ព័ត៌មានជាតិ

ខេត្តត្បូងឃ្មុំ បន្តរកឃើញអ្នកឆ្លងជំងឺកូវីដ១៩ថ្មី ចំនួន៤នាក់បន្ថែមទៀត

បានផុស

៥ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

Sorn Phanith

រដ្ឋបាលខេត្តត្បូងឃ្មុំ បានបន្តរកឃើញអ្នកវិជ្ជមានជំងឺកូវីដ១៩ថ្មីចំនួន៤នាក់បន្ថែមទៀត នៅថ្ងៃទី៣១ ខែមីនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់រដ្ឋបាលខេត្តត្បូងឃ្មុំ បានរកឃើញមនុស្ស ៤នាក់ទៀត ឆ្លងកូវីដ ១៩ ក្នុងនោះក៏មានកុមារអាយុ ៥ ឆ្នាំ។ ទី១ ជាបុរសមានអាយុ៥៥ឆ្នាំ មានទីលំនៅនៅភូមិខ្នងក្រពើលិច ឃុំត្រមូង ស្រុកមេម៉ត់។ ទី២ជាបុរស មានអាយុ៥៩ឆ្នាំ នៅឃុំត្រមូង ស្រុកមេមត់ ទី៣. បុរសអាយុ២៧ឆ្នាំ នៅភូមិត្បូងវត្ត ឃុំមេមត់ និងទី៤ កុមារា អាយុ៥ឆ្នាំ នៅភូមិត្បូងវត្តឃុំមេមត់។ រដ្ឋបាលខេត្តបានរកឃើញអ្នកពាក់ព័ន្ធផ្ទាល់និងប្រយោលចំនួន៧៩នាក់ មានស្រី៥៣នាក់ផងដែរ។

រដ្ឋបាលខេត្តត្បូងឃ្មុំបានបញ្ជាក់ថា ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ១៩រដ្ឋបាលខេត្តត្បូងឃ្មុំ សូមធ្វើការអំពាវនាវបងប្អូនប្រជាពលរដ្ឋពិសេសអ្នកដែលបានជួបប្រាស្រ័យទាក់ទងប៉ះពាល់ដោយផ្ទាល់និងប្រយោលជាមួយបុរសខាងលើ សូមទំនាក់ទំនងយកសំណាកនៅគ្រប់មន្ទីរពេទ្យ ក្នុងខេត្តត្បូងឃ្មុំចាប់ពីថ្ងៃជូនដំណឹងនេះតទៅ។ ជាមួយគ្នានេះដែរ បងប្អូនប្រជាពលរដ្ឋ ដែលមានរោគសញ្ញា ផ្ដាសាយ ក្អក ហៀរសំបោរ ឈឺបំពង់ក ថប់ដង្ហើម ឬរោគសញ្ញាសង្ស័យផ្សេងៗ សូមទៅពិនិត្យសុខភាពនៅតាមមន្ទីរពេទ្យឬមណ្ឌលសុខភាព ដែលនៅស្ថិតនៅជិតកន្លែងដែលកំពុងស្នាក់នៅ៕

អត្ថបទ៖ សំអឿន

សូមចុចអាន៖ អ្នកជំងឺកូវីដ១៩ ម្នាក់ទៀតស្លាប់នៅមន្ទីរពេទ្យរុស្ស៊ី