ព័ត៌មានជាតិ
ជំងឺ ៥ ប្រភេទ កំពុងយាយីទៅលើកុមារកម្ពុជា
ជំងឺចំនួន ៥ ប្រភេទ កំពុងយាយីទៅលើកុមារកម្ពុជាគួរឱ្យព្រួយបារម្ភ ដែលទាមទារអាណាព្យាបាលមាតាបិតា ត្រូវយកចិត្តទុកដាក់ខ្ពស់ និងចូលរួមទប់ស្កាត់ទាំងអស់គ្នា។
បើតាម លោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានឱ្យដឹងនៅក្នុងសន្និបាតបូកសរុបការងារឆ្នាំ ២០២៣ និងលើកទិសដៅបន្តឆ្នាំ ២០២៤ កាលពីថ្ងៃទី ២៧ មីនា ថា ឆ្នាំ ២០២៣ មន្ទីរពេទ្យកុមារជាតិ ទទួលបានអតិថិជនកើនឡើង បើធៀបទៅនឹងឆ្នាំ ២០២២។ ជាក់ស្ដែងការពិនិត្យពិគ្រោះជំងឺក្រៅ ឆ្នាំ ២០២២ មាន ១៦៧.១៧៦ ករណី ខណៈឆ្នាំ ២០២៣ មាន ១៩២.៣៦៤ ករណី បានកើនឡើងចំនួន ១៥%។ រីឯអ្នកជំងឺសម្រាកពេទ្យ ឆ្នាំ ២០២២ មាន ២៤.៥៣៥ ករណី ខណៈ ឆ្នាំ ២០២៣ មាន ៣៧.៣៦៧ ករណី កើនឡើងចំនួន ៥២%។ ក្នុងចំណោមជំងឺសម្រាកពេទ្យ មានជំងឺចំនួន ៥ មានភាពលេចធ្លោជាងគេរួមមាន ជំងឺរលាកបំពង់ក មាន ៥.៥០៣ ករណី, ជំងឺគ្រុនឈាម មាន ៥.៣៨២ ករណី, ជំងឺរលាកកូនទងសួតមាន ៣.៨៩២ ករណី, ជំងឺរាកគ្រប់ប្រភេទ មាន ៣.២៥០ ករណី និងជំងឺទារកមិនគ្រប់ខែ មាន ៥.៣៣៦ ករណី។
លោកវេជ្ជបណ្ឌិត បានបន្តថា ការកើនឡើងចំនួនអ្នកជំងឺបានធ្វើឱ្យចំនួនគ្រែសម្រាកពេទ្យក៏មានការកើនឡើងផងដែរ ដោយនៅឆ្នាំ ២០២២ មន្ទីរពេទ្យ មានគ្រែចំនួន ៣៥០ គ្រែ អត្រាប្រើប្រាស់ ៨៧% ខណៈឆ្នាំ ២០២៣ មន្ទីរពេទ្យមានគ្រែចំនួន ៤០០ គ្រែ អត្រាប្រើប្រាស់ ១៣២%។
លោកវេជ្ជបណ្ឌិត បន្តទៀតថា ទោះបីជាអត្រាអ្នកជំងឺមានការកើនឡើងក៏ដោយ ក៏អត្រាស្លាប់របស់កុមារមានការថយចុះជាបន្តបន្ទាប់ ដោយក្នុងឆ្នាំ ២០២២ មាន ១,០៩% ខណៈឆ្នាំ ២០២៣ មានត្រឹមតែ ០,៦៩% ថយចុះ ០,៤០%។
លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានសំដែងនូវការសាទរចំពោះភាពជោគជ័យរបស់មន្ទីរពេទ្យកុមារជាតិ ពិសេសបានធ្វើឱ្យអត្រាមរណភាពរបស់កុមារនៅមន្ទីរពេទ្យធ្លាក់ចុះជាបន្ត បន្ទាប់ពី ១,០៩% ឆ្នាំ ២០២២ មក ០,៦៩% ឆ្នាំ ២០២៣។
លោករដ្ឋមន្ត្រី បានបន្តថា «ត្រង់ចំណុចនេះ មើលទៅលើជាលទ្ធផលជាក់ស្ដែងចំនួនអ្នកស្លាប់មានការថយចុះ ជាលទ្ធផលខ្ពស់មួយ និងសូមបន្តខិតខំបន្ថែមទៀត តើការដើរតួការស្លាប់ ០,៦៩% ជំងឺណាបណ្តាលឱ្យស្លាប់ច្រើនជាងគេ ដើម្បីយើងអាចដោះស្រាយឱ្យចំគោលដៅ និងកាន់តែប្រសើរ»។
ជាមួយគ្នានេះដែរ លោករដ្ឋមន្ត្រី បានណែនាំដល់មន្ទីរពេទ្យ ត្រូវពង្រឹង និងពង្រីកហេដ្ឋារចនាសម្ព័ន្ធមន្ទីរពេទ្យ កែលំអអគារ និងស្ថានភាពបរិស្ថានជុំវិញមន្ទីរពេទ្យឱ្យកាន់តែប្រសើរបន្ថែមទៀត។ លើកកម្ពស់ក្រមសីលធម៌វិជ្ជាជីវៈ និងបណ្ដុះបណ្ដាលសមត្ថភាពបន្ថែមទៀតដល់បុគ្គលិកមន្ត្រីរាជការ ពិសេសវេជ្ជបណ្ឌិតគិលានុបដ្ឋាកគិលានុបដ្ឋាយិកាឆ្មបឱ្យកាន់តែប្រសើរឡើងសមស្របទៅតាមនិយាមស្តង់ដារអន្តរជាតិ។
លើសពីនេះ ត្រូវពង្រឹងការគ្រប់គ្រង និងបំពាក់សម្ភារៈឧបករណ៍ និងឱសថឆ្លើយតបតាមតម្រូវការរបស់មន្ទីរពេទ្យ។ យកចិត្តទុកដាក់ឱ្យបានខ្ពស់ក្នុងការផ្តល់សេវាដល់ប្រជាពលរដ្ឋ ពិសេសកុមារ និងស្ត្រី ឱ្យកាន់តែប្រសើរឡើង។ ពង្រឹងសាមគ្គីភាពក្នុងការបំពេញការងារ និងបំពេញភារកិច្ចក្នុងវេនប្រចាំការឱ្យបាន ២៤ ម៉ោង ក្នុង ១ ថ្ងៃ ក្នុងមួយសប្ដាហ៍។ ការលើកកម្ពស់សុវត្ថិភាពក្នុងការព្យាបាលជំងឺ ការបញ្ជូនជំងឺ និងប្រព័ន្ធទំនាក់ទំនងផ្សេងៗ។ ការគ្រប់គ្រងពង្រឹងអភិបាលកិច្ចគ្រប់ផ្នែក ទាំងអស់ នៃមន្ទីរពេទ្យ។
លោករដ្ឋមន្ត្រី ក៏បានណែនាំខិតខំពង្រឹង និងពង្រីកនូវសមិទ្ធផលជាវិជ្ជមានបន្ថែមទៀត កាត់បន្ថយចំណុចអវិជ្ជមាន និងចំណុចខ្វះខាតដែលមាន ដើម្បីធ្វើឱ្យប្រជាពលរដ្ឋមកទទួលសេវានៅមន្ទីរពេទ្យកាន់តែមានភាពកក់ក្ដៅបន្ថែមទៀត៕
អត្ថបទ ៖ សំអឿន
សម្ដេច ហ៊ុន សែន៖ កម្ពុជាមិនល្ងង់ទៅយកកងទ័ពចិន មកដាក់លើទឹកដីរបស់ខ្លួនឡើយ
សម្ដេចតេជោ ថា ធ្វើជាប្រធានកិត្តិយសសមាគមឧកញ៉ា មិនមែនជារឿងចៃដន្យទេ តែជាទំនុកចិត្ត
ស្លាប់ម្នាក់និងរបួស៣នាក់ ខណៈក្រឡាប់រថយន្តដោយខ្លួនឯង
ខណ្ឌដូនពេញជិតមានតំបន់ទេសចរណ៍កម្សាន្តថ្មីមានទាំងហាងទំនិញ ភោជនីយដ្ឋានដូចតំបន់ PubStreet
សម្តេចធិបតី ក្រើនរំឭកភាគីពាក់ព័ន្ធប្រុងប្រយ័ត្នចំពោះអគ្គិភ័យ ខណៈកម្តៅកើនឡើង៤១អង្សាសេ
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ
កំណត់បានទីតាំងសាងសង់ស្ពានឆ្លងកាត់ទន្លេវ៉ៃគោលើផ្លូវល្បឿនលឿនភ្នំពេញ-បាវិត
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ
-
ជីវិតកម្សាន្ដ៣ ថ្ងៃ agoពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ agoគេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ agoមកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ agoកម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ agoតុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ agoអ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ agoចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ agoតួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម