សន្តិសុខសង្គម

លោកផ្កាយ២ នាយកមណ្ឌលហ្វឹកហ្វឺនភូមិសាស្ត្រយោធា បាញ់សម្លាប់ខ្លួនដោយសារជំងឺ

បានផុស

១ ខែ មុន

នៅ

ថ្ងៃពុធ ១៨ ឧសភា ២០២២

ដោយ

ភ្នំពេញ ៖ នៅវេលាម៉ោង០៩:៤៧នាទីថ្ងៃទី១៨ ខែឧសភា ឆ្នាំ២០២២ ចំណុចផ្ទះលេខ១៣៩ ជាប់របងមជ្ឈមណ្ឌលហ្វឹកហ្វឺនភូមិសាស្ត្រយោធា ផ្លូវហាយធិច ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ ហេង សារ៉ាន់ ភេទ ប្រុស អាយុ៥០ ឆ្នាំ មុខរបរ យោធា(តួនាទី៖នាយកមជ្ឈមណ្ឌលហ្វឹកហ្វឺនភូមិសាស្ត្រយោធា) ស្រុកកំណេីត៖ ភូមិអំពៅព្រៃ ឃ៉ំចំបក់ ស្រុកស្វាយជ្រ៉ំ ខេត្តស្វាយរៀង។ទីលំនៅបច្ចុប្បន្ន៖ផ្ទះលេខ១៣៩ ផ្លូវហាយធិច ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

វត្ថុតាងចាប់យកកន្លែងកើតហេតុ ១/អាវុធខ្លីម៉ាក k54 លេខ៥១២៦ គ្មានបង់ ចំនួន០១ដើម។ ២/សំបកគ្រាប់k54ចំនួន០១។ ៣/បំណែកក្បាលគ្រាប់មួយចំនួន។

តាមការបំភ្លឺពីគ្រួសារជនរងគ្រោះបានប្រាប់ថា ជនរងគ្រោះមានជំងឺប្រចាំកាយ(ក្រពះ ពោះវៀន) រ៉ាំរៃ។ តាមការត្រួតពិនិត្យធ្វើកោសល្យវិច័យរបស់លោកឧកញ៉ា វេជ្ជបណ្ឌិត នង សុវណ្ណារ័ត្ន គ្រូពេទ្យកោសល្យវិច័យអមសាលាដំបូងរាជធានីភ្នំពេញបានបញ្ជាក់ប្រាប់ថា ជនរងគ្រោះពិតជាធ្វើអត្តឃាតដោយបាញ់សម្លាប់ខ្លួននឹងអាវុធខ្លីម៉ាក K54 ពិតប្រាកដមែន។

បច្ចុប្បន្ន សពជនរងគ្រោះប្រគល់ជូនក្រុមគ្រួសារយកទៅធ្វេីបុណ្យនៅវត្តព្រែកប្រា ខណ្ឌច្បារអំពៅ៕

ដោយ ៖ នរា