កីឡា
U-17 និង U-20 កម្ពុជា បញ្ចប់ការចាប់ពូលវគ្គជម្រុះពានរង្វាន់ជើងឯកយុវជនទ្វីបអាស៊ី
ក្រុមបាល់ទាត់ជម្រើសជាតិកម្ពុជា អាយុក្រោម ១៧ ឆ្នាំ នឹងត្រូវស្ថិតនៅពូល G នៃវគ្គជម្រុះជើងឯកយុវជនអាស៊ីអាយុក្រោម ១៧ ឆ្នាំ (AFC U-17 Asian Cup 2023 Qualifiers) សម្រាប់ឆ្នាំ ២០២៣ ខណៈក្រុមបាល់ទាត់ជម្រើសជាតិកម្ពុជា អាយុក្រោម ២០ ឆ្នាំ នឹងត្រូវស្ថិតនៅពូល I នៃវគ្គជម្រុះជើងឯកយុវជនអាស៊ីអាយុក្រោម ២០ ឆ្នាំ (AFC U-20 Asian Cup 2023 Qualifiers) សម្រាប់ឆ្នាំ ២០២៣ ដូចគ្នា។
យោងតាមលទ្ធផលនៃការចាប់ឆ្នោតបែងចែកពូល ដែលបានធ្វើឡើងនៅថ្ងៃទី ២៤ ខែឧសភា ឆ្នាំ២០២២ នេះ U-17 កម្ពុជា ស្ថិតនៅពូល G នេះជាមួយម្ចាស់ផ្ទះអូស្ត្រាលី, ចិន និងកោះម៉ារីណាខាងជើង។ ការប្រកួតគ្រោងនឹងធ្វើឡើងនៅទឹកដីកណ្ដាល ហើយចាប់ផ្ដើមប្រកួតពីថ្ងៃទី០១-០៩ ខែតុលា ឆ្នាំ ២០២២។
ដោយឡែក U-20 កម្ពុជា វិញ ស្ថិតនៅពូល I ជាមួយម្ចាស់ផ្ទះតាជីគីស្ថាន, លីបង់ និងសិង្ហបុរី។ ការប្រកួតគ្រោងនឹងធ្វើឡើងនៅទឹកដីកណ្ដាល ហើយចាប់ផ្ដើមប្រកួតពីថ្ងៃទី ១០-១៨ ខែកញ្ញា ឆ្នាំ ២០២២។
ដើម្បីឱ្យក្រុមយុវជនទាំងពីររបស់កម្ពុជា អាចឡើងទៅវគ្គបន្ត លុះត្រាតែឈរនៅកំពូលតារាងប្រចាំពូលរៀងៗខ្លួន ឬក៏យ៉ាងហោចណាស់ត្រូវឈរនៅលេខ២ ប្រចាំពូល ដើម្បីយកទៅប្រៀបធៀបជាមួយ ៩ ពូលផ្សេងទៀត ដែលមានពិន្ទុលើសគេ ៥ក្រុមប៉ុណ្ណោះទៅប្រកួតជុំផ្ដាច់ព្រ័ត្រ នៅឆ្នាំ ២០២៣ ដោយពាន U-17 ធ្វើនៅប្រទេសបារ៉ែន និងពាន U-20 ធ្វើនៅប្រទេសអ៊ូសបីគីស្ថាន។
គួររំឮកថា ដើមឡើយសហព័ន្ធកីឡាបាល់ទាត់កម្ពុជា សម្រេចមិនបញ្ជូនក្រុមជម្រើសជាតិកម្ពុជាអាយុក្រោម ១៧ ឆ្នាំ និងអាយុក្រោម ២០ ឆ្នាំ ទៅចូលព្រឹត្តិការណ៍ជម្រុះជើងឯកយុវជនប្រចាំទ្វីបអាស៊ី ប្រភេទអាយុក្រោម ១៧ឆ្នាំ និងប្រភេទអាយុក្រោម ២០ ឆ្នាំ សម្រាប់ឆ្នាំ ២០២៣ ឡើយ។ ចំពោះមូលហេតុ គឺត្រូវបានទម្លាយឱ្យដឹងថា ដោយសារបញ្ហាហិរញ្ញវត្ថុ ប៉ុន្តែក្រោយមកនៅ សហព័ន្ធកីឡាបាល់ទាត់កម្ពុជា ក៏សម្រេចបញ្ជូនក្រុមទាំង ២ ទៅចូលរួមវិញផងដែរ៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ