Connect with us

សន្តិសុខសង្គម

បង្ក្រាបទីតាំងផលិតគ្រឿងញៀនមួយកន្លែង នៅស្រុកភ្នំស្រួច

បានផុស

នៅ

សមត្ថកិច្ចចម្រុះបានឆ្មក់ចូលបង្ក្រាបទីតាំងលួចលាក់កែច្នៃផលិត និងចែកចាយគ្រឿងញៀនមួយកន្លែង នៅស្រុកភ្នំស្រួច ដោយ​ឃាត់ខ្លួន​ជនជាតិ​ចិន ចំនួន​ ០៣ ​នាក់។ ហេតុការណ៍នេះ ​ធ្វើឡើង​កាលពីយ​ប់​ថ្ងៃ​សុក្រ ២០ ខែឧសភា ឆ្នាំ​២០២២ ស្ថិតនៅ​ភូមិ​ស្រល់ ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​សកម្មភាព​បង្ក្រាប​ទីតាំង​លួចលាក់​ផលិត​គ្រឿងញៀន​នេះ មានការ​ចូលរួម​ពី​លោក ហន ពិសិដ្ឋ អភិបាលស្រុក​ភ្នំស្រួច និង​ជា​ប្រធាន​គណៈបញ្ជាការ​ឯកភាព​ស្រុក កម្លាំង​អធិការនគរបាល​ស្រុក និង​កម្លាំង​ប៉ុស្តិ៍នគរបាល​រដ្ឋបាល ឃុំ​យាយ​ម៉ៅ​ពេជ្រនិល កម្លាំង​ស្នងការ​នគរបាល​ខេត្តកំពង់ស្ពឺ និង​កម្លាំង​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ​ផងដែរ ។

​ក្នុង​ប្រតិបត្តិការ​ដ៏​ក្តៅគគុក​នេះ កម្លាំងចម្រុះ​ពិនិត្យ ទីតាំង​នោះ ឃើញ​មាន​សម្ភា​រៈ និង​សារ​ធាតុគីមី​ពាក់ព័ន្ធ​ការផលិត និង​កែច្នៃ​គ្រឿងញៀន​ទ្រង់ទ្រាយ​ធំ បាន​ឃាត់ខ្លួន​ក្រុម​ផលិត និង​ចែកចាយ​គ្រឿងញៀន ដែលជា​ជនជាតិ​ចិន​ចំនួន ​០៣ ​នាក់ ។

​ចំពោះ​វត្ថុតាង​មាន​អ្វីខ្លះ​នោះ​សមត្ថកិច្ច​មិនទាន់​ប្រាប់​ឲ្យ​ដឹង​នៅ​ឡើង​ទេ កំពុង​បន្ត​នីតិ​វិធី​ហើយ​នៅ​ព្រឹក​ថ្ងៃទី​ ២១ ខែឧសភា​នេះ គណៈកម្មការ​ចម្រុះ​ និង​ធ្វើការ​ត្រួតពិនិត្យ​ឲ្យ​យ៉ាង​លម្អិត៕​

អត្ថបទ​៖ ភួង រដ្ឋា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម