សន្តិសុខសង្គម
Update ៖ សមត្ថកិច្ចបង្ហើបពីការស្លាប់របស់ស្ត្រីម្នាក់ ដែលគេប្រទះឃើញក្នុងរថយន្ដ នៅក្រុងបាត់ដំបង ជាករណីឃាតកម្ម
ស្ត្រីដែលស្លាប់នៅក្នុងរថយន្តរហូតមានក្លិនស្អុយ ដែលបង្កអោយមានការភ្ញាក់ផ្អើលនោះ ត្រូវបានសមត្ថកិច្ចជំនាញបង្ហាញលក្ខណ:ពិសេសៗហើយដែលពាក់ព័ន្ធទៅនឹងករណីឃាតកម្ម។
គួរបញ្ជាក់ថា រយ:ពេល៣ថ្ងៃហើយដែលមានរថយន្តមួយគ្រឿងបានឈប់សំចតចោលនៅផ្នែកខាងក្រោយផ្សារភូពុយ ក្រុងបាត់ដំបង ប៉ុន្តែទាំងប្រជាពលរដ្ខក៏ដូចជាអាជីវករនៅក្នុងផ្សារមិនមានអ្នកណាចាប់អារម្មណ៍ឡើយ ដោយសារតែទីតាំងខាងលើនេះតែងតែមានរថយន្តមកចតជារឿយៗ រហូតសពហើយនិងមានក្លិនស្អុយទើបភ្ញាក់ផ្អើល។
ការប្រទះឃើញសពនេះ គឺនៅព្រលប់ថ្ងៃទី១៤ ខែកញ្ញា ឆ្នាំ២០២២ ដោយគេឃើញមានស្ត្រីម្នាក់បានដេកស្លាប់នៅបាំងខាងក្រោយនៃរថយន្តម៉ាកព្រូស ព៌ណទឹកប្រាក់ ពាក់ស្លាកលេខ ភ្នំពេញ2BQ-1371 ស្ថិតនៅខាងក្រោយបរិវេណផ្សារទំនើបភូពុយ ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។
នៅព្រឹកថ្ងៃទី១៥ កញ្ញានេះដែរ កម្លាំងសមត្ថកិច្ចនៃអធិការក្រុង និងកម្លាំងជំនាញនៃការិយាល័យ បច្ចេកទេស កោសល្យវិច័យ បានចុះទៅដល់ទីតាំងកើតហេតុ ដើម្បីត្រៀមត្រួតពិនិត្យទៅលើសាកសព ដើម្បីរកមូលហេតុ ចំណែករថយន្តឮថាអាច់ជាប់ឡុកផងដែរ។
តាមការលើកឡើងពីបុរសឈ្មោះ ណុល ណូរ៉ា ជាស្វាមីដែលទើបតែនឹងមកដល់បានបញ្ជាក់ថា ប្រពន្ធរបស់លោកមានឈ្មោះ ឌីម សោភា អាយុ៣៤ឆ្នាំ មានស្រុកកំណើតនៅខេត្តកំពង់ចាម ហើយបច្ចុប្បន្នរស់នៅសង្កាត់ក្រាំងធ្នង់ ខណ្ឌពោធិ៍សែនជ័យ រាជធានីភ្នំពេញ មានមុខរបរជាអ្នកសំអាង និងកែសម្ផស្ស ព្រមទាំងលក់ដីឡូត៍ និងលក់អនឡាញ និងមានកូន២នាក់។
លោកបានបន្តថា ប្រពន្ធរបស់លោកបានចាកចញពីផ្ទះតាំងពីថ្ងៃបិណ្ឌទី១ គឺអំឡុងថ្ងៃ១១ ហើយនៅទាក់ទងទូរស័ព្ទគ្នាបាន លុះថ្ងៃទី១២ ដាក់ការទំនាក់ទំនងតែម្តងដោយសារតែតេលែងចូល ទើបលោកទៅប្តឹងសមត្ថកិច្ចនៅក្នុងភ្នំពេញដើម្បីជួយអន្តរាគមន៍ លុះម្សិលមិញក៏បានទទួលដំណឹងថាមានសមត្ថីម្នាក់ដេកស្លាប់នៅក្នុងរថយន្តហើយប្រាកដជាភរិយារបស់លោកទើបលោកប្រញ៉ាប់ធ្វើដំណើរឡើងមកបាត់ដំបងតែម្តង ។
តាមការអះអាងពីសមត្ថកិច្ចជំនាញរួមនឹងគ្រូពេទ្យ ដែលក្រោយពីបានធ្វើកោសល្យវិច័យទៅលើសាកសព បានបញ្ជាក់ថា សពត្រូវបានឃាតករសម្លាប់ដោយវាយបំបាក់.ក ដែល.ក អាចបង្វិលបាន៩០ភាគរយ ហើយនៅក្នុងរថយន្តបន្សល់នូវស្បែកជើងស្ត្រី២គូ កាបូបយួរស្ត្រី៤ វ៉ែនតាស្ត្រី៣ និងម្សៅ ក្រែម ព្រទាំងគ្រឿងអលង្ការកាឡៃដែលគេទុកចោលនៅបាតកាបូប រីឯជញ្ជៀនពេជ្រត្រូវបាត់ ហើយលុយគ្មានសល់មួយរៀលនោះទេ ហើយសោបញ្ឆេះរថយន្តបាត់ ទ្វាររថយន្តទាំង៤ជាប់ឡុក ទើបសមត្ថកិច្ចបានសន្និដ្ឋានរួមគ្នាថា ស្ត្រីរងគ្រោះអាចស្លាប់ដោយអំពើឃាតកម្ម ហើយឃាតករអាចមានគ្នាចាប់ពី២នាក់ឡើង ដោយបច្ចុប្បន្ននេះកម្លាំងសមត្ថកិច្ចកំពុងបើកការស្រាវជ្រាវហើយ៕
អត្ថបទ៖ សោ និយមរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ