋខ្មែរមួយចំនួន ជាពិសេសស្ត្រីខ្មែរដែលរៀបអាពាហ៍ពិពាហ៍ជាមួយជនបរទេស។ តាមរយៈវិធានការនេះក្នុងរយៈពេល៤ខែ ក្នុងឆ្នាំ២០២៥នេះ សមត្ថកិច្ចបានទប់ស្កាត់អ្នកដំណើរជាង១០០នាក់ (១០៧នាក់ ស្រ្តី៨២នាក់) នឹងបានបញ្ជូនទៅនាយកដ្ឋានប្រឆាំងការជួញដូរមនុស្ស និងការពារអនីតិជនដើម្បីបន្តស្រាវជ្រាវ។

នគរបាលបានបញ្ជាក់ថាការសាកសួរ និងហាមឃាត់ការធ្វើដំណើររបស់ពលរដ្ឋមួយចំនួននេះមិនមែនជាការបំបិទសិទ្ធសេរីភាពរបស់ពលរដ្ឋទេ តែជាការអនុវត្តនូវតួនាទីដើម្បីការពារផលប្រយោជន៍ពលរដ្ឋខ្មែរ កុំឱ្យចាញ់បោកមេខ្យលអូសទាញទៅរៀបការ ឬធ្វើការនៅបរទេសដោយខុសច្បាប់៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group
ព័ត៌មានជាតិ៤៩ នាទីutes មុន

អ្នកនាំពាក្យខេត្តកោះកុង ៖ មិនទាន់មានការបង្រ្កាបទីតាំងល្បែងអនឡាញទេ មានតែករណីស្រាវជ្រាវឃាតកម្ម

ព័ត៌មានជាតិ៥៧ នាទីutes មុន

មន្ត្រីជាន់ខ្ពស់៖ការអប់រំកុមារតូចៗជាមូលដ្ឋានគ្រឹះដ៏សំខាន់សម្រាប់សិស្សទទួលបានការសិក្សាពេញមួយជីវិត

ព័ត៌មានជាតិ១ ម៉ោង មុន

ការដាក់​ពាក្យ​ប្រឡង​ក្រប​ខ័ណ្ឌ​មន្ត្រីពន្ធនាគារ នឹងចាប់ផ្តើម​ផ្តល់ពាក្យ​នៅ​ដើមសប្តាហ៍​ក្រោយ

ព័ត៌មានជាតិ១ ម៉ោង មុន

«កក្កដា»ជាខែដ៏ពិសិដ្ឋ មានអត្ថន័យធំធេងចំពោះកម្ពុជា ព្រោះសម្បត្តិបេតិកភណ្ឌជាតិចំនួន៣ បានចុះក្នុងបញ្ជីបេតិកភណ្ឌពិភពលោក

ព័ត៌មានជាតិ១ ម៉ោង មុន

ឥណ្ឌា ផ្តល់អាហារូបករណ៍ដល់និស្សិតកម្ពុជា ៤១ នាក់ ទៅបន្តការសិក្សាថ្នាក់ឧត្តម និងក្រោយឧត្តមសិក្សា នៅប្រទេសឥណ្ឌា

ព័ត៌មានអន្ដរជាតិ៥ ម៉ោង មុន

ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម

ព័ត៌មានអន្ដរជាតិ១២ ម៉ោង មុន

ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?

សន្តិសុខសង្គម៥ ម៉ោង មុន

នគរបាលប្រឆាំងបទល្មើសសេដ្ឋកិច្ចចុះបង្ក្រាប​ហាងលក់សម្លៀកបំពាក់ H Collection  ៣ទីតាំងពាក់ព័ន្ធករណីក្លែងបន្លំម៉ាកយីហោ

ព័ត៌មានអន្ដរជាតិ៤ ម៉ោង មុន

ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?

ព័ត៌មានអន្ដរជាតិ១១ ម៉ោង មុន

រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់

Sokha Hotels

ព័ត៌មានពេញនិយម