សន្តិសុខសង្គម

ឃាត់ខ្លួនជនសង្ស័យ២នាក់ភ្លាមៗ ក្រោយឆក់ទូរស័ព្ទរបស់ជនបរទេសបានសម្រេច

បានផុស

៦ ខែ មុន

នៅ

ថ្ងៃព្រហស្បតិ៍ ១៩ ធ្នូ ២០២៤

ដោយ

កម្លាំងនាយកដ្ឋាននគរបាលព្រហ្មទណ្ឌ ប្រដេញចាប់ជនសង្ស័យបានចំនួន០២នាក់ភ្លាមៗ ក្រោយធ្វើសកម្មភាពឆក់ទូរស័ព្ទពីជនបរទេសម្នាក់បានសម្រេច ហើយព្យាយាមជិះម៉ូតូរត់គេចខ្លួន។ ហេតុការណ៍នេះបានកើតឡើងកាលពីវេលាម៉ោង១០និង១៥នាទីយប់ ថ្ងៃទី១៨ ខែធ្នូ ឆ្នាំ២០២៤ ចំណុចធ្វើសកម្មភាពខាងក្រោយវិទ្យាល័យព្រះស៊ីសុវត្ថិ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកឧត្តមសេនីយ៍ ប៊ុត វណ្ណារដ្ឋ អនុប្រធាននាយកដ្ឋានទទួលផែនការងារព្រហ្មទណ្ឌ បានដឹកនាំកម្លាំងជំនាញម៉ូតូប្រដេញ ជិះល្បាតតាមភូមិសាស្ត្រងាយរងគ្រោះ លុះដល់វេលាម៉ោងកើតហេតុ ក៏ឃេីញជនសង្ស័យ២នាក់ជិះម៉ូតូម៉ាកឃ្លីក ពណ៌ប្រផេះ ពាក់ស្លាកលេខភ្នំពេញ 1LE-0061 បានធ្វើសកម្មភាពឆក់ទូរស័ព្ទរបស់នារីជនជាតិបរទេស២នាក់ ដែលកំពុងដេីរ រួចជនសង្ស័យបានបន្ថែមល្បឿនរត់គេចខ្លួន។

ប្រភពបានបន្តថា ភ្លាមៗកម្លាំងដែលកំពុងល្បាត ក៏ប្រទះឃើញបានរាយការណ៍តាមវិទ្យុទាក់ទង ប្រដេញតាមជនសង្ស័យ រហូតដល់ផ្លូវកម្ពុជាក្រោមនៅចំណុចស្តុបថ្មដា មូលដ្ឋានខណ្ឌ ៧មករា ជនសង្ស័យក៏បានផ្តួលម៉ូតូចោលរត់គេចខ្លួន តែត្រូវបានសមត្ថកិច្ចនគរបាលដេញឃាត់បានទាំង២នាក់ និងដកហូតទូរស័ព្ទរបស់ជនរងគ្រោះបានមកវិញផងដែរ។

បច្ចុប្បន្នជនសង្ស័យ រួមនិងវត្ថុតាង ត្រូវបានបញ្ចូនខ្លួនទៅកាន់នាយកដ្ឋាននគរបាលព្រហ្មទណ្ឌ ឃុំខ្លួនបណ្តោះអាសន្ន ដើម្បីបន្តនិតិវិធី កសាងសុំណុំរឿងទៅតុលាការចាត់ការតាមនិតិវិធីច្បាប់៕

អត្ថបទ៖ សំណាង