សន្តិសុខសង្គម

យុវជនម្នាក់ខូចចិត្ត ខាងស្រីមិនព្រមស្រលាញ់ ចង.ក សម្លាប់ខ្លួន

បានផុស

៤ years មុន

នៅ

ថ្ងៃចន្ទ ៩ ឧសភា ២០២២

ដោយ

យុវជនម្នាក់ សម្រេចចិត្តចង.ក សម្លាប់ខ្លួន ដោយសារតែមានការតូចចិត្តទៅលើនារីម្នាក់ ព្រោះខ្លួនចង់បាននាងជាប្រពន្ធ តែនាងបានបដិសេធមិនស្រលាញ់។ ការភ្ញាក់ផ្អើលនេះ កាលពីថ្ងៃទី ៨ ខែឧសភា ឆ្នាំ ២០២២ វេលាម៉ោង ៤ និង ៣០ នាទីល្ងាច នៅចំនុចក្រុមទី ៣ ភូមិដូនញ៉ែម ឃុំល្វា ស្រុកបវេល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះមានឈ្មោះ ភឿន ភិន ហៅធួក ភេទប្រុស អាយុ ២៦ ឆ្នាំ រស់នៅចំណុចកើតហេតុខាងលើ បានយកខ្សែអង្រឹងចង.ក ទៅនឹងធ្នឹមសសរកន្លោងកណ្តាលផ្ទះ បណ្តាលឲ្យស្លាប់។

តាមការបំភ្លឺ របស់ឈ្មោះ ប្រែង សាលីន ភេទស្រី អាយុ ៥៣ ឆ្នាំ ត្រូវជាអ៊ំស្រីបង្កើត បាននិយាយថា មួយរយៈកន្លងមក គាត់ធ្លាប់ឮក្មួយប្រុសនិយាយថា ចង់ចង.ក សម្លាប់ខ្លួន ហើយបានម្ដាយយកទៅស្រោចទឹករំដោះគ្រោះរួមមកហើយ លើសពីនេះជនរងគ្រោះធ្លាប់ប្រាប់ថា ខ្លួនចង់បានប្រពន្ធ ប៉ុន្តែខាងស្រីមិនព្រមស្រលាញ់ លុះរហូតដល់ថ្ងៃកើតហេតុ ទើបឮចៅស្រីរបស់ខ្លួនស្រែកពីលើផ្ទះថា ពូធួក ចង.កស្លាប់បាត់ហើយ ពេលនោះខ្លួនហើយ និងបងប្អូន បានឡើងទៅលើផ្ទះក៏បានឃើញជនរងគ្រោះចង.ក ពិតមែន។

នៅពេលនោះដែរ ក្រោយពីសមត្ថកិច្ចចុះពិនិត្យរួចមក ក៏បានសន្និដ្ឋានថា ជនរងគ្រោះមានវិបត្តិផ្លូវចិត្ត(ចង់បានប្រពន្ធ តែសាមីខ្លួនខាងស្រីមិនស្រលាញ់) ទើបចង.កសម្លាប់ខ្លួនបែបនេះ។ បច្ចុប្បន្នសពត្រូវបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ៖ សោ និយមរ័ត្ន

Related Topics:អត្តឃាត

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា