កីឡា

សហព័ន្ធគុនខ្មែរប្រជុំសម្រេចគោលការណ៍៤ដើម្បីពង្រឹងគុណភាព

បានផុស

៣ years មុន

នៅ

ថ្ងៃអង្គារ ១៨ មេសា ២០២៣

ដោយ

សហព័ន្ធកីឡាប្រដាល់គុនខ្មែរបានចេញគោលការណ៍៤ចំណុចដើម្បីពង្រឹងគុណភាពប្រដាល់ឲ្យកាន់តែមានប្រសិទ្ធភាព បន្ទាប់ពីមានការរិះគន់ចំពោះការប្រកួតប្រដាល់គុនខ្មែរជាមួយកីឡាករថៃកាលពីថ្ងៃទី១៥ ខែមេសា ឆ្នាំ២០២៣ នៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី១៧ ខែមេសា ម្សិលមិញនេះ កិច្ចប្រជុំក្រោមវត្តមាន លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ លោកឧកញ៉ា ស្រី ចាន់ថន អនុប្រធានសហព័ន្ធប្រដាល់គុនខ្មែរ លោកអគ្គលេខាធិការ អាជ្ញាកណ្តាល លោក ជា រិទ្ធ កីឡាករ ឈឿង ល្វៃ និងមន្ត្រីមួយចំនួនទៀតដើម្បីដោះស្រាយ និងស្វែងរកគន្លឹះធ្វើយ៉ាងណាឲ្យវិស័យកីឡាប្រដាល់គុនខ្មែរកាន់តែមានគុណភាព។

បន្ទាប់ពីកិច្ចនប្រជុំ សហព័ន្ធបានសម្រេចចេញគោលការណ៍សំខាន់៤ចំណុច៖

១. អនុវត្តបទបញ្ជាការប្រកួតឲ្យកាន់តែមានប្រសិទ្ធភាព។
២. ប្រកាសឲ្យច្បាស់លាស់នូវលក្ខន្តិកៈនៃការប្រកួត ជាពិសេសចំនួនទឹកដល់កីឡាករ កីឡាការិនី និងមហាជនឲ្យជ្រាបច្បាស់។
៣. ធ្វើការពង្រឹងសមត្ថភាពរបស់អាជ្ញាកណ្តាល ចៅក្រមដែលដឹកនាំការប្រកួតបន្ថែមទៀត។
៤. គ្រប់គ្រង និងថែទាំអត្តពលិកជម្រើសជាតិឲ្យបានល្អសម្រាប់ត្រៀមប្រកួតកីឡាស៊ីហ្គេមខាងមុខនេះ។

គោលការណ៍ខាងលើនេះបានកើតមានឡើង បន្ទាប់ពីដឹកនាំការប្រកួតរបស់អាជ្ញាកណ្តាល លោក ជា រិទ្ធ លើគូ ឈឿង ល្វៃ និងកីឡាករថៃ Sammy ដែលត្រូវបានមហាជនរិះគន់។ ការប្រកួតរបស់កីឡាករ កីឡាការិនីគុនខ្មែរ និងឃីកបុកស៊ីងជម្រើសជាតិញឹកញាប់ពេកដែលអាចប៉ះពាល់ដល់ការត្រៀមខ្លួនសម្រាប់ស៊ីហ្គេម ក៏ដូចជាចំនួនទឹកនៃការប្រកួតដែលគូខ្លះប្រើ៣ទឹក គូខ្លះប្រើ៥ទឹក។

សូមបញ្ជាក់ថា អត្តពលិកគុនខ្មែរ និងឃីកបុកស៊ីង បានចេញប្រកួតជាញឹកញាប់ក្នុងរយៈពេលប៉ុន្មានខែចុងក្រោយនេះដូចជា ឈឿង ល្វៃ និង ព្រំ សំណាង ជាដើមដែលពួកគាត់សុទ្ធតែជាកីឡាករកម្ពុជាត្រៀមប្រកួតកីឡាស៊ីហ្គេម ដែលនឹងបើកការប្រកួតជាមួយផ្លូវការនាថ្ងៃទី៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ កីឡាស៊ីហ្គេម

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា