សន្តិសុខសង្គម
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
រថយន្ត ១ គ្រឿង លួចដឹកទឹកដោះគោស្រស់ ចំនួន ២៧ កេះ ចេញពីប្រទេសថៃ ចូលមកខេត្តបន្ទាយមានជ័យ តាមច្រករបៀង ត្រូវបានកម្លាំងអាវុធហត្ថស្រុកម៉ាឡៃបង្ក្រាប កាលពីវេលាម៉ោង ៧ ព្រឹក ថ្ងៃទី ១៣ ខែកក្កដា ឆ្នាំ ២០២៥ ម្សិលមិញ។
លោកវរសេនីយ៍ត្រី តាំង សុខហេង មេបញ្ជាការមូលដ្ឋានកងរាជអាវុធហត្ថស្រុកម៉ាឡៃ បានឲ្យដឹងថា ការចុះបង្ក្រាបរថយន្តម៉ាកតូយ៉ូតាកាមរីឆ្លាម ១ គ្រឿង ដែលលួចដឹកទឹកដោះគោស្រស់ យីហោ Meiji នេះ ដោយអនុវត្តតាមបទបញ្ជារបស់ លោក អ៊ុំ រាត្រី អភិបាលខេត្តបន្ទាយមានជ័យ ប្រធានគណៈបញ្ជាការឯកភាពខេត្ត បានដាក់ចេញនូវបទបញ្ជាយ៉ាងម៉ឺងម៉ាត់ដល់គ្រប់កងកម្លាំងឈរជើងតាមបណ្ដោយព្រំដែន អាជ្ញាធរក្រុង-ស្រុក ជាប់ព្រំដែន បន្តរួមគ្នាទប់ស្កាត់នូវបទល្មើសផ្សេងៗ មិនអនុញ្ញាតឲ្យមានការយកទំនិញពីថៃចូលកម្ពុជាឡើយ។ បើមាន ត្រូវតែពួតដៃគ្នាធ្វើការបង្ក្រាបឲ្យបាន បើទោះបីស្ថានភាពនៅព្រំដែនមិនទាន់ធូរស្រាលក៏ដោយ ជាពិសេសសមត្ថកិច្ច និងអាជ្ញាធរតាមច្រកព្រំដែននីមួយៗ ក្នុងកិច្ចប្រជុំ ជាមួយក្រុមការងារ កងកម្លាំងឈរជើងតាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រខេត្តបន្ទាយមានជ័យ។
លោកបន្តថា កាលពីព្រឹកថ្ងៃទី ១៣ កក្កដា នេះ មានរថយន្ត ១ គ្រឿង ម៉ាកតូយ៉ូតាកាមរីឆ្លាម ពណ៌ទឹកមាស ពាក់ផ្លាកលេខ បន្ទាយមានជ័យ 2B-7437 បានដឹកទឹកដោះគោស្រស់ យីហោ Meiji ចំនួន ២៧ កេះ ស្មើ ៤៩៦ ដប ចូលតាមច្រកភូមិដូង ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ដោយកម្លាំងអាវុធហត្ថឃាត់ខ្លួនជនសង្ស័យចំនួន ២ នាក់ គឺ ទី ១-ឈ្មោះ រី ម៉ារីយ៉ុម ហៅ ប៊ី ភេទស្រី អាយុ ៤៣ ឆ្នាំ និង ទី ២-ឈ្មោះ នាង សុខណា ភេទប្រុស អាយុ ១៨ ឆ្នាំ ជាកម្មករ។ ជនសង្ស័យទាំង ២ នាក់ និង វត្ថុតាង ត្រូវបាននាំមកកាន់មូលដ្ឋានកងរាជអាវុធហត្ថស្រុក ដើម្បីសួរនាំ និងចាត់ការតាមនីតិវិធី។
លោកបន្តទៀតថា ក្រោយឃាត់ខ្លួន និងសួរនាំរួច ជនសង្ស័យឈ្មោះ រី ម៉ារីយ៉ុម ហៅ ប៊ី បានឆ្លើយសារភាពថា ខ្លួនពិតជាបានទិញទឹកដោះគោស្រស់យីហោ Meiji ម៉ីជិ ពីខាងដេប៉ូប្រទេសថៃ ហើយយកមកខ្មែរពិតប្រាកដមែន។ ក្រោយធ្វើកំណត់ហេតុ កម្លាំងមូលដ្ឋានកងរាជអាវុធហត្ថស្រុក បានកសាងសំណុំរឿងបញ្ជូនជនសង្ស័យមកកាន់បញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី។
ដោយឡែក លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើស បានឲ្យដឹងដែរថា ដោយបានការអនុញ្ញាតពី លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពី លោក កើត វណ្ណារ៉េត ព្រះរាជអាជ្ញា អមសាលាដំបូងខេត្ត ជនសង្ស័យ ត្រូវបានកម្លាំងការិយាល័យព្រហ្មទណ្ឌកងរាជអាវុធហត្ថខេត្ត បញ្ជូនទៅសាលាដំបូងខេត្ត នៅរសៀលថ្ងៃទី ១៤ ខែកក្កដា ឆ្នាំ ២០២៥ នេះហើយ ដើម្បីអនុវត្តតាមនីតិវិធី នៃច្បាប់៕
អត្ថបទ ៖ វ៉ាន់ ណាង
ខេម អំពាវនាវមហាជនចូលរួមផ្តល់កម្លាំងចិត្តជូនវីរៈកងទ័ពជួរមុខ តាមរយៈកម្មវិធីច្រៀងចម្រៀងជាតិ និងជាវអាវ
មីយ៉ាន់ម៉ា បន្តទម្លាក់គ្រាប់បែកលើតំបន់ជាប់ព្រំដែនថៃ ស្លាប់អ្នកភូមិ២នាក់នៅខាងមីយ៉ាន់ម៉ា
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
ជនសង្ស័យគ្រឿងញៀន៨នាក់ក្នុងមូលដ្ឋានស្រុកបាទី ត្រូវបានឃាត់ខ្លួនក្រោយពលរដ្ឋរាយការណ៍តាម App Nodrug
កម្ពុជាកំពុងធ្វើវិសោធនកម្មច្បាប់អប់រំ ដើម្បីអភិវឌ្ឍធនធានមនុស្ស និងផ្តល់ការអប់រំពេញមួយជីវិត
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
មេធាវីថៃម្នាក់ចេញមុខគាំទ្រជនកំសាក ដែលលួចវាយទាហានកម្ពុជា ទោះប្រទេសថៃកំពុងអាម៉ាស់
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
ការប្រយុទ្ធគ្នានៅមីយ៉ាន់ម៉ា រឹតតែខ្លាំង ធ្វើឲ្យពលរដ្ឋថៃនៅជាប់ព្រំដែន រស់នៅទាំងភ័យខ្លាច
-
ព័ត៌មានអន្ដរជាតិ២ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៤ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៩ ម៉ោង agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៣ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៦ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច៥ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានអន្ដរជាតិ២ ថ្ងៃ agoក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ