សន្តិសុខសង្គម

លំអិត ៖ ករណីអគ្គិភ័យឆេះសណ្ឋាគារ យូ អេង ជាន់ទី ៣ ផ្ដើមចេញពី ជាងផ្សារដែក

បានផុស

៤ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ករណីអគ្គិភ័យដែលឆេះនៅជាន់ទី៣ នៃអគារសណ្ធាគារ យូ អេង គឺផ្ដើមឡើងដោយជាងផ្សារដែក ធ្លាក់កម្ទេចផ្កាភ្លើងលើសម្ភារៈសំណង់ទើបបង្កជាអគ្គិភ័យតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាំក់ថា កាលពីវេលា១រសៀលថ្ងៃទី១៨ ខែកុម្ភៈ ឆ្នាំ២០២២ មានករណីអគ្គិភ័យមួយបានកើតឡើងនៅចំណុចសណ្ឋាគារ យូ អេងជាន់ទី៣ ដែលស្ថិតនៅក្នុងភូមិព្រៃទាទី២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចទាំងក្រុមរថយន្តពន្លត់អគ្គិភ័យចុះមកអន្តរាគមន៍ភ្លាមៗ។

តាមប្រភពព័ត៌មានបានឲ្យដឹងថា ទីតាំងដែលឆាបឆេះខាងលើកំពុងធ្វើការជួសជុលបន្ទប់ចាស់ៗ។ នៅមុនពេលកើតហេតុក្រុមជាងគាត់កំពុងធ្វើការជួសជុលនិងផ្សារដែកនៅក្នុងបន្ទប់ផ្នែកខាងលើក៏ស្រាប់តែធ្លាក់កម្ទេចភ្លើងប៉ះចំសម្ភារៈសំណង់ទើបបង្កការអណ្តាតភ្លើងឆាបឆេះតែម្តង។ ភ្លាមនោះក្រុមជាងនិងបុគ្គលិកដទៃទៀតបាននាំគ្នាយកបំពង់ពន្លត់អគ្គិភ័យជាច្រើនបំពង់មកបាញ់ពន្លត់តែមិនអាចគ្រប់គ្រងបាន ទើបរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ចំនួន២គ្រឿងទើបគ្រប់គ្រងបាន ដោយមិនមានមនុស្សរងរបួសនោះទេ និងខូចខាតសម្ភារៈមួយចំនួនតែប៉ុណ្ណោះ៕

អត្ថបទ៖ សុខា