នយោបាយ
អតីតតំណាងរាស្ត្របក្សប្រឆាំងម្នាក់ សុំកិច្ចអន្តរាគមន៍ពីសម្ដេចធិបតី ឱ្យខ្លួនបានរួចពីទោស ហើយចូលមកកម្ពុជាវិញ
កូនប្រុសរបស់លោក គង់ គាំ គឺលោក គង់ សភា ដែលជាអតីតំណាងរាស្ត្រនៃអតីតគណបក្សសង្គ្រោះជាតិ បានស្នើសុំកិច្ចអន្តរាគមន៍ពីសម្ដេចធិបតី នាយករដ្ឋមន្ត្រី ជួយទូលថ្វាយព្រះមហាក្សត្រឱ្យលើកលែងទោសទណ្ឌទាំងឡាយដល់ខ្លួន ដើម្បីអាចវិលត្រឡប់ចូលប្រទេសកម្ពុជា។
![](https://www.kampucheathmey.com/wp-content/uploads/2024/04/image-1179.png)
លោក គង់ សភា នៅថ្ងៃទី១៧ ខែកក្កដា ឆ្នាំ២០២៣ ត្រូវបានគណៈកម្មការរៀបចំការបោះឆ្នោតរាជធានីភ្នំពេញ សម្រេចពិន័យជាប្រាក់ចំនួន១០លានរៀល ព្រមទាំងលុបឈ្មោះចេញពីបញ្ជីបោះឆ្នោត និងដកសិទ្ធឈរឈ្មោះឱ្យគេបោះឆ្នោតចំនួន២០ឆ្នាំ ក្នុងចំណោមមនុស្ស ១៦នាក់ផ្សេងទៀត។ ការដាក់ទោសទណ្ឌនេះ គឺដោយសារលោក គង់ សភា ធ្វើសកម្មភាពញុះញង់ឱ្យប្រជាពលរដ្ឋបំផ្លាញសន្លឹកឆ្នោតនៅពេលបោះឆ្នោតជ្រើសតាំងតំណាងរាស្ត្រ នីតិកាលទី៧ កាលពីខែកក្កដា ឆ្នាំ២០២៣កន្លងទៅ។
តាមរយៈលិខិតមួយច្បាប់របស់លោក គង់ សភា គឺលោកបានទទួលស្គាល់នូវទោសកំហុសកន្លងមក និងបានសុំទោសចំពោះសម្ដេចតេជោ និងសម្ដេចធិបតី។ លោក គង់ សភា បានរៀបរាប់ដូច្នេះថា៖ «ខ្ញុំបាទ គង់ សភា អតីតតំណាងរាស្ត្រមណ្ឌលស្វាយរៀង ពិតជាមានការសោកស្តាយ ដែលរាល់ទង្វើ និងសកម្មភាពមួយចំនួនកន្លងទៅ បានធ្វើឲ្យប៉ះពាល់ដល់ដំណើរការអភិវឌ្ឍ សន្តិភាព ស្ថិរភាព និងគោលនយោបាយនានារបស់រាជរដ្ឋាភិបាលកម្ពុជា។ ខ្ញុំបាទសូមអភ័យទោសចំពោះរាជរដ្ឋាភិបាល នៃព្រះរាជាណាចក្រកម្ពុជា ជាពិសេសចំពោះសម្តេចធិបតី នាយករដ្ឋមន្ត្រី ហ៊ុន ម៉ាណែត និងសម្តេចអគ្គមហាសេនាបតីតេជោ ហ៊ុន សែន»។
![](https://www.kampucheathmey.com/wp-content/uploads/2024/04/image-1180.png)
ជាមួយនឹងការទទួលស្គាល់ទោសកំហុសនេះ លោក គង់ សភា បានគោរពស្នើសុំសម្តេចធិបតីនាយករដ្ឋមន្ត្រី ឱ្យមេត្តាជួយអន្តរាគមន៍ថ្វាយអង្គព្រះមហាក្សត្រ ដើម្បីទ្រង់ផ្តល់សេចក្តីសណ្តោស និងប្រោសប្រទានការលើកលែងទោសឲ្យរូបលោក បានរួចផុតពីទោស ដែលតុលាការបានផ្តន្ទានាពេលកន្លងមក ព្រមទាំងទម្លាក់ចោលនូវបទចោទប្រកាន់ទាំងឡាយដែលមានជាធរមាន។ តាមរយៈនេះ លោក គង់ សភា បានបង្ហាញក្ដីសង្ឃឹមជឿជាក់ថា សម្តេចធិបតីនាយករដ្ឋមន្ត្រី នឹងជួយអន្តរាគមន៍ឱ្យលោក បានរួចផុតពីទោសទណ្ឌទាំងឡាយ ដើម្បីអាចវិលត្រឡប់ចូលទៅកាន់មាតុប្រទេសវិញ និងជួបជុំគ្រួសារ មើលថែឪពុកម្តាយចាស់ជរា ដោយក្តីមេត្តាបំផុត៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២០ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់