ព័ត៌មានជាតិ
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
រដ្ឋសហព័ន្ធរុស្ស៊ីនឹងបញ្ជូនប្រតិភូកងការពារដែនអាកាសមកទស្សនកិច្ចនៅកម្ពុជាដើម្បីបង្កើតនូវកិច្ចសហប្រតិបត្តិការថ្មីមួយរវាងកងទ័ពប្រទេសទាំងពីរ។ ដំណើរទស្សនកិច្ចនេះអាចធ្វើឡើងក្នុងអំឡុងខែកញ្ញា ឬខែតុលាខាងមុខ នេះបើតាមការបញ្ជាក់របស់អនុព័ន្ធយោធារុស្ស៊ីប្រចាំកម្ពុជាលោក Ivan Stadchenko នៅព្រឹកថ្ងៃទី១០ ខែកក្កដា ឆ្នាំ២០២៥នេះ។
ថ្លែងក្នុងសន្និសីទសារព័ត៌មានអំពីគោលនយោបាយការបរទេសរុស្ស៊ីនៅស្ថានទូតរុស្ស៊ី ព្រឹកថ្ងៃទី១០ ខែកក្កដានេះ លោក Ivan Stadchenko បានលើកឡើងថា បច្ចុប្បន្នកម្ពុជានិងរុស្ស៊ីមានកិច្ចសហប្រតិបត្តិការណ៍កងទ័ពជើងគោករួចហើយ និងសម្លឹងទៅរកកិច្ចសហប្រតិបត្តិការណ៍ផ្សេងទៀតដូចជាការការពារដែនអាកាសជាដើម ដោយលោកសង្ឃឹមថានឹងទទួលបានលទ្ធផលវិជ្ជមានបន្ទាប់ពីដំណើរទស្សនកិច្ចនាពេលខាងមុខ។
លោកថា៖ «នេះជាដំណើរទស្សនកិច្ចជាលើកដំបូងនៅព្រះរាជាណាចក្រកម្ពុជា ដូច្នេះនេះជាដំណើរការនៃកិច្ចសហប្រតិបត្តិការក្នុងវិស័យនេះ។ ខ្ញុំអត់ទាន់អាចនិយាយពីលទ្ធផលបានទេ តែលោកអ្នកដឹងច្បាស់ហើយថាប្រព័ន្ធការពារអាកាសនេះគឺជាអ្វី? នេះគឺជាកិច្ចចាប់ផ្ដើមអន្តរកម្មរបស់យើងក្នុងវិស័យនេះ»។
ការបញ្ជូនកងការពារដែនអាកាសមកក្នុងបំណងបង្កើតកិច្ចសហប្រតិបត្តិការជាមួយកម្ពុជាពេលនេះស្របពេលដែលកម្ពុជានិងថៃកំពុងមានបញ្ហាព្រំដែន ហើយកម្ពុជាបានលើកឡើងពីប្រសិទ្ធភាព និងពង្រឹងខែលការពារអាកាសរបស់ខ្លួនផងដែរ។ ទោះជាយ៉ាងណាឯកអគ្គរដ្ឋទូតរុស្ស៊ីប្រចាំកម្ពុជាលោក Anatoly Borovik បញ្ជាក់ថារុស្ស៊ីមិនជ្រែតជ្រែកកិច្ចការផ្ទៃក្នុងរបស់ប្រទេសណាមួយទេ ដោយលោកសង្ឃឹមថាប្រទេសទាំងពីរនឹងរកបាននូវដំណោះស្រាយសន្ដិភាពចំពោះបញ្ហានេះ។
គួរឱ្យដឹងផងដែរថា រុស្ស៊ី ឬអតីតសហភាពសូវៀត ជាប្រទេសមួយដែលគាំទ្រដល់កម្ពុជាតាំងពីការដួលរលំទៅនៃរបបកម្ពុជាប្រជាធិបតេយ្យឆ្នាំ១៩៧៩មកម្លេះ។ សម្ភារៈសឹកសង្គ្រាមជាច្រើនដែលជារបស់សហភាពសូវៀត និងរុស្ស៊ីនៅតែមានចំនួនច្រើនក្នុងយោធាកម្ពុជា ដោយបែបនេះហើយទើប អនុព័ន្ធយោធារុស្ស៊ីបានឱ្យដឹងក្នុងសន្នីសិទសារព័ត៌មានព្រឹកនេះថា រុស្ស៊ីរីករាយក្នុងការជួយធ្វើទំនើបកម្មអាវុធកម្ពុជាឱ្យកាន់តែទំនើបនៅពេលដែលមានសំណើរពីកម្ពុជា។
កាលពីដើមឆ្នាំ២០២២ កម្ពុជាបានសម្រេចបង្កើតកងកាំជ្រួចការពារអាកាសរយៈចំងាយមធ្យមចំណុះឱ្យបញ្ជាការដ្ឋានការពារអាកាសនៃអគ្គបញ្ជាការដ្ឋាន។ ការបង្កើតនេះគឺបន្ទាប់ពីអតីតនាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រកាសពីការពង្រឹងសំណាញ់មេឃ ដោយថាតាមបទពិសោធន៍របស់សម្ដេចយន្តហោះចម្បាំងមានចំណុចខ្សោយច្រើនណាស់ ដែលទ័ពការពារអាកាសអាចត្រៀមដើម្បីទប់ទល់ការវាយប្រហារបាន៕
អត្ថបទដោយ ហ៊ុន សិរីវឌ្ឍន៍
លោកឃួង ស្រេង ៖ ការបម្រើសេវាសាធារណៈជូនពលរដ្ឋ លោកមិនចង់ឭថា ធ្វើឯកសារ ខុសនេះខុសនោះធ្វើមិនចេះត្រូវ
វិទ្យាស្ថានគរុកោសល្យបាត់ដំបង ចុះ MoU ជាមួយវិទ្យាល័យចំនួន ៣ ពង្រឹងសមត្ថភាពគ្រូបង្រៀន
ទឹកជំនន់ធ្ងន់ធ្ងរកំពុងវាយប្រហារខេត្តភាគខាងជើងប្រទេសថៃ
ទេសរដ្ឋមន្រ្តី គន់ គីម៖ រដ្ឋាភិបាលបន្តយកចិត្តទុកដាក់ខ្ពស់ចំពោះមន្រ្តីចូលនិវត្តន៍ មិនទុកឱ្យឯកោឡើយ
ពលករខ្មែរប្រមាណ ៥ម៉ឺននាក់បានត្រឡប់មកកម្ពុជាវិញ ខណៈជាង ១ម៉ឺន៣ពាន់នាក់ទទួលបានឱកាសការងារធ្វើ
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
ក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ
ទីបំផុតដឹងមូលហេតុធ្លាក់យន្តហោះ Air india ដែលសម្លាប់មនុស្ស ២៦០នាក់ហើយ
នាយករដ្ឋមន្រ្តី ណែនាំឱ្យទូងស្គរ ទះប៉ោត ដើម្បីអបអរទីតាំងចំនួន៣របស់កម្ពុជាត្រូវបានចុះបញ្ជីបេតិកភណ្ឌពិភពលោក
គម្រោងផ្លូវបេតុងប្រវែង ១៥០០ម៉ែត្រ សមិទ្ធផលប្រវត្តិសាស្ត្រថ្មីលេីដីកោះរងាវតាមដងទន្លេមេគង្គលើក្នុងខេត្តក្រចេះ
-
ព័ត៌មានអន្ដរជាតិ៨ ម៉ោង agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ៣ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ២ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច៣ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៥ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
-
ព័ត៌មានអន្ដរជាតិ៥ ថ្ងៃ agoចារកម្មអ៊ុយក្រែន ប្រាប់ថា ឡាវនឹងបញ្ជូនទ័ពទៅជួយរុស្ស៊ី ដូចកូរ៉េខាងជើងដែរ