Connect with us

ព័ត៌មានជាតិ

មន្ត្រីជំនាញ៖ «ការរស់នៅស្អាត ហូបស្អាត និងផឹកស្អាត» នៅតែជាវិធានការដ៏ល្អបំផុតក្នុងការបង្ការការឆ្លងមេរោគផ្សេងៗ

បានផុស

នៅ

មន្ត្រីជំនាញសុខាភិបាល បានលើកឡើងថា «ការរស់នៅស្អាត ហូបស្អាត និងផឹកស្អាត» នៅតែជាវិធានការដ៏ល្អបំផុត និងមានប្រសិទ្ធភាពបំផុតក្នុងការបង្ការការឆ្លងមេរោគផ្សេងៗ ពិសេសជំងឺរាគរូស និងការពុលចំណីអាហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ញឹប អង្គាបុស្ស ប្រធានមន្ទីរពេទ្យកុមារជាតិ បានមានប្រសាសន៍នៅព្រឹកថ្ងៃទី១ឧសភានេះ ដោយបានអំពាវនាវដល់ប្រជាពលរដ្ឋត្រូវបន្តអនុវត្តវិធានការ «ការរស់នៅស្អាត ហូបស្អាត និងផឹកស្អាត» ឱ្យបានខ្ជាប់ខ្ជួនដូចជាការរស់នៅស្អាតត្រូវរស់នៅប្រកបដោយអនាម័យ បរិស្ថានស្អាតកន្លែងការងារ និងលំនៅដ្ឋានត្រូវស្អាតមិនមានធូលី ផ្សែង
ឬទឹកស្អុយ ក្លិនអាក្រក់ និងឧស្សាហ៍លាងសំអាតដៃជាមួយសាប៊ូ និងទឹកឬអាកុលឱ្យបានស្អាត។ លើសពីនេះត្រូវហូបស្អាតត្រូវបរិភោគចំណីអាហារណាដែលមានអនាម័យលាងសំអាតអាហារចម្អិន និងគ្របទុកដាក់ម្ហូបអាហារឱ្យបានត្រឹមត្រូវ និងផឹកស្អាតត្រូវបរិភោគទឹកដែលគ្មានមេរោគ ដូចជាទឹកដាំពុះ និងទឹកបរិសុទ្ធដែលមានការផលិតតាមស្តង់ដាខ្ពស់។

លោកវេជ្ជបណ្ឌិត បានបន្តថា «ពេលប្រជាពលរដ្ឋអនុវត្តវិធានការទាំងបីនេះបានខ្ជាប់ខ្ជួន នឹងជួយបន្ថយការឆ្លងមេរោគ
ផ្សេងៗធ្វើឱ្យសុខភាពល្អកាត់បន្ថយការចំណាយក្នុងព្យាបាលជំងឺ និងអាចប្រកបរបរចិញ្ចឹមជីវិតបានកាន់តែប្រសើរព្រមទាំងធ្វើឱ្យជីវភាពគ្រួសារកាន់តែរីកចម្រើន»។ លោកវេជ្ជបណ្ឌិតបានបន្ថែមទៀតថា ក្រៅពីនេះប្រជាពលរដ្ឋត្រូវលាងសំអាតដៃឱ្យបានត្រឹមត្រូវ ព្រោះថាវាអាចកាត់បន្ថយការចម្លងរោគផ្សេងៗរហូតដល់ទៅ៧០%បើទោះបីជាការលាងដៃជាវិធីមួយសាមញ្ញតែជាវិធីមួយចាំបាច់សម្រាប់មនុស្សគ្រប់ៗគ្នា ។

លោកវេជ្ជបណ្ឌិតបានបន្តទៀតថា «បច្ចុប្បន្ននេះនរណាក៏បានលាងដៃដែរតែមានមនុស្សមួយចំនួនលាងដៃមិនបានត្រឹមត្រូវ​បណ្តាលឱ្យឆ្លងរោគផ្សេងៗមកពីលាងមិនស្អាតនេះ។ ដូចនេះការប្រារព្វពិធីនេះដើម្បីបង្ហាញពីរបៀបលាងសំអាតដៃដល់មាតាបិតាកុមារ និងកុមារដែលបាននាំកូនមកពិគ្រោះជំងឺ ឬសម្រាកនៅមន្ទីរពេទ្យឱ្យបានយល់ដឹងដើម្បីធ្វើឱ្យការលាងដៃបានស្អាតល្អ និងបន្តផ្សព្វផ្សាយទៅសមាជិកក្រុមគ្រួសារនៅផ្ទះ ឬសហគមន៍កាត់បន្ថយការឆ្លងជំងឺផ្សេងៗ»។

លោកវេជ្ជបបណ្ឌិតបានបន្ថែមថា «ដៃរបស់យើងតែងតែប៉ះពាល់ទៅនឹងវត្ថុផ្សេងៗហើយមានភ្ជាប់មេរោគចូលទៅក្នុងខ្លួន
យើងហើយមេរោគទាំងនោះនឹងបន្តទៅចម្លងដល់អ្នកផ្សេងទៀតនៅពេលដែលយើងមិនបានលាងសំអាតដៃឱ្យបានត្រឹមត្រូវទេនោះ»។ លោកវេជ្ជបណ្ឌិតបានបន្ថែមថា «រៀងរាល់ថ្ងៃបុគ្គលិកយើងខិតខំប្រឹងប្រែងយ៉ាងហ្មត់ចត់ដើម្បីធានាឲ្យ
មានសុវត្ថិភាពសម្រាប់អ្នកជំងឺ ជាពិសេសកុមារដែលកំពុងទទួលការថែទាំនៅក្នុងមន្ទីរពេទ្យ។ តែទោះជាយើង បានខិតខំជាប្រចាំថ្ងៃរួចហើយក៏ដោយ យើងនៅតែដឹងថា ជំងឺឆ្លងនៅតែជាបញ្ហាដ៏ធ្ងន់ធ្ងរមួយមិនត្រឹមតែប៉ុណ្ណោះនៅក្នុងមន្ទីរពេទ្យ ប៉ុន្តែស្ថិតនៅក្នុងសហគមន៍ផងដែរដែលអនាម័យមិនល្អអាចបណ្តាលឲ្យមានជំងឺដែលអាចការពារ»។

លោកវេជ្ជបណ្ឌិតបានបញ្ជាក់ថា ដូចនេះការលាងដៃមិនមែនធ្វើតែនៅមន្ទីរពេទ្យទេ ពោលគឺត្រូវធ្វើនៅតាមផ្ទះនិងទី​សាធារណៈផ្សេងៗ ព្រោះថាមេរោគមិនមែនមានតែនៅក្នុងមន្ទីរពេទ្យទេគឺមានគ្រប់ទីកន្លែងដែលមិនស្អាតនិងមិនមានអនាម័យ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group
ក្រុងតាខ្មៅ
សន្តិសុខសង្គម២ នាទីutes មុន

នគរបាលក្រុងតាខ្មៅ កោះហៅអ្នករត់កង់បីឥណ្ឌាដែលប្រើប្រាស់សម្ភារកងកម្លាំងមកសួរនាំ និងធ្វើកិច្ចសន្យាបញ្ឈប់សកម្មភាព

ព័ត៌មានអន្ដរជាតិ២០ នាទីutes មុន

អ៊ុយក្រែន និងអាមេរិកចុះហត្ថលេខាលើកិច្ចព្រមព្រៀងរ៉ែ

មន្ត្រីជំនាញ
ព័ត៌មានជាតិ៤៨ នាទីutes មុន

មន្ត្រីជំនាញ៖ «ការរស់នៅស្អាត ហូបស្អាត និងផឹកស្អាត» នៅតែជាវិធានការដ៏ល្អបំផុតក្នុងការបង្ការការឆ្លងមេរោគផ្សេងៗ

ទិវាពលកម្មអន្តរជាតិ ១ឧសភា
ព័ត៌មានជាតិ១ ម៉ោង មុន

សហជីពនៅកម្ពុជា ជួបជុំរៀបចំទិវាពលកម្មអន្តរជាតិ ១ឧសភា បង្ហាញពីសុខដុមនីយកម្មក្នុងវិស័យការងារ

ទឹកត្នោតផ្អែម
ព័ត៌មានជាតិ១ ម៉ោង មុន

អ្នកឃុំព្រែកនរិន្ទ ប្រកបរបរឡើងត្នោត អាចលក់ទឹកត្នោតផ្អែមក្នុងមួយថ្ងៃពី ១០០ ដល់១៥០ ដប

នយោបាយ៣ ម៉ោង មុន

សម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក

សន្តិសុខសង្គម១៨ ម៉ោង មុន

ឆ្លងចរន្ត​ផ្ទុះ​ឆាបឆេះ​បង្គោលភ្លើង២ដើម ផ្អើល​ពលរដ្ឋ​លើ​ផ្លូវ​កែវចិន្តា

ព័ត៌មានជាតិ២៣ ម៉ោង មុន

មន្រ្តីជាន់ខ្ពស់មហាផ្ទៃ ព្រមានចាត់វិធានការផ្លូវច្បាប់ ករណីជនមួយក្តាប់តូចប្រើឈ្មោះថា នៅពីក្រោយការឈូសឆាយព្រៃលិចទឹក

ព័ត៌មានជាតិ២៣ ម៉ោង មុន

អស្ចារ្យណាស់! រូបចម្លាក់ព្រះនារាយណ៍ផ្ទុំធំកម្ពុជា នឹងដាក់តាំងបង្ហាញនៅអន្តរជាតិដល់ឆ្នាំ ២០២៧

ព័ត៌មានជាតិ១៩ ម៉ោង មុន

ទិន្នផល​ទុរេន​ទឹក​ឈូ​ឆ្នាំ​នេះ​ល្អជាងឆ្នាំមុន  ខណៈ​ដែល​រសជាតិ​កាន់​តែ​ឈ្ងុយឆ្ងាញ់​និង​មាន​ទីផ្សារ​ល្អ

Sokha Hotels

ព័ត៌មានពេញនិយម