កំពូល​អ្នក​ប្រដាល់ជប៉ុន Inoue បំបាក់កំពូលអ្នកប្រដាល់ Nakatani បន្តកំណត់ត្រាមិនចាញ់ ១៤ ឆ្នាំ

កំពូលអ្នកប្រដាល់សកល ជប៉ុន Naoya Inoue បានបន្តគ្រប់គ្រងខ្សែក្រវាត់ពិភពលោកទម្ងន់ស្រាល និងកាន់កាប់កំណត់ត្រាមិនចាញ់សោះក្នុងរយៈពេល ១៤ ឆ្នាំក្នុងអាជីពខ្លួន បន្ទាប់ពីយកឈ្នះមិត្តរួមជាតិកីឡាករ Junto Nakatani ដោយពិន្ទុនៅទីក្រុង តូក្យូ កាលពីថ្ងៃទី ២ ខែ ឧសភា ឆ្នាំ ២០២៦។

ការប្រកួតនេះត្រូវបានគេចាត់ទុកជាការប្រកួតដ៏ធំបំផុតមួយក្នុងប្រវត្តិសាស្ត្រប្រដាល់សកលជប៉ុន ដោយសារនេះ គឺជាការប៉ះគ្នារវាងកំពូលអ្នកប្រដាល់របស់ ជប៉ុន ពីររូប ដែលសុទ្ធតែមានឈ្មោះ និងចំណាត់ថ្នាក់ល្អបំផុតនៅក្នុងកីឡាប្រយុទ្ធពិភពលោក (Pound-for-pound)។

អ្នកប្រដាល់វ័យ ៣៣ ឆ្នាំ Inoue បានគ្រប់គ្រងស្ថានភាពយ៉ាងល្អក្នុងរយៈពេល ១២ ទឹកពេញ។ ទោះបីជានៅចុងការប្រកួត កីឡាករ Nakatani ព្យាយាមដាក់សម្ពាធមកវិញក៏ដោយ ក៏ Inoue នៅតែគ្រប់គ្រងស្ថានភាពបានល្អ តាមរយៈការបម្លាស់ទី និងវាយដោយភាពវៃឆ្លាត។ ចុងក្រោយ Inoue បានទទួលជ័យជម្នះដោយពិន្ទុ និងបន្តការពារខ្សែក្រវាត់ពិភពលោកទម្ងន់ស្រាលរបស់ខ្លួនបានជោគជ័យ។

ក្រោយជ័យជម្នះដ៏ធំធេងនេះ Inoue នៅតែបន្តកាន់កាប់កំណត់ត្រាមិនចាញ់សោះក្នុងរយៈពេល ១៤ ឆ្នាំ។ អ្នកប្រដាល់រហស្សនាម Monster វ័យ ៣៣ ឆ្នាំ បានប្រកួតអាជីពតាំងពីឆ្នាំ ២០១២ មកចំនួន ៣៣ ប្រកួត ក្នុងនោះឈ្នះទាំង ៣៣ លើក ហើយបានផ្តួលឱ្យដៃគូសន្លប់ចំនួន ២៧ លើក៕

ប្រែសម្រួល៖ សេម កុសល
ប្រភព៖ BBC