Connect with us

សន្តិសុខសង្គម

ឃាត់ខ្លួនជនសង្ស័យ ០៦ នាក់ពាក់ព័ន្ធទន្ទ្រានដីព្រៃដែននេសាទដោយគ្មានច្បាប់អនុញាត

បានផុស

នៅ

មនុស្ស ០៦ នាក់ត្រូវបានឃាត់ខ្លួនរួមជាមួយវត្ថុតាងអេស្កាវ៉ាទ័រចំនួន ០២ គ្រឿងផង ពាក់ព័ន្ធករណីលួចឈួស​ឆាយដីព្រៃដែននេសាទដោយខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ត្រីអាវុធហត្ថស្រុកឯកភ្នំ ខេត្តបាត់ដំបង​បានឲ្យដឹងថា កាលពីវេលាម៉ោង ០៩ និង៣០នាទី ថ្ងៃទី ២៥ ខែមិថុនា ឆ្នាំ២០២៤ នៅចំណុចភូមិ បាក់រទេះ ឃុំព្រែកហ្លួង ស្រុកឯកភ្នំ ខេត្តបាត់ដំបង កម្លាំងអាវុធហត្ថស្រុកបាន​ចុះបង្ក្រាប់និងឃាត់ខ្លួន មនុស្សចំនួន​ ០៦ នាក់ពាក់ព័ន្ធក្នុងករណីបទល្មើសធនធានធម្មជាតិគាស់កកាយ​ដីព្រៃដែននេសាទដោយគ្មានច្បាប់អនុញាត។

ជនសង្ស័យទាំង ០៦ នាក់នោះរួមមាន ១-ឈ្មោះ សុខ ឡា ភេទប្រុស អាយុ ២១ឆ្នាំ ,២-ឈ្មោះ ភាព ភា ភេទប្រុស អាយុ ២១ឆ្នាំ ,៣-ឈ្មោះ រិត ហៀត ភេទប្រុស អាយុ ២៤ឆ្នាំ ,៤-ឈ្មោះ ឆប ឈុនលី ភេទប្រុស អាយុ ៣១ឆ្នាំ ,៥-ឈ្មោះបាន ហុកតេ ភេទប្រុស អាយុ ៤២ឆ្នាំ ,៦-ឈ្មោះ រ៉ូន រើន ភេទប្រុស អាយុ ៤៧ឆ្នាំ រួមជាមួយវត្ថុតាងអេស្កាវ៉ាទ័រចំនួន០២គ្រឿងផង។

បច្ចុប្បន្នជនសង្ស័យត្រូវ​បាន​ឃាត់ខ្លួនដើម្បីសាកសួរ ដើម្បីប្រគល់​ឲ្យ​ជំនាញជលផលយកទៅចាត់ការបន្តតាមផ្លូវច្បាប់។

ចំណែកនាយខ័ណ្ឌរដ្ឋបាលជលផល លោក ជួង សុភា បានឲ្យដឹងថា ចំពោះករណីខាងលើនេះ ក្រោយពីមន្ត្រីជំនាញពិនិត្យ នៅចំណុចបង្កហេតុខាងលើ បានរកឃើញចំនួន ២ករណីផ្សេងគ្នា ក្នុងនោះមាន ករណីទី១ មានប័ណ្ណប្រើប្រាស់អាស្រ័យផលតំបន់ ២ ក្បាលដីលេខ០១៤៦ ដែលមាននិយាមការលេខ០៣២០៤៥៧-១៤៦០៩៦៣ គ្រប់គ្រងដោយឈ្មោះ ហ៊ុន រុន ស្ថិតក្នុង ឃុំព្រែកហ្លួង ស្រុកឯកភ្នំ ខេត្តបាត់ដំបង ឃើញមានកាយប្រឡាយ និងលើកក្រវ៉ាត់ព្រំដីស្រែប្រវែង ៣៧៥ ម៉ែត្រ បានកាយក្រវ៉ាត់ទាំងដីរដ្ឋក្នុងតំបន់ ២ ប៉ែកខាងកើតនៃផ្ទៃដីទំហំប្រហែល ១.៧៤ហិកតា ដែលមានខ្នងទំនប់ ២ ម៉ែត្រ បាតក្រោម ៤ម៉ែត្រ កម្ពស់ ២ ម៉ែត្រ ដោយប្រើអេស្ការវ៉ាទ័រ ០១ គ្រឿង និងម៉ូតូ០១គ្រឿង។ ករណីនេះ​ជនសង្ស័យ​មាន​ចំនួន ០៤ នាក់ រួមមានៈ១-ឈ្មោះ ហ៊ុន រុន ភេទប្រុស (ម្ចាស់ក្បាលដីលេខ ០១៤៦ តំបន់២ មានប័ណ្ណប្រើប្រាស់អាស្រ័យផល)២-ឈ្មោះ សុខ ឡា ភេទប្រុស (អ្នកបើកអេស្ការ ភ្ជួរក្បាលដីលេខ០១៤៦)៣-ឈ្មោះ ភាព ភា ភេទប្រុស (ព្រូអេស្កា)ភ្ជួរក្បាល ដីលេខ០១៤៦ ម្ចាស់ម៉ូតូសង់ឌ្រីម ២០១៥ ពណ៌ស្លាកលេខសៀមរាប IS 1172)ពណ៌ខ្មៅ ៤-ឈ្មោះ រ៉ូន រើន ភេទប្រុស (ម្ចាស់អេស្ការម៉ាកCAT លេខ១២០ ពណ៌លឿង ភ្ជួរក្បាលដីលេខ០១៤៦)។

ករណីទី ២ មានប័ណ្ណប្រើប្រាស់អាស្រ័យផល (តំបន់២) ក្បាលដីលេខ ៣១៥ គ្រប់គ្រងដោយឈ្មោះប៉ាន ហុកតេ មាន និយាមការលេខ ៣២០១៦៣-១៤៦០៧៣៨ ទំហំ ៦.៨៥ហិកតា ស្ថិតក្នុង ឃុំព្រែកហ្លួង ស្រុកឯកភ្នំ ខេត្តបាត់ដំបង បាន កាយប្រឡាយ និងលើកក្រវ៉ាត់ព្រំដីស្រែប្រវែង ១,២២០ ម៉ែត្រ ដែលមានខ្នងទំនប់ ៤ ម៉ែត្របាតក្រោម ៦ម៉ែត្រ កម្ពស់ទំនប់ ២ ម៉ែត្រ និងជម្រៅប្រឡាយ ១,៥ ម៉ែត្រ ដោយប្រើអេស្ការវ៉ាទ័រ ០១ គ្រឿង និងរថយន្ត ០១ គ្រឿង បានបង្កឡើងដោយជនសង្ស័យចំនួន ០៣នាក់ រួមមានៈ១-ឈ្មោះ វីត ហៀត ភេទប្រុស (អ្នកបើកអេស្ការ កាយក្បាល​ដី​លេខ​៣១៥) ២-ឈ្មោះ ប៉ាន ហុកតេ ភេទប្រុស (ម្ចាស់ក្បាលដីលេខ៣១៥ តំបន់២ មានប័ណ្ណប្រើប្រាស់អាស្រ័យផល) និងជាម្ចាស់រថយន្តម៉ាក Vigo សេរីឆ្នាំ ២០០៨ ពណ៌ខ្មៅ ស្លាកលេខ ភ្នំពេញ 2L 8485) ៣-ឈ្មោះ ឆប ឈុនលី ភេទប្រុស (ម្ចាស់អេស្ការម៉ាក CAT លេខ៣២០ ពណណ៌លឿង កាយក្បាលដីលេខ ៣១៥)។

លោកបន្ត​ថា វត្ថុតាងត្រូវ​បាន​រក្សាទុកនៅមូលដ្ឋានកងរាជអាវុធហត្ថស្រុកឯកភ្នំជាបណ្តោះអាសន្ន ហើយម្ចាស់ដីត្រូវអនុវត្តច្បាប់​ស្តីពីជលផល ដើម្បីរួចពីការចោទប្រកាន់ទៅតុលាការដីដែលបានគាស់កកាយថ្មីលើសពីទំហំក្នុងប័ណ្ណអាស្រ័យផលហើយ​ត្រូវប្រគល់ជូនរដ្ឋវិញដីដែលបាន​គាស់កកាយត្រូវលុបវិញផងដែរ។

លោកថា ក្រោយពីលុបរួច ត្រូវអនុវត្តទៅតាមច្បាប់ស្តីពីជលផល ដោយត្រូវពិន័យអន្តរការណ៍ជូនរដ្ឋជាប្រាក់ក្នុង ១ ករណីចំនួន ១០,០០០,០០០ រៀល (ដប់លានរៀលគត់)។

លោកបញ្ជាក់ថា ករណីខាងលើនេះ បើតាមការពិនិត្យអង្គហេតុនិងអង្គច្បាប់​មានចែងក្នុងបញ្ញត្តិច្បាប់ស្តីពី​ជលផល មាត្រា ៩៦ ចំណុច ៤ គាស់កកាយដីក្នុងដែននេសាទ ដោយគ្មានការអនុញ្ញាតដីតំបន់ ២។

លោកថា ដោយបានសុំការអនុញ្ញាតពីលោក កែវ សុជាតិ ព្រះរាជអាជ្ញាអមសាលាដំបូង ខេត្តបាត់ដំបង ករណីទាំង ២ ខាងលើ ម្ចាស់ដីបានយល់ព្រមបង់ប្រាក់ពិន័យតាមច្បាប់ស្តីពីជលផល ឆ្នាំ២០០៦ ហើយក្រោយម្ចាស់ដីទាំង ២ ករណី បានបង់ប្រាក់ហើយ រាល់សម្ភារ:បានដកហូត ខ័ណ្ឌរដ្ឋបាលជលផល នឹងប្រគល់ជូនម្ចាស់វិញផងដែរ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ ម៉ោង មុន

បញ្ចេញបញ្ជី​​ឈ្មោះ​គ្រឹះស្ថាន​ធនាគារ និង​ហិរញ្ញវត្ថុ​​ស្របច្បាប់នៅកម្ពុជា បញ្ចៀស​ពលរដ្ឋ​កុំ​ប្រើ​សេវាក្រៅផ្លូវការ​នាំ​ហានិភ័យ​ខ្ពស់

សេដ្ឋកិច្ច២១ ម៉ោង មុន

ក្រុមហ៊ុន ខេមបូឌា អ៊ែរផត ចុះកុងត្រា ១២ ឆ្នាំឱ្យក្រុមហ៊ុន គ្រប់គ្រងសេវាលក់រាយ ​មុនពេលព្រលានយន្តហោះ​អន្តរជាតិតេជោបើកដំណើរការ

សន្តិសុខសង្គម២៣ ម៉ោង មុន

នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ

ព័ត៌មានជាតិ១៩ ម៉ោង មុន

សម្តេចតេជោ ហាមកុំឱ្យចូលតំណ (link) ថាទទួលបានប្រាក់រង្វាន់ $500 ព្រោះជារឿងមិនពិត

សេដ្ឋកិច្ច១៩ ម៉ោង មុន

ពីកម្មករសំណង់ តស៊ូក្លាយជាម្ចាស់ហាងអាវធំ ដ៏ល្បីឈ្មោះ

Sokha Hotels

ព័ត៌មានពេញនិយម