Connect with us

កីឡា

Real Madrid គាំទ្រការចោទប្រកាន់អំពើពុករលួយរបស់ Barcelona ជុំវិញការបង់ប្រាក់ទៅឲ្យអាជ្ញាកណ្ដាល

បានផុស

នៅ

Real Madrid និយាយ​ថា ពួកគេ​នឹង​គាំទ្រ​ការ​ចោទប្រកាន់​ពី​បទ​ពុករលួយ​ដែល Barcelona ប្រឈម​មុខ​នឹង​ប្រាក់​ដែល​បាន​បង់​ទៅ​ឲ្យ​អនុ​ប្រធាន​គណៈកម្មាធិការ​អាជ្ញាកណ្ដាល​របស់​លីគ​អេស្ប៉ាញ។ Real បាន​រៀបចំ​ដើម្បី “​ការពារ​ផល​ប្រយោជន៍​របស់​ពួកគេ​” នៅ​ពេល​ដែល​ដំណើរការ​រឿងក្ដី ត្រូវ​បាន​បើក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពី​ថ្ងៃ​សុក្រ តុលាការ​បាន​បើកសវនាការ​ជំនុំជម្រះ​ក្រុម Barcelona ពី​បទ «​ពុករលួយ​» «​ការ​រំលោភ​លើ​ទំនុក​ចិត្ត​» និង «​កំណត់ត្រា​អាជីវកម្ម​មិន​ពិត​»។ ព្រះរាជអាជ្ញា​ចោទ​ប្រកាន់ Barca ថា បាន​បង់​ប្រាក់ ៨.៨ លាន​អឺរ៉ូ ទៅ​ឲ្យ លោក Jose Maria Enriquez Negreira និង​ក្រុមហ៊ុន​របស់​គាត់ ជា​ថ្នូរ​នឹង​ការ​សម្រេច​ចិត្ត​របស់​អាជ្ញាកណ្ដាល។

Barcelona ដែល​បាន​បដិសេធ​រាល់​ការ​ខុសឆ្គង បាន​ដឹង​ថា ការ​បង់​ប្រាក់​ត្រូវ​បាន​ធ្វើ​ឡើង​ទៅកាន់​ក្រុមហ៊ុន​ដែល​មាន​ឈ្មោះថា Dasnil 95 ចន្លោះ​ឆ្នាំ ២០០១ និង ២០១៨។

Barcelona បាន​ពណ៌នា​ពី​ក្រុមហ៊ុន​ថា​ជា”​អ្នក​ប្រឹក្សា​បច្ចេកទេស​ខាងក្រៅ​” ដែល​ត្រូវ​បាន​បង់​ដើម្បី​ចងក្រង​របាយការណ៍​វីដេអូ​ទាក់ទង​នឹង​អាជ្ញាកណ្ដាល​អាជីព” ក្នុង​គោលបំណង​បំពេញ​បន្ថែម​នូវ​ព័ត៌មាន​ដែល​តម្រូវ​ដោយ​បុគ្គលិក​បង្វឹក​”។

អតីត​ប្រធាន Josep Maria Bartomeu និង Sandro Rosell ក៏ដូចជា Negreira ក៏​ត្រូវ​បាន​ចោទ​ប្រកាន់​ជា​មួយ​ក្លិប​ផង​ដែរ។ បណ្ដឹង ត្រូវ​បាន​នាំ​មក​ដោយ​ការិយាល័យ​រដ្ឋអាជ្ញា​សាធារណៈ​ទីក្រុង Barcelona។

Real Madrid ដែល​ជា​គូប្រជែង​ដ៏​ធំ​ផង​ដែរ​នោះ ក៏បាន​បើក​កិច្ចប្រជុំ​ក្រុមប្រឹក្សាភិបាល​មួយ កាលពី​ថ្ងៃអាទិត្យ ដើម្បី​ពិភាក្សា​អំពី​បញ្ហា​នេះ ដោយ​បង្ហាញ​ពី​ជំហរ​របស់​ពួកគេ​បន្ទាប់ពី “​បាន​ត្រួតពិនិត្យ​ការ​ចោទប្រកាន់​ធ្ងន់ធ្ងរ​”។

ម្ចាស់​ជើងឯក​អេ​ស្ប៉ា​ញ​បាន​និយាយ​ថា “Real Madrid មាន​បំណង​ចង់​បង្ហាញ​ពី​ការ​ព្រួយបារម្ភ​បំផុត​របស់​ខ្លួន​ទាក់ទង​នឹង​ទំនាញ នៃ​ការពិត និង​បញ្ជាក់​ឡើងវិញ​នូវ​ទំនុក​ចិត្ត​របស់​ខ្លួន​នៅ​ក្នុង​ប្រព័ន្ធ​ច្បាប់​។ ក្លិប បាន​យល់ព្រម​ថា ដើម្បី​ការពារ​សិទ្ធិ​ស្របច្បាប់​របស់​ខ្លួន វា​នឹង​បង្ហាញខ្លួន​នៅ​សវនាការ ពេល​ចៅក្រម​បើក​វា​ឲ្យ​ភាគី​ដែល​រង​ផល​ប៉ះពាល់​”។

ប្រធាន​ក្លិប Barcelona លោក Joan Laporta ក៏បាន​ឆ្លើយតប​ដោយ​ទទូច​ថា ក្លិប​គឺជា “​ជនរងគ្រោះ នៃ​រឿង​នេះ​នេះ​” និង “​ប៉ះពាល់​ដល់​កិត្តិយស​របស់​ខ្លួន​” ដោយ​ជំរុញ​ឲ្យ​អ្នកគាំទ្រ​រក្សា “ភាព​ស្ងប់ស្ងាត់”។

លោក​បាន​សរសេរ​នៅ​លើ Twitter ថា “​វា​មិន​គួរ​ឲ្យ​ភ្ញាក់ផ្អើល​ទេ ហើយ​យើង​នឹង​ការពារ Barca ហើយ​បង្ហាញ​ថា ក្លិប​គ្មាន​កំហុស”៕

ប្រភព ៖ BBC

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២៣ នាទី មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៤៨ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម