Connect with us

សន្តិសុខសង្គម

ស្ត្រីម្នាក់កាប់ក្មួយស្រីស្លាប់ ព្រោះនិយាយទូរសព្ទឮៗ និងចេញចូលផ្ទះយប់ជ្រៅពេក

បានផុស

នៅ

ស្ត្រីវ័យ ៤៥ ឆ្នាំម្នាក់ ត្រូវបានសមត្ថកិច្ចមូលដ្ឋានធ្វើការឃាត់ខ្លួនភ្លាមៗ បន្ទាប់ពីស្ត្រីរូបនោះបានធ្វើសកម្មភាពប្រើពូថៅដៃកាប់ទៅលើក្មួយស្រីរបស់ខ្លួន ដែលកំពុងដេកលង់លក់ បណ្ដាលឱ្យស្លាប់នៅក្នុងថ្លុកឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ សារិន អធិការនគរបាលស្រុកបវេល បានបញ្ជាក់ថា ហេតុការណ៍ដ៏រន្ធត់នេះបានកើតឡើង នៅថ្ងៃទី១៩ខែឧសភា ឆ្នាំ២០២៤ វេលាម៉ោងប្រហែល ១និង៣០នាទី រំលងអាធ្រាត្រ ដែលជាករណីឃាតកម្មគិតទុកជាមុន ស្ថិតនៅចំណុចក្រុមទី០១ ភូមិខ្នាចរមាស ឃុំខ្នាចរមាស ស្រុកបវេល ខេត្តបាត់ដំបង ។

លោក បន្តថា ករណីនេះគឺបង្កឡើងដោយជនសង្ស័យឈ្មោះ ពៅ ដារី ភេទស្រី អាយុ៤៥ឆ្នាំ រស់នៅចំណុចកើតហេតុខាងលើ បានធ្វើសកម្មភាពយកពូថៅកាប់ទៅលើជនរងគ្រោះដែលជាក្មួយស្រីឈ្មោះ សេង គឹមហ៊ាង ភេទស្រី អាយុ១៦ឆ្នាំ រស់នៅក្នុងផ្ទះជាមួយគ្នា ដែលកំពុងតែដេកលក់លើគ្រែ បណ្តាលអោយត្រូវមុខ និងក្បាល ជាច្រើនពូថៅ ស្លាប់នៅនឹងកន្លែងកើតហេតុ  ដោយក្រោយពេលកើតហេតុលោកអធិការបានដឹកនាំកម្លាំងចុះធ្វើការឃាត់ខ្លួនស្ត្រីដែលជាឃាតករយកមកកាន់អធិការដ្ឋានដើម្បីធ្វើការសាកសួរ។ នៅចំពោះមុខសមត្ថកិច្ច ស្ត្រីដែលជាជនសង្ស័យបានសារភាពថា ខ្លួនគឺមានបំណងសម្លាប់នាង ដោយមូលហេតុខឹងនិងនាង (ជនរងគ្រោះ) និយាយទូរស័ព្ទឮៗ និងចេញចូលផ្ទះយប់ជ្រៅពេក ។

គួរបញ្ជាក់ដែរថាកន្លងមក ក្មេងស្រីរូបនេះគឺរស់នៅទីក្រុងភ្នំពេញ ហើយទើបតែវិលត្រឡប់មកផ្ទះវិញនៅមុនពេលចូលឆ្នាំខ្មែរ ដោយមិនទាន់បានធ្វើដំណើរទៅភ្នំពេញវិញនោះឡើយ ដោយឡែកឪពុកបានបែកបាក់គ្នាជាមួយម្ដាយ ហើយបច្ចុប្បន្នម្ដាយរបស់នាងគឺធ្វើការនៅក្នុងខេត្តបាត់ដំបងហើយនាងក៏បានរស់នៅក្នុងផ្ទះជាមួយម្ដាយមីង។

 បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកបវេល ដើម្បីរៀបចំសំណុំរឿងបញ្ជូនទៅការិយាល័យជំនាញ ក្នុងការបញ្ជូនបន្តទៅកាន់តុលាការខេត្តបាត់ដំបងដើម្បីចាត់ការតាមនីតិវិធីច្បាប់ ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣៦ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម