ពលរដ្ឋរិះគន់អ្នកទទួលផ្ញើម៉ូតូក្បែរព្រះបរមរាជវាំង​រឿងតម្លៃថ្លៃក្នុងមួយគ្រឿង២០០០រៀល

តម្លៃផ្ញើម៉ូតូនៅមុខព្រះបរមរាជវាំង ថ្លៃដល់ទៅ២០០០រៀលក្នុងម៉ូតូមួយគ្រឿងដែលតម្លៃនេះគឺធ្វើឡើងដោយសណ្តាប់ធ្នាប់ខណ្ឌដូនពេញ។

បងប្អូនប្រជាពលរដ្ឋដែលទៅដើរលេងកំសាន្តនៅមុខព្រះបរមរាជវាំងនាថ្ងៃទី៨ ខែធ្នូ នេះថា ពួកគាត់នឹកហួសចិត្តដោយ​សារតម្លៃផ្ញើម៉ូតូនៅក្បែរព្រះបរមរាជវាំងឡើងថ្លៃដល់ទៅ២០០០រៀលក្នុងមួយគ្រឿង។ អ្វីដែលមហាជននឹកហួសចិត្តនោះ គឺនៅក្នុងប័ណ្ណទទួលបញ្ញើគេមិនដាក់តម្លៃឡើយ ដោយកំណត់ត្រឹមអ្នកហែកសំបុត្រផ្ញើទារតម្លៃប៉ុណ្ណោះ។ ហើយគេជឿថាការតម្លើងថ្លៃម៉ូតូមួយគ្រឿងរហូត២០០០រៀលបែបនេះ តើមានការដាក់ដេញថ្លៃដែរឬទេ។ ម្យ៉ាងទៀតការទាមទាថ្លៃបញ្ញើម៉ូតូរហូតដល់២០០០រៀល គឺថ្លៃហួសហេតុពេកហើយដែលក្នុងអំឡុងឆ្នាំ២០១៧កន្លងទៅសាលាក្រុងអនុញាតិឲ្យយកថ្លៃផ្ញើម៉ូតូ១គ្រឿងថ្លៃ៥០០រៀល។ ចំណែកកង់យកត្រឹម៣០០រៀលប៉ុណ្ណោះ។

ប្រជាពលរដ្ឋសុំឲ្យអ្នកទទួលខុសត្រូវយកថ្លៃបញ្ញើម៉ូតូនៅមុខសាលចតុមុខក៏ដូចជាមុខព្រះបរមរាជវាំងគួរបញ្ចុះតម្លៃផងទៅកុំឲ្យខុសឆ្ងាយពីតម្លៃកំណត់ពីមុនមក៕

អត្ថបទ៖ នរា