សន្តិសុខសង្គម
ស្នងការខេត្តកំពង់ឆ្នាំង ដង្ហែក្បួនរថយន្តពន្លត់អគ្គិភ័យណែនាំពលរដ្ឋឲ្យមានការប្រុងប្រយ័ត្នខ្ពស់នៅរដូវប្រាំង
ស្នងការដ្ឋាននគរបាលខេត្តកំពង់ឆ្នាំង នៅរសៀលថ្ងៃទី២២ ខែមីនា ឆ្នាំ២០២២ បានដង្ហែរក្បួនរថយន្តពន្លត់អគ្គិភ័យផ្សព្វផ្សាយអប់រំណែនាំប្រជាពរដ្ឋនៅក្នុងក្រុងកំពង់ឆ្នាំង និងបណ្ដាស្រុកនៅក្នុងខេត្តកំពង់ឆ្នាំង សូមមានការប្រុងប្រយ័ត្នខ្ពស់ ចំពោះគ្រោះអគ្គិភ័យនៅក្នុងរដូវប្រាំងនេះ ។
លោកឧត្តមសេនីយ៍ត្រី លុយ ឌីណា ស្នងការរងនគរបាលខេត្តកំពង់ឆ្នាំង ទទួលការងារនគបាលបង្ការពន្លត់អគ្គិភ័យ បានអោយដឹងថា ដោយមានការអនុញ្ញាតពីឯកឧត្តមអភិបាលខេត្ត និងលោកស្នងការនគរបាលខេត្ត នៅរសៀលថ្ងៃនេះមន្ត្រីការិយាល័យនគរបាលបង្ការនិងពន្លត់អគ្គិភ័យ បានប្រើប្រាស់រថយន្តពន្លត់អគ្គិភ័យចំនួន៧គ្រឿងដង្ហែរជាក្បួននៅក្នុងក្រុងកំពង់ឆ្នាំង ដោយប្រើឧឃោសនស័ព្ទ ដើម្បីផ្សព្វផ្សាយដល់ប្រជាពលរដ្ឋបានយល់ច្បាស់អំពីគ្រោះអគ្គិភ័យដែលកើតឡើងដោយការធ្វេសប្រហែស ដែលធ្លាប់កើតមានកន្លងមកដូចជា ការដាំស្លមិនពន្លត់ភ្លើង មិនបិទហ្គាស ការចាកចេញពីលំនៅដ្ឋានមិនបិទប៉ារ៉ែតភ្លើង ការអុជទានធូប ការឆ្អើរត្រី ការលក់ប្រេងឥន្ធនៈ និងលក់ហ្គាស មិនប្រុងប្រយ័ត្នជាដើម ។
លោកស្នងការរងបានធ្វើការសំណូមពរដល់បងប្អូនប្រជាពលរដ្ឋរស់នៅក្នុងខេត្តកំពង់ឆ្នាំងទាំងអស់នៅពេលមានហេតុការណ៍ គ្រោះអគ្គិភ័យកើតឡើង សូមធ្វើការទំនាក់ទំនងលោកផ្ទាល់ដែលមានលេខទូរសព្ទ០១២ ៩៧៦ ៦៤៣ , ០១០ ៩៧៦ ៦៤៣ ៕
អត្ថបទ៖ ឈៀងថារិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង