កំពូលកីឡាករបាល់ទាត់ទាំង២ បានបង្កភាពល្បីរន្ទឺ កក្រើកពិភពលោកក្នុងរយៈពេលជាច្រើនឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថភាព និងទេពកោសល្យរបស់ខ្សែប្រយុទ្ធទាំង២ ត្រូវបានគេចាត់ទុកថា អស្ចារ្យបំផុត កម្រមានកីឡាកររូបណាអាចយកទៅប្រៀបប្រដូចបានណាស់។

ក្នុងអាជីពបាល់ទាត់, Ronaldo និង Messi បានសាងកេរ្តិ៍ឈ្មោះ និងបំបែកកំណត់ត្រាជាច្រើន ជាពិសេស កាលពីចុងឆ្នាំ២០២២ Messi បានជួយឲ្យក្រុមបាល់ទាត់ជម្រើសជាតិអាហ្សង់ទីន ឈ្នះពានរង្វាន់ពិភពលោកនៅប្រទេសកាតា ចំណែក Ronaldo ទើបផ្លាស់ទៅលេងនៅក្របខ័ណ្ឌកំពូលរបស់ប្រទេសអារ៉ាប៊ីសាអូឌីត ក្លាយជាកីឡាករបាល់ទាត់មានប្រាក់ខែខ្ពស់បំផុត ក្នុងប្រវត្តិសាស្រ្ត។

រឿងដែលគួរឲ្យស្តាយគឺថា រជ្ជកាលរបស់កីឡាករទាំង២ នៅសល់ពេលមិនយូរទៀតទេ ខណៈដែលវ័យរបស់ពួកគេកាន់តែចាស់ទៅៗ។

ទោះបីជាយ៉ាងណាក៏ដោយ រឿងមួយដែលអ្នកស្រឡាញ់កីឡាករទាំង២ ប្រហែលមិនទាន់ដឹងច្បាស់នោះគឺ ឈ្មោះពិតរបស់ពួកគេ។

ច្បាស់ណាស់​ អ្នកគាំទ្រកីឡាករសញ្ជាតិព័រទុយហ្គាល់ ប្រហែលជាស្គាល់ឈ្មោះត្រឹមថា Cristiano Ronaldo ចំណែកអ្នកគាំទ្រកីឡាករសញ្ជាតិអាហ្សង់ទីន ប្រហែលជាស្គាល់ឈ្មោះត្រឹមថា Lionel Messi ប៉ុណ្ណោះ។

តាមពិតទៅ ឈ្មោះពិតរបស់ Ronaldo គឺ Cristiano Ronaldo dos Santos Aveiro ចំណែកឈ្មោះពិតរបស់ Messi គឺ Lionel Andrés Messi៕

អត្ថបទ៖ Vann Vann

ចុចអាន៖ ក្នុងសន្និសីទកាសែតជាមួយក្លិប Al-Nassr, Ronaldo សាងកំហុសមួយ មិនសូវមានអ្នកចាប់ភ្លឹក