សន្តិសុខសង្គម
យុវជនម្នាក់ស្លាប់ភ្លាមៗ ខណៈយកកាំបិតបុ័ងតោកាប់ដើមចេក ប៉ះចំខ្សែភ្លើង
យុវជនម្នាក់ស្លាប់ទាំងជំហរ ខណៈកាន់កាំបិតបុ័ងតោ ដែលមានដងដែកដើរទៅកាប់ដើមចេកក្បែរចម្ការ ប៉ះចំខ្សែភ្លើងបណ្តាលឲ្យឆក់ភ្លាមៗ។ ហេតុការណ៍ដ៏រន្ធត់នេះ បានកើតឡើងកាលពីថ្ងៃទី ២០ ខែកញ្ញា ឆ្នាំ ២០២២ វេលាម៉ោង ១២ និង ៣០ នាទី ស្ថិតនៅចំណុចក្បែរស្រះទឹក ក្នុងភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង។

ជនរងគ្រោះមានឈ្មោះ សាង ចាន់រី ភេទប្រុស អាយុ ២៣ ឆ្នាំ រស់នៅក្នុង ភូមិ ឃុំ កើតហេតុខាងលើ មុខរបរ ធ្វើចម្ការ (ដាំជី)។ តាមការបំភ្លឺពីឈ្មោះ ដៀវ ម៉ន ភេទស្រី អាយុ ៥៣ ឆ្នាំ ត្រូវជាម្ដាយបង្កើតរបស់សាកសព បានរៀបរាប់ថា នៅវេលាម៉ោង ៨ ព្រឹក ក្នុងថ្ងៃកើតហេតុ គាត់បានប្រើកូនប្រុសរបស់គាត់ (ជនរងគ្រោះ) ឲ្យជិះម៉ូតូដឹកគាត់ទៅចម្ការដែលស្ថិតនៅខាងជើងប្រឡាយ ៧០ លុះនៅម៉ោងប្រហែល ១០ ព្រឹក កូនប្រុសរបស់គាត់ បានយកកាំបិតបុ័ងតោដែលមានដងដែកទៅកាប់ដើមចេកនៅជាប់មាត់ស្រះក្បែរចម្ការ ពេលនោះគាត់បានឃើញកូនប្រុសរបស់គាត់ឈរត្រង់ខ្លួនដៃម្ខាងកាន់កាំបិតបុ័ងតោជាប់នឹងដើមចេក ពេលនោះគាត់ក៏បានស្រែកហៅតែកូនរបស់គាត់មិនឆ្លើយតប គាត់ក៏មានការសង្ស័យទើបដើរទៅជិតកូនទើបដឹងថា កូនត្រូវខ្សែភ្លើងឆក់ ទើបគាត់ស្រែកឆោឡោឡើង ដើម្បីឲ្យអ្នកស្រែដែលនៅក្បែរនោះជួយ រួចក៏បានដឹកទៅមន្ទីរពេទ្យបង្អែកស្រុកថ្មគោល ប៉ុន្តែត្រូវបានគ្រូពេទ្យប្រាប់ថា កូនគាត់ស្លាប់បាត់ទៅហើយ។


ក្រោយពីសមត្ថកិច្ចចុះពិនិត្យដល់ទីតាំងកើតហេតុ និងបានពិនិត្យទៅលើជនរងគ្រោះ ទើបធ្វើការសន្និដ្ឋានថា សពពិតជាស្លាប់ដោយសារឆក់ខ្សែភ្លើង មែនដោយសារឆ្លងចរន្តតាមដងកាំបិត។ បច្ចុប្បន្ន សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ សោ និយមរ័ត្ន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ