កីឡា

លោក Koji មើលឃើញពីសក្ដានុពលរបស់ ហាវ សុខណេត រហូតសម្រេចកោះហៅឲ្យចូលក្រុមជម្រើសជាតិ

បានផុស

១ ខែ មុន

នៅ

ថ្ងៃសុក្រ ៥ មិថុនា ២០២៦

ដោយ

គ្រូបង្វឹកជម្រើសជាតិបាល់ទាត់កម្ពុជា លោក Koji ថាការដែលលោកកោះហៅកីឡាករ ហាវ សុខណេត ឲ្យចូលក្រុមជម្រើសជាតិសម្រាប់ការប្រកួតមិត្តភាពនេះគឺដោយសាររូបគេមានសក្ដានុពលពិសេសនោះកាយសម្បទាធំរឹងមាំល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Koji Gyotoku 

លោក Koji Gyotoku បានឲ្យដឹងថា មូលហេតុដែលលោកកោះហៅកីឡាករ ហាវ សុខណេត មកចូលក្រុមជម្រើសជាតិនេះដោយសារតែមើលឃើញសន្ដានុពលកាយសម្បទាធំ ខ្ពស់ រឹងមាំល្អ។ នៅតាមបណ្ដាក្លឹបបាល់ទាត់ផ្សេងៗគឺមិនសូវមានកីឡាករខ្មែរណាមានមាឌធំល្អបែបនេះនោះទេ ស្របពេលភាគច្រើនគឺប្រើប្រាស់កម្លាំងបរទេស។

ក្រុមជម្រើសជាតិកម្ពុជា

គ្រូបង្វឹកជនជាតិជប៉ុនរូបនេះបន្ថែមទៀតថា នៅប្រកួតក្រោយប្រសិនបើ ហៅ សុខណេត ល្អលោកនឹងដាក់ឲ្យលេងក្នុងជំនួបមិត្តភាពអន្តរជាតិជាមួយហុងកុងមិនខាន។ ប្រសិនបើមានការរិះគន់អំពីការកោះហៅកីឡាករដូចការលើកឡើងយ៉ាងណានោះលោកនឹងពិនិត្យរួចជជែកជាមួយកីឡាករផ្ទាល់ៗ។

ក្រុមជម្រើសជាតិកម្ពុជា

បញ្ជាក់ដែរថា កម្ពុជាមានការប្រកួតមិត្តភាពអន្តរជាតិចំនួន ២ប្រកួតដោយក្នុងនោះប្រកួតទី១ កាលពីថ្ងៃទី៤ ខែមិថុនា ឆ្នាំ២០២៦ យកឈ្នះលើក្រុមជម្រើសជាតិបាល់ទាត់ ប៊ូតង់ ដោយលទ្ធផល ៤-០។ ជំនួបមិត្តភាពទី២ កម្ពុជានឹងប៉ះ ហុងកុង នៅថ្ងៃទី៩ ខែមិថុនា ឆ្នាំ២០២៦។ ការប្រមូលផ្ដុំហ្វឹកហាត់ត្រៀមការប្រកួតកន្លងទៅនេះដែរគេឃើញមានកីឡាករចាស់-ថ្មី ប្លែកមុខមួយចំនួនផងដែរចំពោះការសម្រេចចិត្តកោះហៅរបស់លោក Koji ដែលជាជនជាតិជប៉ុន៕

អត្ថបទដោយ៖ នួន ស៊ីណា