កីឡា
អ្នកគាំទ្រសិង្ហបុរី រិះគន់ខ្លាំងៗក្រោយប្រទេសកំណើតខ្លួនចាញ់កម្ពុជា ក្នុងពាន AFF U-19 Championship
អ្នកគាំទ្រក្រុម U-19 សិង្ហបុរី បានរិះគន់ខ្លាំងៗក្រោយប្រទេសកំណើតរបស់ខ្លួនប្រកួតចាញ់ U-19 កម្ពុជា ក្នុងពានរង្វាន់ជើងឯកយុវជនអាយុក្រោម ១៩ ឆ្នាំ អាស៊ាន (AFF U-19 Boys Championship 2022) លទ្ធផល ០-១ កាលពីល្ងាចថ្ងៃទី ០៣ ខែកក្កដាម្សិលមិញ។
ការរិះគន់នេះ បន្ទាប់ពីមើលឃើញថា ទម្រង់លេងរបស់ក្រុម U-19 សិង្ហបុរី ហាក់ខុសពីការរំពឹងទុក ជាពិសេសចំពេលដែលគេគិតថា ក្រុមរបស់ខ្លួន អាចយកឈ្នះលើកម្ពុជា ដោយសារកត្តាកាយសម្បទា ក៏ដូចជាកត្តាអភិវឌ្ឍន៍ដែលគិតថា មានប្រៀបជាងតាំងពីដើម និងកត្តាប្រវត្តិសាស្ត្រដែលភាគច្រើន សិង្ហបុរី តែងតែឈ្នះ កម្ពុជា មិនថាឈុតយុវជន ឬឈុតធំ។
អ្នកគាំទ្របានសរសេរអារម្មណ៍ ក៏ដូចជារិះគន់នៅលើទំព័រហ្វេសបុករបស់សហព័ន្ធកីឡាបាល់ទាត់សិង្ហបុរីថា៖ «យើងគួរតែចាញ់ ០-១ ទល់នឹងក្រុមដូចជាថៃ ឬក៏វៀតណាម មិនមែនកម្ពុជាឡើយ។ ហើយនឹងឈ្នះក្រុមដទៃទៀតនៅក្នុងតំបន់ វាមិនពិបាកក្នុងការស្នើសុំនោះទេ។ ការចាញ់កម្ពុជា មិនមែនអ្វីដែលគួរឱ្យមានមោទកភាពទេ។» អ្នកគាំទ្រម្នាក់ទៀតបានសរសេរថា៖ «ខណៈពេលដែលកម្ពុជា មានគ្រូបង្វឹកមកពីជប៉ុនជួយបង្ហាត់ដល់ក្រុមយុវជនស្ទើរគ្រប់ឈុត យើងវិញមានត្រឹមគ្រូបង្វឹកដែលយើងមិនដែលស្គាល់ ហើយជាគ្រូបង្វឹកក្នុងស្រុកទៀត។ ក្នុងដំណាក់កាលថ្នាលបែបនេះគួរណាតែមានគ្រូបង្វឹកដែលមានបទពិសោធន៍ខ្ពស់។»
អ្នកគាំទ្រមួយចំនួនទៀត ក៏បានដាក់កំហុសទៅលើគ្រូបង្វឹក ដោយគេបាននិយាយថា៖ «កីឡាករបានលេងអស់ពីលទ្ធភាពហើយ ប៉ុន្តែគេចាញ់ដោយសារគ្រូបង្វឹក។» «យើងពិតជាត្រូវការការផ្លាស់ប្ដូរគ្រូបង្វឹក U19s។»
គួររំឮកថា កីឡាករ សុវណ្ណ ដូណា ក្លាយជាកីឡាករស៊ុតចូលឱ្យកម្ពុជា យកឈ្នះ សិង្ហបុរី ០-១ គ្រាដែលការប្រកួតនេះក៏មានភាពស្វិតស្វាញផងដែរ ជាមួយនឹងឱកាសទាត់ប្រហាក់ប្រហែលគ្នា ប៉ុន្តែកម្ពុជា ហាក់ធ្វើបានល្អជាង។
U-19 សិង្ហបុរី ឈរនៅលេខ ៤ ក្នុងពូល B មាន ០ពិន្ទុ ហើយប្រកួតបន្ទាប់គេនឹងត្រូវជួប U-19 ទីម័រខាងកើត ដែលទើបតែចាញ់ឡាវ នៅថ្ងៃទី ០៥ ខែកក្កដា ខាងមុខ ផងដែរ៕
អត្ថបទ៖ ណារ៉ុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ