Connect with us

កីឡា

សហព័ន្ធគុន​ខ្មែរ​បញ្ជាក់រឿង WLF ស្នើសុំ ព្រំ សំណាង ​ឲ្យ​ប៉ះ​​​ស្តេច​ប្រដាល់ភូមា Leduc

បានផុស

នៅ

សហព័ន្ធ​កីឡា​ប្រដាល់​គុន​ខ្មែរ​ពិត​ជា​បាន​ទទួល​លិខិត​ស្នើ​សុំ​ជា​ផ្លូវ​ការ​ពី​សហព័ន្ធ​កីឡា​ប្រដាល់ឡេតវី​​ពិភព​លោក​ដើម្បី​ផ្គូផ្គង​ឲ្យ​ជំនួប​កើត​ឡើង​រវាង​កីឡាករ​ប្រដាល់​គុន​ខ្មែរ ព្រំ សំណាង ជា​មួយ​ជើង​ខ្លាំងកាណាដា-មីយ៉ាន់ម៉ា Dave Leduc នា​​​​ថ្ងៃ​ទី​២៧ ខែឧសភា ឆ្នាំ​២០២៣ នៅ​ប្រទេស​ស្លូវ៉ាគី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធ​កីឡា​ប្រដាល់​ឡេតវី​ពិភព​លោក (WLF) របស់​ប្រទេស​មីយ៉ាន់ម៉ា​​កាល​ពី​រសៀល​ថ្ងៃ​ទី​១១ ខែ​មេសា​​នេះ បាន​សរសេរ​នៅ​លើ​ផេក​ផ្លូវ​ការ​របស់​ខ្លួន​ ៖«ឆាក​ប្រយុទ្ធ​ត្រូវ​បាន​​រៀប​ចំ​ឡើង​សម្រាប់​ជើង​ឯក​គុន​ខ្មែរ​ច្រើន​គ្រឿង ព្រំ សំណាង ដែល​មាន​ប្រវត្តិ​ប្រកួត​១៥០​ដង ចាញ់​តែ​១០​ដង និង​​​ផ្តួល​ដៃ​គូ​​ឲ្យ​សន្លប់​៧​លើក​ជាប់​គ្នា ​បាន​ជួប​ប្រកួត​​​ជា​មួយ​ជើង​ឯកឡេតវី​ពិភព​លោក​ Dave Leduc។ ការ​ប្រកួត​​​ប្រើ​ច្បាប់​ក្បាច់​គុនមីយ៉ាន់ម៉ា Lethwei ​សុទ្ធ​​គឺ អត់​ពាក់​​ហ្គង់​ដៃ អាច​បុក​ក្បាល​បាន សម្រាក​​របួស​​​២​នាទី ​គ្មាន​ចៅ​ក្រម​ដាក់​ពិន្ទុ និង​ទាល់​តែ​វ៉ៃ​ដៃ​គូ​ឲ្យ​សន្លប់​ទើប​មាន​អ្នក​ឈ្នះ​»។

ជុំ​វិញ​រឿង​នេះ លោក ហេង សុឃន អគ្គលេខាធិការ​សហព័ន្ធ​កីឡា​ប្រដាល់​គុន​ខ្មែរ​បាន​ប្រាប់​«កម្ពុជា​ថ្មី​»​ថា សហព័ន្ធ​បាន​ទទួល​លិខិត​ស្នើ​សុំ​ជា​ផ្លូវ​ការ​ហើយ​ពី​សហព័ន្ធ​កីឡា​ប្រដាល់​ឡេតវី​អន្តរជាតិ​ដើម្បី​រៀបចំ​ឲ្យ​មាន​ការ​ជួប​គ្នា​រវាង​កីឡាករ ព្រំ សំណាង និង Dave Leduc។

«ឯកសារ​ គេ​ដាក់​មក​ហើយ តែ​យើង​អត់​ទាន់​​ស៊ីញ៉េ​​​ទទួល​ជា​ផ្លូវ​ការ​​ទេ ដោយសារ​យើង​ជាប់​​រវល់​​លើបញ្ហា​ស៊ីហ្គេម​ ចាំ​ចប់​ស៊ីហ្គេមសិន។ ចំពោះ​ការ​ចេញ​ទៅ​ប្រកួត​នេះ យើង​កំពុង​ពិចារណា​នៅ​ក្នុង​ក្របខណ្ឌ​របស់​សហព័ន្ធ យើង​កំពុង​គិត​គូ​ហើយ»។ លោក​ ហេង សុឃន បាន​បញ្ជាក់។

ចំពោះសាមី​ខ្លួន ព្រំ សំណាង បាន​និយាយ​ថា ខ្លួន​នឹង​មិន​ចេញ​ទៅ​ប្រកួត​ទេ ប្រសិន​បើ​ទទួល​បាន​តម្លៃ​ខ្លួន​ទាប។

ជុំ​វិញ​តម្លៃ​ខ្លួន​​​មិន​ត្រូវ​បាន​គេ​ទម្លាយ​ឲ្យ​ដឹង​ពី​ចំនួន​ប៉ុន្មាន​ទេ ប៉ុន្តែ​តាម​ប្រភពត​ៗ​គ្នា​ថា កីឡាករ​កម្ពុជា​រូប​នេះ​ទទួល​បានប្រហែល​ជា​១០​%​នៃ​តម្លៃ​ខ្លួន​សរុប​របស់​កីឡាករ​មីយ៉ាន់ម៉ា​ប៉ុណ្ណោះ។

សូម​បញ្ជាក់​ថា ព្រំ សំណាង ជា​កីឡាករ​ឃីក​បុក​ស៊ីង​ជម្រើស​ជាតិ​កម្ពុជា​ដែល​កំពុង​ហ្វឹក​ហាត់​យ៉ាង​សកម្ម​នៅ​ស្តាត​ចាស់​ដើម្បី​ត្រៀម​ខ្លួន​ប្រកួត​កីឡា​ស៊ីហ្គេម លើក​ទី​៣២ នៅ​ប្រទេស​កម្ពុជា​ដែល​នឹង​ចូល​មក​ដល់​នា​ដើម​ខែ​ក្រោយ​នេះ ដូច្នេះ​ទាំង​សហព័ន្ធ និង​កីឡាករ​កំពុង​ផ្តោត​លើ​ស៊ីហ្គេមជាចម្បង​សិន៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group
ព័ត៌មានជាតិ៩ ម៉ោង មុន

នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?

ព័ត៌មានជាតិ១៣ ម៉ោង មុន

ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី

នយោបាយ១៦ ម៉ោង មុន

បណ្ឌិត ឥន សុផល៖នាយករដ្ឋមន្ត្រីថៃនៅក្មេងខ្ចីផ្នែកនយោបាយពេក ត្រូវក្រុមអាមាត្យ និងយោធា ក្រឡុកឡើងវង្វេងប្រវត្តិសាស្ត្រហើយ!

ព័ត៌មានជាតិ១០ ម៉ោង មុន

មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន​ ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ

ព័ត៌មានជាតិ១២ ម៉ោង មុន

ក្រសួងអប់រំ៖ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារផ្តល់ឱកាសការងារថ្មីដល់យុវជនជាង ១ម៉ឺនកន្លែង

Sokha Hotels

ព័ត៌មានពេញនិយម