ព័ត៌មានជាតិ

ចាប់ខ្លួនឃាតក ដែលអារ.ក សម្លាប់ប្រពន្ធនឹងកាំបិតត្នោត

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

ឈាមស្រែកស្បែកហៅ ឃាត ក ម្នាក់ដែលអារ ក ប្រពន្ធសម្លាប់នឹងកាំបិតត្នោតកាលពីថ្ងៃទី២៥ ខែមករា កន្លងទៅនេះ ត្រូវសមត្ថកិច្ចឃាត់ខ្លួនបានហើយ បន្ទាប់ពីគេចខ្លួនជាង២ខែ។

ករណីចាប់ខ្លួនឃាត ក ខាងលើនេះបានធ្វើឡើងនៅព្រឹកថ្ងៃទី២៩ ខែមីនាឆ្នាំ២០២១ នៅផ្ទះសំណាក់ មួយកន្លែងក្នុងភូមិ ទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ឌុច ចំរើន នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកំពង់ឆ្នាំង នៅព្រឹកថ្ងៃទី៣០ ខែមីនា នេះបានឲ្យដឹងថា ឃាត ក មានឈ្មោះ ម៉ី ម៉ាប់ អាយុ៣៥ ឆ្នាំ មានទីលំនៅភូមិស្រែអ៊ុក ឃុំតាំងក្រសាំង ស្រុកទឹកផុស ខេត្តកំពង់ឆ្នាំង មានមុខរបរជាកម្មករសំណង់ ។ ដោយជនសង្ស័យ បានស្រឡាញ់ជនរងគ្រោះឈ្មោះ អឿន រ៉េន ហៅណេន អាយុ 33 ឆ្នាំ ជាស្ត្រីមេម៉ាយកូន៣ រស់នៅក្នុងភូមិស្រែអ៊ុក ឃុំតាំងក្រសាំង ស្រុកទឹកផុស ដែលក្នុងពេលរួមរស់នៅជាមួយគ្នា ជាងមួយឆ្នាំនេះ គេទាំងពីរនាក់បង្កើតបានកូនស្រីមួយអាយុជាងឆ្នាំ ។

តាមការបញ្ជាក់ពីលោកវរសេនីយ៍ឯក ឌុច ចំរើន នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកំពង់ឆ្នាំងបានឲ្យដឹងថា កាលពីថ្ងៃទី២២ ខែមករា ឆ្នាំ ២០២១ ស្ត្រីរងគ្រោះបានទៅរករឿងប្ដីជាជនដៃ ដោយសារការប្រច័ណ្ឌ ដល់នៅកន្លែងធ្វើសំណង់ក្នុងភូមិទឹកជុំ ឃុំអភិវឌ្ឍន៍ ស្រុកទឹកផុស ហើយបានយកទូរស័ព្ទដៃវៃក្បាលប្ដីនៅចំពោះមុខគេឯងគ្រប់គ្នា ធ្វើឲ្យប្ដីមានការខ្មាស់អៀនយ៉ាងខ្លាំង ហើយក៏កើតជាការទាស់ទែងគ្នា ។ ប៉ុន្តែនៅល្ងាចថ្ងៃដដែលក៏មានការសម្របសម្រួលត្រូវរ៉ូវគ្នាវិញនៅផ្ទះសម្បែង ។

នៅថ្ងៃកើតហេតុ យប់ថ្ងៃទី២៤ ប្ដីបានទៅដេកនៅផ្ទះដូចធម្មតា ប៉ុន្តែពេលនោះ ប្រពន្ធមកពីស៊ីការស្រវឹង មិនឲ្យប្តីដេកជិតឡើយ ។ ក្នុងពេលនោះដែរកូនតូចអាយុ ១ឆ្នាំយំ ប្ដីក៏បានក្រោកឆុងទឹកដោះគោឲ្យកូនបៅ ហើយបាននិយាយជាមួយកូនស្រីថា ឪពុកប្រហែលជាមិនបាននៅជាមួយកូនទៀតទេ ព្រោះម្ដាយកូនមានប្ដីថ្មីហើយ ។

បន្ទាប់ពីបានលឺសម្ដីប្ដីបែបនេះ ក៏បានក្រោកធាក់ចំដើមទ្រូង ប្ដីមួយជើងដួលផ្ងាកក្រោយ ។ ភ្លាមនោះដែរដោយភ្លើងកំហឹងមួយឆាវប្ដីក៏បានស្ទុះក្រោកឡើង យកកាំបិតត្នោតដែលសៀតនៅជញ្ជាំងផ្ទះ ហើយឡើងជិះពីលើប្រពន្ធចាប់អារ ក សម្លាប់ចោលស្លាប់ភ្លាមៗតែម្ដង និងក្នុងពេលកំពុងអាកប្រពន្ធ កូនស្រីបងទីមួយក៏បានយកអំបោសមកវាយពីក្រោយខ្នងដែរ ប៉ុន្តែគេមិនចាប់អារម្មណ៍ឡើយ។

ក្រោយពេលកើតហេតុ ប្ដីជាឃាត ក ក៏បានរត់ចុះពីផ្ទះឡើងជិះម៉ូតូគេចខ្លួនបាត់ពីមូលដ្ឋានតែម្ដង ។សមត្ថកិច្ចបានបញ្ជាក់ឲ្យដឹងទៀតថា តាមចម្លើយរបស់ជនដៃដល់ក្រោយពីគេចខ្លួន ពីមូលដ្ឋានគេបានទៅជួលផ្ទះសំណាក់ សម្រាកនៅទីក្រុងភ្នំពេញ និងក្នុងខេត្តកំពង់ចាម ជាបន្ទាប់រហូតមក។ រហូតដល់ថ្ងៃទី២៩ ខែមីនា គេក៏បានមកលួចដេកនៅផ្ទះសំណាក់ ក្នុងភូមិទួលក្រឡាញ់ សង្កាត់កំពង់ឆ្នាំងក្រុងកំពង់ឆ្នាំងហើយក៏ត្រូវ សមត្ថកិច្ច ចាប់ខ្លួនតែម្ដង។

សមត្ថកិច្ចបានឲ្យដឹងទៀតថា បុរសជាជនដៃដល់ជាឃាត ក ត្រូវបានសមត្ថកិច្ចកសាងសំណុំរឿងតាមនីតិវិធី និងត្រូវបញ្ជូន ទៅកាន់តុលាការខេត្តកំពង់ឆ្នាំងនៅរសៀលថ្ងៃទី៣០ខែមីនាឆ្នាំ ២០២១ នេះ ដើម្បីប្រគល់ជូនតុលាការ ការបន្ត តាមផ្លូវច្បាប់៕

អត្ថបទ ៖ ឈៀង ថារិទ្ធ