កីឡា

ឡាង រាសីកែវ ប៉ងចង់ឈ្នះពានរង្វាន់តេជោលីគឲ្យបានមួយទៀតជូនក្លឹបស្នងការរាជធានីភ្នំពេញ

បានផុស

២ ខែ មុន

នៅ

ថ្ងៃអង្គារ ២១ មេសា ២០២៦

ដោយ

កីឡាករបាល់ទះ ឡាង រាសីកែវ ថារូបគេប៉ងចង់ឈ្នះពានរង្វាន់តេជោលីគមួយទៀតជូនក្លឹបបាល់ទះស្នងការរាជធានីភ្នំពេញ ព្រោះឱកាសរបស់ក្លឹបមានច្រើនដងដែរ ប៉ុន្តែធ្វើមិនសូវបានសោះនាពេលកន្លងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឡាង រាសីកែវ

ឡាង រាសីកែវ បានឲ្យដឹងថា កន្លងមកទៅនេះដោយសារក្លឹបមានឱកាសឡើងវគ្គផ្ដាច់ព្រ័ត្រច្រើនដងដែរ ប៉ុន្តែហាក់ធ្វើមិនសូវបានល្អសោះ។ ឱកាសល្អៗឡើងដល់វគ្គផ្ដាច់ព្រ័ត្រហើយរបូតពានវិញនេះបានធ្វើឲ្យរូបគេចេះតែនឹកស្ដាយ និងប៉ងចង់ឈ្នះពានធំគឺតេជោលីគឲ្យបានមួយទៀតជូនក្លឹប។

កីឡាករដើមកំណើតពីខេត្តត្បូងឃ្មុំខាងលើ មិនភ្លេចនោះឡើយការយកចិត្តទុកដាក់ពីថ្នាក់ដឹកនាំក្លឹបលោក ជួន ណារិន្ទ លោក តឹង សុធី និងគ្រូៗដែលបានជំរុញឲ្យកីឡាករទាំងអស់ខំប្រឹងប្រែង និងមានសមត្ថភាពកេរ្តិ៍ឈ្មោះដូចពេលនេះ។ រូបគេរួមទាំងកីឡាករប្ដេជ្ញាចិត្តបន្តប្រឹងប្រែងឲ្យអស់ពីកម្លាំងកាយចិត្តដើម្បីដណ្ដើមយកពាន និងស្នាដៃផ្សេងៗជូនក្លឹបឲ្យបាននៅថ្ងៃខាងមុខនេះ។

កីឡាករ ឡាង រាសីកែវ

បញ្ជាក់ដែរថា ឡាង រាសីកែវ ជាដៃប៉ះសេរបស់ក្រុមបាល់ទះស្នងការរាជធានីភ្នំពេញ។ រូបគេទើបតែជួយឲ្យក្លឹបឈ្នះក្នុងការប្រកួតសប្បុរសធម៌ជួយជនភាសឹក និងជួយក្លឹបឲ្យឈ្នះពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះ។ ក្លឹបបាល់ទះធំៗនៅកម្ពុជាកំពុងត្រៀមខ្លួនចូលរួមប្រកួតប្រជែងពានរង្វាន់តេជោលីគ ប្រចាំឆ្នាំ២០២៦ ដែលនឹងចាប់ផ្ដើមនៅខែឧសភា ឆាប់ៗខាងមុខនេះហើយ៕

ក្រុមបាល់ទះស្នងការ និងថ្នាក់ដឹកនាំ

អត្ថបទដោយ៖ នួន ស៊ីណា

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា