ព័ត៌មានជាតិ
វិសោធនកម្មរដ្ឋធម្មនុញ្ញបើកផ្លូវឱ្យអាចដកសញ្ជាតិខ្មែរបានត្រូវបានចូលជាធរមាន
វិសោធនកម្មមាត្រា៣៣ នៃធម្មនុញ្ញត្រូវបានចូលជាធរមានតាំងពីថ្ងៃទី១៥ ខែកក្កដា ឆ្នាំ២០២៥ ភ្លាមៗបន្ទាប់ពីព្រះមហាក្សត្របានឡាយព្រះហស្ថលេខាដាក់ឱ្យប្រើប្រាស់។ ទោះជាយ៉ាងណាព្រះរាជក្រមនៃការប្រកាសឱ្យប្រើប្រាស់នេះទើបតែត្រូវបានផ្សព្វផ្សាយនៅព្រឹកថ្ងៃទី២១ ខែកក្កដា។
វិសោធនកម្មច្បាប់កំពូលរបស់ជាតិនេះត្រូវបានប្រកាសជាការប្រញាប់ផងដែរ ដែលមានន័យថាចូលជាធរមានភ្លាមៗបន្ទាប់ពីព្រះមហាក្សត្រឡាយព្រះហស្ថលេខាដាក់ឱ្យប្រើប្រាស់។
ច្បាប់ធម្មនុញ្ញវិសោធនកម្មមាត្រា៣៣នេះប្រើពេល៣ថ្ងៃនៃថ្ងៃធ្វើការគឺបន្ទាប់ពីសមាជិកសភាទាំង១២៥រូបបោះឆ្នោតអនុម័តនៅថ្ងៃទី១១ ខែកក្កដា និងបញ្ជូនទៅព្រឹទ្ធសភាបោះឆ្នោតទទួលយកនៅថ្ងៃទី១៤ ហើយព្រះមហាក្សត្របានឡាយព្រះហស្ថលេខាដាក់ឱ្យប្រើប្រាស់១ថ្ងៃបន្ទាប់។
ចាប់ពីពេលនេះមាត្រា៣៣នៃរដ្ឋធម្មនុញ្ញបានចែងថា៖ «ប្រជាពលរដ្ឋខ្មែរមិនត្រូវបាននិរទេសឬចាប់បញ្ជូនខ្លួនទៅឱ្យប្រទេសក្រៅណាមួយឡើយលើកលែងតែមានកិច្ចព្រមព្រៀងជាមួយគ្នាទៅវិញទៅមក។ ប្រជាពលរដ្ឋខ្មែរដែលកំពុងរស់នៅបរទេសត្រូវបានរដ្ឋគាំពា ការទទួលសញ្ជាតិខ្មែរ និងការបាត់សញ្ជាតិខ្មែរ ដោយរួមទាំងការដកសញ្ជាតិខ្មែរត្រូវកំណត់ក្នុងច្បាប់»។
រដ្ឋធម្មនុញ្ញាថ្មីនេះបានបើកផ្លូវឱ្យមានការរៀបចំវិសោធនកម្មច្បាប់សញ្ជាតិថ្មីដើម្បីដកសញ្ជាតិខ្មែរ ខណៈច្បាប់បច្ចុប្បន្នមិនបានបើកផ្លូវឱ្យដកសញ្ជាតិនោះទេ។
អ្នកនាំពាក្យក្រសួងយុត្តិធម៌លោក សេង ឌីណា បានប្រាប់កម្ពុជាថ្មីថាបច្ចុប្បន្នក្រសួងកំពុងរៀបចំធ្វើវិសោធនកម្មច្បាប់សញ្ជាតិថ្មីហើយ ដោយមិនទាន់អាចបញ្ជាក់លំអិតបាននៅឡើយទេដោយរង់ចាំការរៀបចំរួចរាល់សិន។
លោកសរសេរបញ្ជាក់ថា៖ «ចំពោះខ្លឹមសារនៃការធ្វើវិសោធនកម្មច្បាប់សញ្ជាតិ ទាល់តែយើងបានរៀបចំរួចរាល់ ទើបអាចប្រាកដច្បាស់ថា តើមានចំណុចអ្វីខ្លះ ដែលត្រូវកែប្រែ។ ដរាបណាមិនទាន់រួចរាល់ស្ថាពរទេ អ្វីៗអាចមានការប្រែប្រួល ដែលនេះជារឿងធម្មតា នៅក្នុងការធ្វើច្បាប់ថ្មីក៏ដោយ ឬការធ្វើវិសោធនកម្មច្បាប់ចាស់ក៏ដោយ»។
ច្បាប់សញ្ជាតិថ្មីរបស់កម្ពុជាត្រូវបានដាក់ឱ្យប្រើប្រាស់ក្នុងឆ្នាំ២០១៨ ដោយបាននិរាករណ៍ច្បាប់សញ្ជាតិចាស់ដែលបានធ្វើកាលពីឆ្នាំ១៩៩៦។ លោកឧបនាយករដ្ឋមន្ត្រីយុត្តិធម៌ កើត រិទ្ធ បានបញ្ជាក់ថារហូតមកដល់ពេលនេះច្បាប់សញ្ជាតិបានបើកច្រកសម្រាប់ការចូលសញ្ជាតិដោយគ្មានការដកសញ្ជាតិបាននោះទេ ដែលជាចំណុចខ្វះខាតមួយត្រូវ។ លោកបញ្ជាក់ថាការធ្វើច្បាប់មួយដែលអនុញ្ញាតឱ្យជាតិអាចដកចេញនូវពលរដ្ឋដែលក្បត់ជាតិចេញពីជាតិរបស់ខ្លួនគឺជារឿងសមស្របបំផុតដែលមិនមែនមានតែនៅកម្ពុជានោះទេ។
បច្ចុប្បន្នមានប្រទេសប្រមាណ១៥០នៅលើពិភពលោកមានច្បាប់ដើម្បីដកសញ្ជាតិនេះ ខណៈកម្ពុជាគឺជាប្រទេសក្រោយគេនៅអាស៊ានដែលបានរៀបចំច្បាប់នេះ៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា