សន្តិសុខសង្គម
លោក ឃឹម ហ្វីណង់ ព្រមានចាត់ការផ្លូវច្បាប់ បើសិនមានភាពមិនប្រក្រតីនៅក្នុងការជួបជុំគ្នានៅចំការលោក ខឹម វាសនា
លោក ឃឹម ហ្វីណង់ អភិបាលស្រុកបន្ទាយស្រី បានព្រមានជាមុនថា អាជ្ញាធររបស់លោក នឹងចាត់វិធានការទៅតាមផ្លូវច្បាប់ ប្រសិនបើមានភាពមិនប្រក្រតីណាមួយកើតឡើង ដោយសារតែការទៅប្រមូលផ្តុំគ្នាតាមការឃោសនារបស់លោក ខឹម វាសនា នៅក្នុងស្រុកបន្ទាយស្រី។ ការព្រមាននេះ ធ្វើឡើង បន្ទាប់ពីមនុស្សជាច្រើនពាន់នាក់បានទៅជួបជុំប្រមូលផ្តុំគ្នានៅទីនោះ ដោយពុំមានការជូនដំណឹងទៅដល់អាជ្ញាធរមូលដ្ឋានឡើយ។
អ្នកគាំទ្រទាំងក្នុង និងក្រៅប្រទេសមួយចំនួនដែលបានជឿតាមឃោសនារបស់លោក ខឹម វាសនាថានឹងមានការលិចលង់ផែនដីនេះ បានទៅប្រមូលផ្តុំគ្នានៅលីដីចំការរបស់ប្រធានគណបក្សសម្ព័ន្ធដើម្បីប្រជាធិបតេយ្យ ស្ថិតនៅក្នុងភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប។ អាជ្ញាធរខេត្តសៀមរាប បានប្រាប់ថា កំពុងតាមដានឃ្លាំមើលសកម្មភាពនេះ។ រីឯ អាជ្ញាធរស្រុកបន្ទាយស្រីវិញ បានដាក់កម្លាំងប្រចាំការនៅទីតាំងនោះ ដើម្បីឃ្លាំមើល និងឈានទៅចាត់វិធានការតាមផ្លូវច្បាប់ បើសិនមានភាពមិនប្រក្រតីណាមួយកើតឡើងនោះ។ នេះបើតាមការគូសបញ្ជាក់របស់លោក ឃឹម ហ្វីណង់។
លោក ខឹម វាសនា តាមរយៈទំព័រហ្វេសប៊ុករបស់លោកបានអធិប្បាយជាបន្តបន្ទាប់ពីការកើតមានបាតុភូតBlacK Hole ដែលអះអាងថា នឹងកម្ទេចផែនដីនេះ ដោយការលិចលង់ដោយទឹកសមុទ្រ ហើយមានតែកន្លែងរបស់លោកទេដែលមានសុវត្ថិភាព។ ជាមួយគ្នានេះ លោកបានឃោសនាអំពាវនាវដល់អ្នកគាំទ្រទាំងក្នុង និងក្រៅប្រទេសឲ្យធ្វើដំណើរទៅកាន់តំបន់នោះ។
ជាលទ្ធផល មានអ្នកដែលជឿហើយនាំគ្នាទាំងកូន ទាំងចៅ សម្រុកទៅតាមឃោសនារបស់លោក ខឹម វាសនា។ ប៉ុន្តែ ទន្ទឹមគ្នានេះ ក៏មានការចេញមកអំពាវនាវកុំប្រជាពលរដ្ឋជឿតាមការបាន់ស្មានដែលគ្មានលក្ខណៈវិទ្យាសាស្រ្តរបស់លោកខឹម វាសនា ពីសំណាក់ក្រសួង ស្ថាប័នពាក់ព័ន្ធមួយចំនួនផងដែរ។ លើសពីនេះទៅទៀត ប្រជាពលរដ្ឋខ្មែរខ្លះ ក៏បានប្រតិកម្ម និងបានរិះគន់លោក ខឹម វាសនា ថាកំពុងបោកប្រាស់អ្នកគាំទ្រ និងធ្វើឲ្យមានចលាចលក្នុងសង្គម។ ពួកគេខ្លះថែមទាំងបានស្នើឲ្យអាជ្ញាធរមានសមត្ថកិច្ចចាត់វិធានការចំពោះសកម្មភាពឃោសនាគៀរគរមនុស្សរបស់លោក ខឹម វាសនានេះ ថែមទៀតផង៕
ដោយ៖ វណ្ណ សុគន្ធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង