នយោបាយ
តើឧបនាយករដ្ឋមន្ត្រីកម្ពុជា ឈរឈ្មោះជាបេក្ខជនតំណាងរាស្ត្រនៅមណ្ឌលណាខ្លះ?
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានឈរឈ្មោះជាតំណាងរាស្ត្រមណ្ឌលខេត្តកណ្ដាល។ សម្រាប់ឧបនាយករដ្ឋមន្ត្រី ដែលជាសេនាធិការរបស់ប្រមុខរាជរដ្ឋាភិបាលកម្ពុជាវិញ បានឈរឈ្មោះជាតំណាងរាស្ត្រនៅតាមមណ្ឌលផ្សេងៗគ្នានៅទូទាំងប្រទេសកម្ពុជា។
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឈរជាឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តបាត់ដំបង ជាមួយបេក្ខជន៧រូបផ្សេងទៀត។
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តសៀមរាប រួមជាមួយបេក្ខជនពេញសិទ្ធចំនួន៥រូបឯទៀត ក្នុងនោះ ក៏មានលោក ទៀ សីហា ជាកូនប្រុសរបស់សម្ដេចផ្ទាល់។
សម្ដេចកតិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង ទំនាក់ទំនងជាមួយ រដ្ឋសភា ព្រឹទ្ធសភា និងអធិការកិច្ច ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តស្វាយរៀង ជាមួយបេក្ខជនពេញសិទ្ធិ៤រូបទៀត។
សម្ដេច ចៅហ្វាវាំង វរវៀងជ័យ អធិបតីស្រឹង្គារ៍ គង់ សំអុល ឧបនាយករដ្ឋមន្រ្ដី រដ្ឋមន្រ្តីក្រសួងព្រះបរមរាជវាំង ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តកំពង់ឆ្នាំង រួមជាមួយបេក្ខជនពេញសិទ្ធចំនួន៣រូបផ្សេងទៀត។
លោកឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តកំពង់ចាម ជាមួយបេក្ខជនពេញសិទ្ធិចំនួន៩រូប។
លោកឧបនាយករដ្ឋមន្ត្រី កែ គឹម យ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តបន្ទាយមានជ័យ ជាមួយបេក្ខជនពេញសិទ្ធិចំនួន៥ទៀតនៅទីនោះ។
លោកឧបនាយករដ្ឋមន្ត្រី ជា សុផារ៉ា ឈរឈ្មោះជាបេក្ខជនពេញសិទ្ធិលេខរៀងទី២ បន្ទាប់ពីសម្ដេច ហេង សំរិន ជាប្រធានរដ្ឋសភា ជាបេក្ខជនពេញសិទ្ធិលេខរៀងទី១ តំណាងរាស្ត្រខេត្តត្បូងឃ្មុំ។
លោក ឧបនាយករដ្ឋមន្ត្រី អូន ព័ន្នមុនីរ័ត្ន ឈរឈ្មោះជាបេក្ខជនពេញសិទ្ធិលេខរៀងទី៣ តំណាងរាស្ត្រមណ្ឌលខេត្តកណ្ដាល។
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបទេស ឈរឈ្មោះជាបេក្ខជនពេញសិទ្ធិលេខរៀងទី៤ តំណាងរាស្ត្រ មណ្ឌលខេត្តកណ្ដាល ដែលនេះ មានបេក្ខជនចំនួន១១រូប ឈរឈ្មោះជាបេក្ខជនតំណាងរាស្រ្ត។
លោកឧបនាយករដ្ឋមន្ត្រី ប៊ិន ឈិន ឈរឈ្មោះជាបេក្ខជនពេញសិទ្ធិលេខរៀងទី១ តំណាងរាស្ត្រមណ្ឌលខេត្តតាកែវ ជាមួយបេក្ខជនពេញសិទ្ធិចំនួន៧រូបដទៃទៀត។
ដោយឡែក លោកឧបនាយករដ្ឋមន្ត្រី ហោ ណាំហុង វិញ គឺមិនបានឈរឈ្មោះជាបេក្ខជនតំណាងរាស្ត្រមណ្ឌលណាមួយឡើយ ក្នុងចំណោមមណ្ឌលទាំង២៥ រាជធានី-ខេត្ត៕
ដោយ៖ ង៉ិល ណារ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ