សន្តិសុខសង្គម
រដ្ឋលេខាធិការក្រសួងព័ត៌មាន ប្រតិកម្មចំពោះការ Live ព័ត៌មានមិនគោរពសិទ្ធិ សេចក្តីថ្លៃថ្នូរអ្នកដទៃ
លោក ប៉ែន បូណា រដ្ឋលេខាធិការក្រសួងព័ត៌មាន ស្នើអ្នកសារព័ត៌មានគោរពក្រមសីលធម៌វិជ្ជាជីវៈ គោរពសិទ្ធិ និងសេចក្តីថ្លៃថ្នូររបស់អ្នកដទៃឲ្យបានខ្ជាប់ខ្ជួន ជាពិសេសអ្នកផ្សាយផ្ទាល់ (Live) តាមហ្វេសប៊ុក។ ការអំពាវនាវនេះ ធ្វើឡើងបន្ទាប់ពីកើតមានឥរិយាបថនៃការផ្សព្វផ្សាយព័ត៌មាន ចំពោះគ្រួសារជនរងគ្រោះ លើករណីគ្រោះថ្នាក់ចរាចរណ៍មួយ កាលពីយប់ម្សិលថ្ងៃទី១១ ខែមិថុនា។
សូមជម្រាបថា វីដេអូផ្សាយផ្ទាល់ករណីខាងលើនោះ គឺបានបង្ហាញពីសកម្មភាពរបស់ក្រុមអ្នកសារព័ត៌មានមួយក្រុមធំ បានព្យាយាមតាមថតនារីម្នាក់ ដែលត្រូវជាសាច់ញាតិជនរងគ្រោះ ខណៈដែលនារីរូបនេះព្យាយាមដើរគេចចេញ ពីកាមេរ៉ា និងការសួរសំណួរពីក្រុមអ្នកសារព័ត៌មាន ជាច្រើនលើក។
ដោយមើលឃើញពីសកម្មភាពមិនគោរពសិទ្ធិបុគ្គលឯកជនបែបនេះ រដ្ឋលេខាធិការក្រសួងព័ត៌មាន តាមរយៈគណនីហ្វេសប៊ុកផ្ទាល់ខ្លួន បានរៀបរាប់យ៉ាងដូច្នេះថា “ខ្ញុំសូមអំពាវនាវដល់អ្នកសារព័ត៌មានទាំងឡាយ ជាពិសេសអ្នកផ្សាយផ្ទាល់ (Live) តាមហ្វេសប៊ុក សូមគោរពក្រមសីលធម៌វិជ្ជាជីវៈ គោរពសិទ្ធិ និងសេចក្តីថ្លៃថ្នូររបស់អ្នកដទៃឲ្យបានខ្ជាប់ខ្ជួន” ។ លោកបន្តទៀតថា “ការបំពានសិទ្ធិបុគ្គលឯកជន គឺជាអំពើខុសក្រមសីលធម៌ និងខុសច្បាប់ ដែលត្រូវចៀសវាងជាដាច់ខាត”។
គួរបញ្ជាក់ថា កាលពីយប់ថ្ងៃទី១១ ខែមិថុនា ឆ្នាំ២០២៣នេះ កើតមានគ្រោះថ្នាក់ចរាចរណ៍មួយ ដែលបុរសម្នាក់បើករថយន្តបុកទួលស្ពានថ្ម គៀបជាប់ក្នុងរថយន្តស្លាប់ភ្លាមៗ ដែលហេតុការណ៍នេះកើតឡើង នៅលើផ្លូវបេតុងមួយ ក្នុងភូមិសាស្ត្រសង្កាត់ឃ្មួញ ខណ្ឌសែនសុខ រាជធានីភ្នំពេញ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន