កីឡា

វ័យត្រឹម ១៩ឆ្នាំផ្ញើសារលើកទឹកចិត្តដល់នារីៗឲ្យលេងកីឡាពី ម៉ីម៉ីៗ ថាអ្នកខ្លាំងៗក៏ចាប់ផ្ដើមពីអត់ចេះដែរ

បានផុស

២ ខែ មុន

នៅ

ថ្ងៃចន្ទ ២៣ កុម្ភៈ ២០២៦

ដោយ

អតីតកីឡាការិនីលីប្រូរបស់ក្រុមបាល់ទះក្រសួងមហាផ្ទៃ ម៉ីម៉ី ថាអ្នកដែលស្រឡាញ់ចូលចិត្តកីឡាបាល់ទះគួរសាកចាប់ផ្ដើមហ្វឹកហាត់បាន កុំខ្លាច កុំខ្មាស់គេ ព្រោះអ្នកខ្លាំងៗក៏ចាប់ផ្ដើមពីអត់ចេះសោះដូចគ្នាដែរ។

ម៉ីម៉ី ប្រកួតកន្លងទៅ (រូបភាពផេក Castor)

កីឡាការិនី ខូវ វីវៀន (ម៉ីម៉ី) បានឲ្យដឹងថា ប្រសិនបើយុវជនពិសេសនារីៗដែលស្រឡាញ់វិស័យបាល់ទះនេះគួរសាកចាប់ផ្ដើមហ្វឹកហាត់បានកុំខ្លាច កុំមានការខ្មាសអៀន កុំគិតថាខ្លួនមិនអាចធ្វើបានឲ្យសោះ។ ការខ្មាសអៀនគឺធ្វើឲ្យម្នាក់ៗមិនរីកចម្រើនទៅមុខនោះឡើយ។

កីឡាករ ឬអ្នកខ្លាំងខាងបាល់ទះនេះមុនមានសមត្ថភាពបែបនេះក៏ឆ្លងកាត់ការចាប់ផ្ដើមពីមិនចេះសោះដូចគ្នា ប៉ុន្តែការខំប្រឹងប្រែងតស៊ូទើបធ្វើឲ្យសមត្ថភាពកើនឡើងពីមួយកម្រិតទៅមួយកម្រិតបាន។ យ៉ាងណាប្រសិនបើស្រឡាញ់កីឡាមួយហើយឆ្លៀតចូលលេងទៅ និងចេះសួរពីរបៀបលេងរបស់រៀមច្បងលេងធ្វើដូចម្ដេចបានល្អ ធ្វើដូចម្ដេចលោតបានខ្ពស់ ឬធ្វើដូចម្ដេចទើបកើនឡើងសមត្ថភាពទៅបាន។

ម៉ីម៉ី ប្រកួតកន្លងទៅ

ការលេងកីឡាបាល់ទះគឺល្អសម្រាប់សុខភាព និងល្អលើស្មារតីទៀតផង។ លេងបាល់ទះបានធ្វើឲ្យខ្លួនមានការផ្ចង់អារម្មណ៍ ផ្ដោតលើការងារច្បាស់លាស់បានល្អណាស់ជាក់ស្ដែងមិនថានៅពេលប្រកួតបាល់ទះគឺផ្តោតតែបាល់ទះប៉ុណ្ណោះ។ ងាកមកការសិក្សាដូចគ្នាគឺមានការផ្ដោតអារម្មណ៍បានល្អតែការសិក្សាដែលវាបញ្ជាក់ពីការខុសគ្នាដាច់មុនការហ្វឹកហាត់។

ម៉ីម៉ី លីប្រូក្រសួងមហាផ្ទៃ

បញ្ជាក់ដែរថា កីឡាការិនី ខូវ វីវៀន (ម៉ីម៉ី) ជាអ្នកស្រឡាញ់កីឡា និងមានសមត្ថភាពលេងកីឡាបានច្រើនប្រភេទផងដែរ។ រូបគេលេងកីឡាមិនក្រោមឆ្នាំនោះទេបើទោះជាខ្លួននៅក្មេង និងកំពុងសិក្សារៀនសូត្រយ៉ាងណាក្ដី។ ម៉ីម៉ី ជាអតីតកីឡាការិនីក្រុមបាល់ទះក្រសួងមហាផ្ទៃ។ រូបគេលេងក្នុងតំណែងលីប្រូ។ ដោយសារតែជាប់ទៅបន្តការសិក្សានៅអូស្ត្រាលីអតីតលីប្រូម្នាក់នេះត្រូវផ្អាកការលេងបាល់ះ និងបានចេញដំណើរទៅអូស្ត្រាលី តាំងពីថ្ងៃទី២០ ខែកុម្ភៈ ឆ្នាំ២០២៦ នេះមកម្ល៉េះ៕