សន្តិសុខសង្គម
បំបែកសំណុំរឿងឃាតកម្មដាក់សពក្នុងវ៉ាលីដែលប្រទះឃើញនៅខេត្តកោះកុង
កម្លាំងនគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងជំនាញស្នងការដ្ឋាននគរបាលខេត្តកោះកុង អធិការដ្ឋាននគរបាលខណ្ឌទួលគោក និងអធិការដ្ឋាននគរបាលខណ្ឌច្បារអំពៅ បានស្រាវជ្រាវឃាត់ខ្លួនជនដៃដល់ម្នាក់ក្នុងសំណុំរឿងឃាតកម្មសម្លាប់ដាក់សពចូលក្នុងវ៉ាលីរួចយកទៅប្លុងចោលនៅក្នុងភូមិសាស្ដ្រខេត្តកោះកុង ដែលត្រូវបានប្រទះឃើញកាលពីថ្ងៃទី២០ ខែមីនាកន្លងទៅ។
![](https://www.kampucheathmey.com/wp-content/uploads/2024/03/433462515_725684209744612_2896414369361483016_n-1024x768.jpg)
ប្រតិបត្តិការស្រាវជ្រាវរហូតឈានដល់ការឃាត់ខ្លួននេះ បានធ្វើឡើងនៅវេលាម៉ោង៥និង០០នាទី ថ្ងៃទី២៥ ខែមីនាឆ្នាំ២០២៤ នៅចំណុចបុរីប៉េងហួត ផ្ទះលេខ២៥ ផ្លូវលេខ៧ សង្កាត់និរោធ ខណ្ឌច្បារអំពៅ រាជធានីភ្នំពេញ។
ជនដៃដល់ក្នុងសំណុំរឿងឃាតកម្មនេះមានឈ្មោះ ញ៉ែប សុខុម ចំណែកជនរងគ្រោះមានឈ្មោះ ឌួង សង្ហា ។ យោងតាមរបាយការណ៍របស់នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា តាមចម្លើយសារភាពរបស់ជនដៃដល់ ខ្លួនពិតជាបានសម្លាប់ជនរងគ្រោះឈ្មោះ ឌួង សង្ហា ពិតប្រាកដមែន ដោយសារខឹងជនរងគ្រោះ Hack យកគណនី ICloud ធនាគារ ABA ស៊ីមទូរស័ព្ទរបស់ខ្លួនយកទៅគ្រប់គ្រង។
![](https://www.kampucheathmey.com/wp-content/uploads/2024/03/433465874_725684159744617_4413751445068198262_n-1024x768.jpg)
ជនដៃដល់បញ្ចាក់ថា ការសម្លាប់ជនគ្រោះនេះបានធ្វើឡើងតាំងពីថ្ងៃទី១៧ ខែមីនា ឆ្នាំ២០២៤ វេលាម៉ោងប្រហែល១រសៀល នៅក្នុងបន្ទប់លេខ១៦ ជាន់ទី១៦ អគារ UK Condo ៥៤៨ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ ក្រោយពីធ្វើសកម្មភាពរួច នៅថ្ងៃដដែលវេលាម៉ោងប្រហែល៦និង៤៩នាទី ខ្លួនបានដាក់សាកសពជនរងគ្រោះចូលក្នុងវ៉ាលីដឹកតាមរថយន្តម៉ាក RangRover Sport ពណ៌ខ្មៅ ពាក់ផ្លាកលេខ ភ្នំពេញ 2Z-9987 យកទៅទម្លាក់ចោលនៅចំណុចជំរាលផ្លូវជាតិលេខ៤៨ ក្នុងភូមិសាស្ត្រ ភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង។
![](https://www.kampucheathmey.com/wp-content/uploads/2024/03/433462884_725684176411282_1559188007149098896_n-1024x768.jpg)
ជនដៃដល់ត្រូវបាននាំខ្លួនមកកាន់នាយកដ្ឋាននគរបានព្រហ្មទណ្ឌ ដើម្បីកសាងសំណុំរឿងតាមនីតិវិធី។
សូមបញ្ជាក់ថា កាលពីថ្ងៃទី២០ ខែមីនា ឆ្នាំ២០២៤ ក្រុមកម្មករស្ថាបនាផ្លូវជាតិលេខ៤៨ បានប្រទះឃើញមានវ៉ាលីមួយដាក់សាកសព ក្បែរចិញ្ចើមផ្លូវ ស្ថិតភូមិជីមាល ឃុំអណ្តូងទឹក ស្រុកបូទូមសាគរ ដោយសមត្ថកិច្ចសន្និដ្ឋានជារឿងឃាតកម្ម ខណៈដែលសពមានសភាពហើមធំក្លិន និងមានដង្កូវចុះទៅហើយ៕
អត្ថបទ៖ សុខុម
![](https://www.kampucheathmey.com/wp-content/uploads/2024/03/433459634_725684139744619_2907139240545856661_n.jpg)
![](https://www.kampucheathmey.com/wp-content/uploads/2024/03/433129076_725684156411284_7582764202725338065_n-768x1024.jpg)
![](https://www.kampucheathmey.com/wp-content/uploads/2024/03/432865617_725684193077947_8469022202891032493_n-576x1024.jpg)
![](https://www.kampucheathmey.com/wp-content/uploads/2024/03/photo_2024-03-21_10-30-26-1-1024x768.jpg)
![](https://www.kampucheathmey.com/wp-content/uploads/2024/03/photo_2024-03-21_10-30-21-1-1024x768.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៧ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៣ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម