ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ

ជុំវិញករណីជនកំសាកដែលលួចវាយទាហានកម្ពុជានៅប្រាសាទតាមាន់ធំ ពេលនេះកងទ័ពថៃបានចេញសេចក្តីប្រកាសថា ម្នាក់នោះគឺជាទេសចរប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសរបស់កងទ័ពថៃ អ្នកនាំពាក្យកងទ័ពជើងគោកថៃ Winthai Suvaree បញ្ជាក់ថា នាវេលាម៉ោងប្រហែល ១០:២០ នាទីព្រឹកថ្ងៃអាទិត្យទី១៣ខែកក្កដាឆ្នាំ២០២៥ លោកបានទទួលរបាយការណ៍ពីកងកម្លាំងសុរិន្ទណារី អំពីករណីភ្ញៀវទេសចរជនជាតិថៃម្នាក់ បានវាយដំមន្ត្រីយោធាកម្ពុជានៅតំបន់ប្រាសាទតាមាន់ធំ។ ជនបង្កហេតុបានដាល់មន្ត្រីកម្ពុជា មុននឹងរត់គេចខ្លួនចេញពីតំបន់នោះ។ ក្រោយមក មន្ត្រីថៃបានតាមដាននិងឃាត់ខ្លួនជនបង្កហេតុបាន។

សេចក្តីប្រកាសនោះបន្តថា ជនបង្កហេតុមានឈ្មោះ Sommai Srisukranan ជាអតីតយោធាស្ម័គ្រចិត្ត បច្ចុប្បន្នកាន់តំណែងជាប្រធានក្លឹបយោធាស្ម័គ្រចិត្តចិត្ត Pak Thong Chai និងជាប្រធានបណ្តាញអតីតយុទ្ធជនខេត្ត Samut Sakhon។

ទោះបីជាមានការបកស្រាយបែបនេះក្តី ប៉ុន្តែតាមរយៈវីដេអូថតបាន គេឃើញយ៉ាងច្បាស់ថា ម្នាក់នោះគឺជាទាហានឈុតខ្មៅ ដ៏កំសាកដែលលួចវាយទាហានរបស់យើង។

ទង្វើដ៏ថោកទាបនេះ សបញ្ជាក់ឲ្យឃើញកាន់តែច្បាស់អំពីចរិតរបស់ថៃ និងបង្ហាញដល់ពិភពលោកថា ថៃតែងព្យាយាមបង្ករឿងនិងធ្វើទង្វើរំលោភបំពានមកលើកម្ពុជាជានិច្ច៕ 

អត្ថបទ៖ សុខ សុវណ្ណ

ចុចអាន៖ ​យោធា​​ថៃព្យាយាម​​បំភាន់​​ប្រជាជន​ខ្លួន​ឯង​ និង​សាធារណៈ​​ជន ត្រង់​ថា​​ «ខ្លួន​មិនបាន​បិទ​ព្រំដែន»​​