កីឡា

លោក Felix ប្រាប់ថា ទម្រង់លេងឈ្នះម៉ុងហ្គោលីតាមក្បួនចង់បាន

បានផុស

១០ ខែ មុន

នៅ

ថ្ងៃសុក្រ ៧ មិថុនា ២០២៤

ដោយ

ក្រុមបាល់ទាត់ជម្រើសជាតិកម្ពុជាបានយកឈ្នះក្រុមបាល់ទាត់ជម្រើសជាតិម៉ុងហ្គោលី ដោយលទ្ធផល ២-០ សម្រាប់ការប្រកួតមិត្តភាពអន្តរជាតិ យប់ថ្ងៃទី៧ ខែកក្កដា ឆ្នាំ២០២៤ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលជ័យជម្នះបានធ្វើឲ្យលោក Félix Dalmás គ្រូបង្វឹកជម្រើសជាតិកម្ពុជាសប្បាយចិត្ត និងមានមោទនភាពចំពោះអ្វីដែលកីឡាករកម្ពុជាបង្ហាញខ្លួនលើទីលាន។

ក្រោយចប់ការប្រកួត លោក Félix Dalmás ៖«យើងបានព្យាករហើយថា ការប្រកួតនេះតឹងតែងខ្លាំង ហើយភ្លៀងរឹតតែធ្វើឲ្យការប្រកួតកាន់តែលំបាក។ ជាពិសេសកីឡាករម៉ុងហ្គោលីមានកាយសម្បទាធំខ្ពស់។ យ៉ាងណា ខ្ញុំសប្បាយចិត្តដែលបានឃើញក្រុមបានព្យាយាមលេងតាមអ្វីដែលយើងចង់ធ្វើ។ គ្រប់កីឡាករទាំងអស់ព្យាយាមលេង ទោះស្ថិតក្នុងកាលៈទេសៈលំបាកយ៉ាងណាក៏ដោយ ដែលបានធ្វើឲ្យយើងមានមោទនភាព។ ពួកគេលេងដោយឆន្ទៈ ស្មារតីជាក្រុម និងលេងដើម្បីអ្នកគាំទ្រពិតជាអស្ចារ្យខ្លាំងណាស់។ ដូច្នេះហើយបានជាខ្ញុំសប្បាយចិត្តចំពោះអ្វីដែលយើងបានបង្ហាញនៅលើទីលាន។ ទោះបីជាគេមានមាឌធំ យើងមានមាឌតូច តែយើងមានឆន្ទៈប្រយុទ្ធ»។

«អ្វីដែលខ្ញុំចង់និយាយជាពិសេសទៀតនោះគឺអរគុណអ្នកគាំទ្រ។ ទោះបីជាមេឃភ្លៀងយ៉ាងណា ពួកគាត់តស៊ូទស្សនាទាំងសើមជោកជាំបានធ្វើឲ្យខ្ញុំព្រឺសម្បុរ បន្តស្រែក បន្តហ៊ោគាំទ្រ ហើយនឹកឃើញកាលខ្ញុំនៅពីកុមារភាពពេលទៅមើលជាមួយគ្រួសារ»។ លោកបានអរគុណដល់អ្នកគាំទ្រ។

លោក Félix Dalmás បានបន្ថែមថា ការរកបាន២គ្រាប់នៅវគ្គទី១មិនមែនដោយសារតែមានអំណោយផលពីការភ្លៀងធ្លាក់ទេ។ ផ្ទុយទៅវិញ ភ្លៀងធ្លាក់បានធ្វើឲ្យការលេងកាន់តែពិបាកខ្លាំង។ អ្វីដែលធ្វើឲ្យក្រុមទទួលបានជ័យជម្នះគឺកើតចេញពីឆន្ទៈលេងរបស់កីឡាករទាំងអស់គ្នា។