ប្រធាន​សហព័ន្ធ​កីឡា​បាញ់កាំភ្លើង​ កីឡា​មួយ​នេះត្រូវ​ការ​អត់ធ្មត់​ខ្ពស់​ ដៃហ្នឹង ភ្នែកច្បាស់

ប្រធាន​សហព័ន្ធ​កីឡា​បាញ់​កាំភ្លើង​ ថា​កីឡា​មួយ​នេះ​បើ​ចង់​បាន​ជោគជ័យ​ត្រូវ​មាន​ការ​អត់ធ្មត់​ខ្ពស់​ ដៃត្រូវ​ហ្នឹង​ ភ្នែក​ច្បាស់​ និង​ហ្វឹកហាត់​ឲ្យ​បាន​ទៀងទាត់​ល្អ។​

រូបភាពសហព័ន្ធ

ថ្លែង​ក្នុង​ពិធី​បិទ​ការ​ប្រកួត​ជើងឯក​ថ្នាក់​ជាតិ​ ឆ្នាំ​២០២៥​ លោក​ សុខ ពុទ្ធិវុធ អបអរសាទរចំពោះកីឡាករ កីឡា​ការិនី​ ដែលបានទទួលជ័យលាភីនៅក្នុងការប្រកួតនេះ។​ សូមចូលរួមលើកទឹកចិត្តចំពោះកីឡាករដែលមិនបានទទួលជ័យលាភីផងដែរ និង​បន្តការ ហ្វឹកហាត់ ពង្រឹង​សមត្ថភាព​បន្ថែម​ដើម្បីដណ្ដើមជ័យលាភីនាពេលក្រោយ។

ប្រធាន​សហព័ន្ធ​ខាង​លើ​បន្ថែម​ទៀត​ថា​ មកដល់ពេលនេះកីឡាបាញ់កាំភ្លើងអន្តរជាតិ មានសមាជិកចំនួន ១៤៩ ប្រទេស​ដែល​មើល​ការ​ខុស​ត្រូវ​ដោយសហព័ន្ធ​កីឡា​បាញ់​កាំភ្លើងអន្តជាតិ (International Shooting Sport Federation – ISSF)។

រូបភាពសហព័ន្ធ

កីឡារបាញ់កាំភ្លើងជាកីឡាដែលពិបាកមួយ ព្រោះ​វា​ត្រូវការ ការអត់ធ្មត់ខ្ពស់ កីឡាករត្រូវចេះប្រើ បច្ចេកទេសខ្ពស់ ដើម្បីអោយចង្វាក់បេះដូងលោតយឺត ដៃហ្នឹង ភ្នែកច្បាស់ ដើម្បីបាញ់អោយចំគោលដៅ រឺ កៀកគោលដៅបំផុត ដោយប្រើប្រាស់ពេលវេលាអោយអស់តិច។ កីឡា​នេះ​ត្រូវ​ការ​ហ្វឹកហាត់យ៉ាងច្រើន និងទៀងទាត់បំផុតដើម្បីទៅឈានទៅរកការទទួលជ័យជំនះបាន។

លោក​ សុខ ពុទ្ធិវុធ

បញ្ជាក់​ដែរ​ថា​ សហព័ន្ធ​កីឡា​បាញ់​កាំភ្លើង​កម្ពុជា​ បាន​រៀបចំ​ប្រកួត​ជ្រើសរើស​ជើងឯក​ថ្នាក់​ជាតិ​ ឆ្នាំ​២០២៥​ របស់​ខ្លួន​រយៈពេល​ ២ថ្ងៃ​គឺ​ចាប់​ពី​ថ្ងៃ​ទី១៧ ដល់ ១៨​ ខែ​ឧសភា។​ មាន​កីឡាករ​ កីឡាការិនី​ចូលរួមសរុប​ ៤៤នាក់​ ប្រកួត​លើ ​៤ រួមមាន៖ វិញ្ញាសា កាំភ្លើងវែងខ្យល់ 10 ម៉ែត្រ, វិញ្ញាសា កាំភ្លើងវែងជំហរ បី ប្រវែង 10 ម៉ែត្រ , វិញ្ញាសា បាញ់ប្រតិកម្ម Standard (4 Stages) និង វិញ្ញាសា បាញ់ប្រតិកម្ម Production Optic (4 Stages)៕​

រូបភាពសហព័ន្ធ

អត្ថបទដោយ៖ នួន ស៊ីណា