Connect with us

ព័ត៌មានជាតិ

ឧត្តមសេនីយ៍ ខៀវ សុភ័គ ផ្តាំកុំឲ្យស្ថាបនិកគណបក្សបេះដូងជាតិ រត់ចោលស្រុក

បានផុស

នៅ

លេងកុំខឹង ខឹងកុំលេង ហើយកុំរត់ចោលស្រុក ឬសុំសិទ្ធិជ្រកកោនដូចអ្នកមុនៗ នេះជាការផ្តាំផ្ញើរបស់លោកឧត្តមសេនីយ៍ ខៀវ សុភ័គអ្នកនាំពាក្យក្រសួងមហាផ្ទៃ ដែលបានថ្លែងប្រាប់កម្ពុជាថ្មីនាព្រឹកថ្ងៃទី ២៤ ខែវិច្ឆិកា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ ខៀវ សុភ័គ ថ្លែងថា កន្លងមកយើងធ្លាប់បានបញ្ជាក់ប្រាប់គាត់ហើយថា យើងមិនចុះបញ្ជីឱ្យនោះទេ ដោយមានបញ្ហាការក្លែងស្នាមមេដៃ ហើយក្រសួងគិតថា នឹងមិនប្ដឹងទៅតុលាការដែរ ដោយសារនេះជាការយោគយល់មួយ ប៉ុន្តែក្រោយមកគាត់ក៏បានចេញសេចក្តីថ្លែងការណ៍ ដោយលើកឡើងថា នឹងប្ដឹងទៅតុលាការកំពូល។ 

លោកឧត្តមសេនីយ៍ ខៀវ សុភ័គ បញ្ជាក់ថា “និយាយរួម គឺគាត់មិនយោគយល់ អត់មានការយោគយល់អីដល់ក្រសួងសោះ ហើយថាជារឿងបំភិតបំភ័យនយោបាយ បែរជាយករឿងហ្នឹងទៅជារឿងនយោបាយផ្សេងទៀត”។

ទោះជាយ៉ាងណាក៏ដោយ លោកឧត្តមសេនីយ៍ ខៀវ សុភ័គ ផ្តាំថា “បើចង់លេងផ្លូវច្បាប់ក៏ល្អដែរ ប៉ុន្តែសូមផ្ដាំមុនកុំរត់ចោលស្រុក សុំជ្រកកោននយោបាយអីដូចអ្នកដទៃទៀត យកបញ្ហាហ្នឹងទៅលន់តួសុំស្ថានទូតផ្សេងៗសុំសិទ្ធិជ្រក កោននយោបាយ អាហ្នឹងផ្ដាំឱ្យហើយលេងកុំខឹង បើខឹងកុំលេង”។

គួររំឭកថា លោក សៀម ភ្លុក តំណាងស្ថាបនិកគណបក្សបេះដូងជាតិ កាលពីថ្ងៃទី២២ ខែវិច្ឆិកា ឆ្នាំ២០២១ បានចេញសេចក្តីថ្លែងការណ៍មួយបង្ហាញការសោកស្តាយចំពោះក្រសួងមហាផ្ទៃ ដែលបដិសេធចំពោះការស្នើសុំចុះបញ្ជីរបស់គណបក្សបេះដូងជាតិ ហើយអះអាងថា នឹងរៀបចំប្តឹងទៅតុលាការទៀតផង។

ក្រសួងមហាផ្ទៃ បានប្រកាសមិនចុះបញ្ជីឱ្យគណបក្សបេះដូងជាតិ ដោយសារតែការផ្តិតស្នាមមេដៃរបស់សមាជិកគណបក្សបេះដូងជាតិ ដើម្បីគាំទ្រការ ចុះបញ្ជីមានចេតនាទុច្ចរិត ដោយមានការផ្តិតស្មាមមេដៃជំនួស ការក្លែងបន្លំអត្តសញ្ញាណបុគ្គល និងការផ្តិតធ្វើឱ្យខូចគុណភាពក្នុងការបង្កើនបរិមាណសមាជិក។

ជាមួយគ្នានេះ ខ្លឹមសារប្រការមួយចំនួននៃលក្ខន្តិកៈគណបក្សផ្ទុយនឹងបទប្បញ្ញត្តិ នៃច្បាប់ស្តីពីគគណបក្សនយោបាយ។ មិនតែប៉ុណ្ណោះ នៅក្នុងលិខិតដាច់ដោយឡែកមួយទៅកាន់សម្តេចតេជោ ហ៊ុន សែន សម្តេចក្រឡាហោម ស ខេង បានលើកឡើងថា ក្រសួងមហាផ្ទៃ នឹងមានវិធានការផ្លូវច្បាប់ទៅតំណាងស្ថាបនិកគណបក្សបេះជាតិ និងបុគ្គលពាក់ព័ន្ធមួយចំនួនដែលបានចូលរួមក្លែងបន្លំស្នាមមេដៃនេះ។

ជាមួយគ្នានោះ អគ្គស្នងការដ្ឋាននគរបាលជាតិ បានធ្វើការពិនិត្យ និងកោសល្យវិច័យលើស្នាមមេដៃរបស់សមាជិកគណបក្សបេះដូងជាតិចំនួន៤៧៨១ ស្នាមមេដៃក្នុងនោះស្រីចំនួន២៣២៩ ហើយជាលទ្ធផលបានរកឃើញថា ស្នាមមេដាយរបស់ឈ្មោះបុគ្គលចំនួន២០ នាក់ (ស្រ្តី១០នាក់) ខុសពីស្នាមមេដៃនៅក្នុងអត្តសញ្ញាណប័ណ្ណ, ស្នាមមេដៃរបស់បុគ្គលចំនួន២០នាក់  ផ្តិតលើឈ្មោះបុគ្គលចំនួន៥៤ នាក់។

បន្ថែមពីលើនេះ ស្នាមមេដៃរបស់បុគ្គលចំនួន៧៤ នាក់ មានភាពមិនប្រក្រតី (ក្លែងស្នាមមេដាយបុគ្គល), ស្នាមមេដៃរបស់បុគ្គលចំនួន ២៨៧នាក់ ខូចគុណភាពមិនអាចធ្វើកោសល្យវិច្ច័យបាន, ស្នាមមេដៃមានភាពមិនប្រក្រតីធ្ងន់ធ្ងររបស់បុគ្គលចំនួន៥ នាក់ ផ្តិតលើឈ្មោះបុគ្គលចំនួន២១នាក់ (ម្នាក់ៗផ្តិតលើឈ្មោះបុគ្គល ចាប់ពី៣ ទៅ៥ នាក់)។

គណបក្សបេះដូងជាតិ (CNHP) គឺជាគណបក្សមួយក្នុងចំណោមគណបក្សចំនួន៧ ដែលបានបំបែកចេញពីអតីតគណបក្សសង្គ្រោះជាតិ (CNRP) ដែលត្រូវបានរំលាយដោយតុលាការ ហើយគណបក្សចំនួន៦ ទៀតរួមមាន៖ គណបក្សកែទម្រង់កម្ពុជា (CRP) គណបក្សខ្មែរស្រឡាញ់ ជាតិ (CNLP) គណបក្សខ្មែរអភិរក្ស (KCP) គណបក្សឆន្ទៈខ្មែរ (KWP) គណបក្សកម្ពុជានិយម (KP) និងគណបក្សអនាគតជាតិ (NFP)៕

អត្ថបទៈ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១០ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១៣ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម