សន្តិសុខសង្គម
អគ្គិភ័យសម្លាប់ក្មេងស្រីវ័យ១៤ម្នាក់កាលពីព្រឹកមិញ
ក្មេងស្រីវ័យ១៤ឆ្នាំម្នាក់បានបាត់បង់ជិវិតក្នុងហេតុការណ៍អគ្គិភ័យឆេះបន្ទប់ជួលមួយកន្លែង ស្ថិតនៅភូមិសន្សុំកុសល៤ សង្កាត់បឹងទំពន់១ ខណ្ឌមានជ័យ រាជធានីភ្នំពេញ កាលពីវេលាម៉ោង៧និង៤០នាទីព្រឹក ថ្ងៃទី២៣ ខែឧសភា ឆ្នាំ២០២២។
សមត្ថកិច្ចបានឲ្យដឹងថា ក្មេងស្រីរងគ្រោះមានឈ្មោះ ជ័យ ឡាំងស៊ីម ភេទស្រី អាយុ១៤ឆ្នាំ ស្នាក់នៅជាមួយម្តាយឪពុកចំណុចបន្ទប់ជួលកើតហេតុ និងមានស្រុកកំណើតនៅភូមិសូកៀន ឃុំសុកៀន ស្រុកកងមាស ខេត្តកំពង់ចាម។
បើតាមប្រភពព័ត៍មាននៅកន្លែងកើតហេតុបានឲ្យដឹងថា មុនពេលកើតហេតុម្តាយឪពុករបស់ក្មេងស្រីរងគ្រោះ បានចេញពីបន្ទប់ជួលចុះមកខាងក្រោមធ្វើម្ហូបដើម្បីយកទៅលក់ ចំណែកក្មេងស្រីរងគ្រោះនៅសម្រាកក្នុងបន្ទប់ជួលតែម្នាក់ឯង។ មួយសន្ទុះក្រោយមកគេបានឃើញផ្សែងហុយចេញពីបន្ទប់ជួលបង្កឲ្យមានការភ្ញាក់ផ្អើលដល់អ្នកជិតខាង នាំគ្នាជួយយកបំពង់ពន្លត់អគ្គីភ័យ និងទាញទុយោទឹកជួយបាញ់ទឹកទប់ស្កាត់កុំឲ្យមានការរាលដាលបន្តដល់បន្ទប់ជួលដែលនៅជាប់ៗគ្នា ខណ:ពេលដែលអគ្គិភ័យរលត់ ក៏បានប្រទះឃើញក្មេងស្រីនៅក្នុងបន្ទប់ទឹកមានរបួសរលាកភ្លើងពេញមុខ និងដងខ្លួនសន្លប់បាត់ស្មារតី ទើបអ្នកនាំគ្នាជួយយកមកខាងក្រោមធ្វើចលនា និងហៅរថយន្តសង្គ្រោះបន្ទាន់ដឹកជនរងគ្រោះដើម្បីយកទៅសង្រ្គោះ តែជាអកុសលគ្រូពេទ្យបានប្រាប់ថា ក្មេងស្រីរងគ្រោះថប់ដង្ហើមស្លាប់បាត់បង់ជិវិតបាត់ទៅហើយ។
ក្រោយពេលកើតហេតុសមត្ថកិច្ចមូលដ្ឋានប៉ុស្តិនគរបាលរដ្ឋបាលសង្កាត់បឹងទំពន់១ សហការណ៍ជាមួយកម្លាំងជំនាញនៃអធិការដ្ឋាននគរបាលខណ្ឌមានជ័យ ចុះទៅពិនិត្យនៅទីតាំងកើតហេតុខាងលើ និងធ្វើកំណត់ហេតុប្រគល់សពឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត៕
អត្ថបទ៖ សុខុម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ