សន្តិសុខសង្គម

មុខសញ្ញាលួចឆក់ប្លន់៥នាក់ ត្រូវសមត្ថកិច្ចត្រៀមបញ្ជូនទៅតុលាការ

បានផុស

៣ years មុន

នៅ

ថ្ងៃពុធ ២១ មិថុនា ២០២៣

ដោយ

ភ្នំពេញ ៖ ជនសង្ស័យចំនួន៥នាក់ជាមុខសញ្ញាលួច ឆក់ ប្លន់ទ្រព្យសម្បត្តិប្រជាពលរដ្ឋត្រូវបានសមត្ថកិច្ចបង្ក្រាបបានជាបន្តបន្ទាប់ ហើយនិងត្រៀមបញ្ជូនទៅសាលាដំបូងរាជធានីភ្នំពេញ ដើម្បីអនុវត្តតាមច្បាប់នៅព្រឹកថ្ងៃទី២២ ខែមិថុនា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យដែលឃាត់ខ្លួនទី១ ឈ្មោះមុត ហេង ភេទប្រុស អាយុ១៧ឆ្នាំ ទី២ឈ្មោះប៊ុន ចាន់លាភ ភេទប្រុស អាយុ១៦ឆ្នាំ ទី៣ឈ្មោះចឺម ជេម ភេទប្រុស អាយុ១៧ឆ្នាំ ទី៤ឈ្មោះសុខ សុវណ្ណារិទ្ធ ភេទប្រុស អាយុ១៧ឆ្នាំ ទី៥ ឈ្មោះជឹម សុភ័ក្ត្រ ភេទប្រុស អាយុ១៨ឆ្នាំ ទី៦ ឈ្មោះជឹម សុផា ភេទប្រុសអាយុ១៧ឆ្នាំ។

សូមរំលឹកផងដែរថា កាលពីវេលាម៉ោង៣និង៣០នាទី រំលងអធ្រាត្រ ឈានចូលថ្ងៃទី ១៩ ខែ មិថុនា ឆ្នាំ ២០២៣ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ ក្រោមការបញ្ជាផ្ទាល់ពី លោកឧត្ដមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានដឹកនាំកម្លាំងតាមប៉ុស្តិ៍ តាមផ្នែក ចេញល្បាតពួនស្ទាក់ក្នុងមូលដ្ឋានដើម្បីបង្ការបង្ក្រាបបទល្មើសលួចឆក់ប្លន់ នានា កុំឱ្យមានកើតឡើង។ និងតាមដានស្រាវជ្រាវចាប់មុខសញ្ញាដែលធ្លាប់ធ្វើសកម្មភាពកន្លងមក ខណៈកំពុងល្បាតមកដល់ចំណុចភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ស្រាប់តែប្រទះឃើញជនសង្ស័យកំពុងជិះម៉ូតូដោយមានការសង្ស័យទើបហៅឱ្យឈប់ធ្វើការឆែកឆេរលើដងខ្លួនឃើញមានដាវកែច្នៃចំនួន០១ដើមក៏ឃាត់ខ្លួនយកទៅសួរនាំតែម្តង។

ក្រោយពីសាកសួររួចនៅព្រឹកថ្ងៃទី១៩ ខែឆ្នាំដដែលកម្លាំងសមត្ថកិច្ចក៏បន្តចុះតាមចាប់បក្ខពួក៤នាក់ជាបន្តបន្ទាប់ទៀតសរុប៦នាក់។ តែដោយសារមានម្នាក់ មិនមានជាប់ពាក់ព័ន្ធទើបដោះលែងឱ្យទៅផ្ទះវិញ។