កីឡា
មនុស្សប្រមាណ៥ម៉ឺននាក់នឹងចូលរួមកីឡាជាតិលើកទី៣ខែក្រោយ
តាមការគ្រោងទុក មនុស្សចាប់ពី៥ម៉ឺននាក់ឡើងនឹងចូលរួមព្រឹត្តិការណ៍«កីឡាជាតិ»លើកទី៣ នាខែវិច្ឆិកា ខាងមុខនេះដែលនឹងក្លាយជាមនុស្សច្រើនក្នុងព្រឹត្តិការណ៍កីឡាដែលគណៈកម្មការរៀបចំការប្រកួតត្រូវយកចិត្តទុកដាក់។
ការប្រកួតកីឡាជាតិលើកទី៣នេះកាន់តែធំ ទូលំទូលាយ និងលំអិតជាងកាលលើកទី១ និងលើកទី២។ ក្នុងនោះ សហព័ន្ធ សមាគម អង្គភាព និងរាជធានី -ខេត្តក្រុងទាំងអស់នឹងបញ្ជូនអត្តពលិកចូលរួមការប្រកួតដែលនឹងមានចន្លោះពី៦ទៅ៧ពាន់នាក់លើប្រភេទកីឡាជាច្រើនដែលស្រដៀងគ្នាទៅនឹងព្រឹត្តិការណ៍អន្តរជាតិគឺស៊ីហ្គេមដែរ។
ក្រៅពីមានអត្តពលិកច្រើនលើកីឡាច្រើនប្រភេទ និងវិញ្ញាសារាប់រាយនោះ ព្រឹត្តិការណ៍បើក-បិទក៏មានការសម្តែងក្បាច់គុន សិល្បៈ វប្បធម៌ដ៏ច្រើនសំបូរបែប និងមានអ្នកចូលរួមសម្តែងទាំងអត្តពលិក សិល្បករ សិល្បការិនី និងកងទ័ពប្រមាណ២ពាន់នាក់។
ដើម្បីឲ្យពិធីបើក-បិទដែលមានការសម្តែងក្បាច់គុន សិល្បៈ វប្បធម៌ដ៏ច្រើនទម្រង់ប្រព្រឹត្តទៅដោយរលូន និងអធិកអធម ក៏មាននឹងអ្នកចូលរួមទាំងគណៈអធិបតី មន្ត្រីរាជការ និងប្រជាពលរដ្ឋប្រមាណ៥ម៉ឺនដែលពេញពហុកីឡដ្ឋានជាតិមរតកតេជោតែម្តង។
ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) និងជាអគ្គលេខាធិការនៃគណៈកម្មាធិការជាតិ CAMSOC បានឲ្យដឹងថា ៖«យើងបានបែងចែកការងារគ្នា និងបានរួមគ្នាធ្វើកិច្ចការនេះ ដោយ NOCC ជាអ្នកទទួលបន្ទុកក្នុងការរៀបចំព្រមទាំងពិធីសម្តែងកីឡា-សិល្បៈ នៃពិធីបើក-បិទទាំងមូល។ កិច្ចប្រជុំថ្ងៃនេះផ្តោតសំខាន់ទៅលើនីតិវិធី និងររៀបរបបនៃការរៀបចំកីឡាជាតិដែលមានកិច្ចការជាច្រើន ដែលត្រូវយកចិត្តទុកដាក់ខ្ពស់ទាំងការរៀបចំ ការប្រកួត និងសន្តិសុខ សណ្តាប់ឆ្នាប់ជាដើម ដែលមានអ្នកចូលរួមប្រមាណ ៥ម៉ឺននាក់ នៅក្នុងពហុកីឡដ្ឋានជាតិមរតកតេជោ»។
កាលពីកីឡាជាតិលើកទី១ ឆ្នាំ២០១៦ និងកីឡាជាតិ លើកទី២ ឆ្នាំ២០១៨ ត្រូវបានរៀបចំឡើងនៅពហុកីឡដ្ឋានជាតិអូឡាំពិក។ បទពិសោធនៃការរៀបចំកីឡាជាតិ២លើកកន្លងមកបានក្លាយជាគំរូ ឬលំនាំមួយ ក្នុងការផ្តល់លក្ខណៈងាយស្រួលជាទម្រង់រួមគ្នាសម្រាប់កីឡាជាតិលើកទី៣នេះ។
នេះជំហានថ្មីមួយទៀតក្នុងដំណើរត្រៀមខ្លួនរបស់កម្ពុជាក្នុងនាមជាម្ចាស់ផ្ទះរៀបចំធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជាឲ្យទទួលបានជោគជ័យ។ កីឡាជាតិលើកទី៣ គ្រោងប្រារព្ធធ្វើឡើងជាផ្លូវការ ពីថ្ងៃទី២១-៣០ ខែវិច្ឆិកា ឆ្នាំ២០២២៕
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+៤ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ១ សប្តាហ៍ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ