សន្តិសុខសង្គម
មុខសញ្ញាលួចយ៉ាងសកម្ម ទាំងនៅភ្នំពេញ និងតាមបណ្តាខេត្ត ត្រូវធ្វើសន្និសិទបង្ហាញមុខ
ជនសង្ស័យ ៣ នាក់ ត្រូវកម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ធ្វើសន្និសិទបង្ហាញមុខជាសាធារណៈពាក់ព័ន្ធអំពើលួច ជាង ២០ ករណី បាត់បង់ម៉ូតូជាង ៤០ គ្រឿង និងរថយន្ត ០២គ្រឿង នៅរាជធានីភ្នំពេញ និងតាមបណ្ដាលខេត្ត។ ការធ្វើសិទ្ធសារព័ត៌មានបង្ហាញមុខជនសង្ស័យនេះ បានធ្វើឡើងកាលពីវេលាម៉ោង១០ និង ៤០ នាទីព្រឹក ថ្ងៃទី ២៣ ខែមីនា ឆ្នាំ ២០២២ ក្នុងបរិវេណស្នងការដ្ឋាននគរបាលរាជធានីភ្នំពេញ។
ជនសង្ស័យទាំង៣នាក់ ទី១. ឈ្មោះ ត្រឹម ធឿន ហៅ ឡេង ថា ភេទប្រុស អាយុ ៣៤ ឆ្នាំ មុខរបរមិនពិតប្រាកដ ស្នាក់នៅផ្ទះជួលលេខ៧អឺ ផ្លូវលេខ៤២២ ភូមិចោមចៅ ៣ សង្កាត់ចោមចៅ ២ ខណ្ឌពោធិសែន ជ័យ រាជធានីភ្នំពេញ។ សមត្ថកិច្ចបានបញ្ជាក់ថា ជនសង្ស័យរូបនេះ ជាមុខសញ្ញាចាស់ធ្លាប់ត្រូវបានអធិការដ្ឋាន នគរបាលខណ្ឌដង្កោចាប់ខ្លួន កសាងសំណុំរឿងបញ្ជូនទៅសាលាដំបូងរាជធានីភ្នំពេញ កាលពីថ្ងៃទី ២៥ ខែឧសភា ឆ្នាំ ២០២១ ជាប់ពន្ធនាគាររ ១ រយៈពេល០១ខែ ត្រូវបានដោះលែងវិញ ហើយបន្តធ្វើសកម្មភាពយ៉ាងសកម្មជាងមុន និងច្រើនករណីបន្ថែមទៀត។ ទី២. ឈ្មោះ ធី ហេង ហៅ ប៉ាអាប៉ូយ ភេទប្រុស អាយុ ៣០ ឆ្នាំ មុខរបរមិនពិតប្រាកដ ស្នាក់នៅផ្ទះជួលជួលលេខ ៧ អឺ ផ្លូវលេខ ៤២២ ភូមិចោមចៅ ៣ សង្កាត់ចោមចៅ ២ ខណ្ឌពោធិសែនជ័យ រាជធានីភ្នំពេញ និងទី៣. ឈ្មោះ ស្លេះ បញ្ញា ហៅកៃ ភេទប្រុស អាយុ ៣៤ ឆ្នាំ មុខរបរ មិនពិតប្រាកដ ស្នាក់នៅផ្ទះជួល ផ្លូវបេតុង សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
គួររំលឹកផងដែរ កាលពីវេលាម៉ោង ០២ និង ១០ នាទីរសៀល កាលពីថ្ងៃទី ២០ ខែមីនា ឆ្នាំ ២០២២ នគរបាលព្រហ្មទណ្ឌព្រហ្មទណ្ឌកម្រិតស្រាល សហការជាមួយនគរបាលអធិការដ្ឋាននគរបាលខណ្ឌពោធិសែនជ័យ ស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន ០៣ នាក់ នៅចំណុចផ្ទះលេខ៧អឺ ផ្លូវលេខ ៤២២ ក្រុម ១ ភូមិចោមចៅ ៣ សង្កាត់ចោមចៅ ២ ខណ្ឌពោធិសែនជ័យ រាជធានីភ្នំពេញ ពាក់ព័ន្ធបទល្មើស អំពើលួច(លួចម៉ូតូនិងរថយន្ត) ចំនួន ២០ ករណី បាត់បង់ម៉ូតូសរុប ចំនួន ៤៤គ្រឿង រថយន្តចំនួន០២ គ្រឿង ក្នុងនោះមាន នៅរាជធានីភ្នំពេញចំនួន ០៥ ករណី(ម៉ូតូចំនួន ២៥គ្រឿង) នៅខេត្តកំពត ចំនួន ៥ ករណី (ម៉ូតូចំនួន ៦ គ្រឿង រថយន្តចំនួន ០២ គ្រឿង) នៅខេត្តកំពង់ស្ពឺ ចំនួន ០៦ ករណី (ម៉ូតូចំនួន ០៧ គ្រឿង) និងនៅខេត្តតាកែវ ចំនួន ០៤ ករណី (ម៉ូតូចំនួន ០៦ គ្រឿង)។
នគរបាលជំនាញនៃការិយាល័យព្រហ្មទណ្ឌកម្រិតស្រាល បានឱ្យដឹងថា ក្នុងរង្វង់ប្រតិបត្តិការ កម្លាំងនគរបាលបានដកហូតវត្ថុតាងម៉ូតូ បានចំនួន ១៤ គ្រឿង រថយន្តចំនួន ០១ គ្រឿង និងសម្ភារៈសម្រាប់កាច់សោកុងតាក់មួយចំនួនផងដែរ។ បច្ចុប្បន្ន ជនសង្ស័យទាំង ០៣ នាក់ ខាងលើនេះ ត្រូវបានបញ្ជូនខ្លួនទៅអយ្យការអមសាលាដំបូងរាជធានីភ្នំពេញ ដើម្បីចាត់ការទៅតាមនីតិវិធីច្បាប់៕
អត្ថបទ៖ លីហេង
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS