កីឡា

កាន់តែជិតរកឃើញម្ចាស់ខ្សែក្រវាត់អ្នកចម្បាំងអូដ្ឋ នៅសង្វៀនបាយ័នហើយ ខណៈវគ្គសន្សំពិន្ទុបានបញ្ចប់

បានផុស

១ នាទីute មុន

នៅ

ថ្ងៃពុធ ២៨ ឧសភា ២០២៥

ដោយ

ការប្រកួតសន្សំពិន្ទុក្នុងពូលឆ្ពោះទៅដណ្ដើមខ្សែក្រវាត់អ្នកចម្បាំងអូដ្ឋទម្ងន់ ៥៤គីឡូក្រាម បានបញ្ចប់ទៅហើយកាលពីយប់ថ្ងៃទី២៤ ខែឧសភា ឆ្នាំ២០២៥ នៅសង្វៀនបាយ័ន និងកាន់តែខិតជិតរកឃើញម្ចាស់ខ្សែក្រវាត់អមដោយទឹកប្រាក់ ៥០លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ វ៉ាន់ វឿន

បេក្ខភាពដែលជាប់មកជុំទី២ នេះមាន ៤នាក់ចុងក្រោយនេះរួមមាន ពេជ្រ អាទិទេព វ៉ាន់ វឿន រិទ្ធី សូសែន និងកីឡាករម៉ាឡេស៊ី អូម៉ា រេដវូហ្វ។ ក្នុងចំណោមបេក្ខភាពទាំង ៤នាក់នេះគឺមាន ២រូបរួមមាន អាទិទេព និង វ៉ាន់ វឿន ធ្វើបានល្អជាងគេក្នុងនោះ ៤ប្រកួតឈ្នះទាំង ៤ មាន ១២ ពិន្ទុពេញតែម្ដង។

កីឡាករ ពេជ្រ អាទិទេព

ចំពោះជុំទី២ នេះកីឡាករដែលឡើងមកទាំង ៤រូបនឹងត្រូវប្រកួតម៉ារ៉ាតុងយកខ្សែក្រវាត់អ្នកចម្បាំងអូដ្ឋនេះតែម្ដង។ យ៉ាងណានៅថ្ងៃប្រកួតនោះគឺតម្រូវឲ្យបេក្ខភាពទាំង ៤នាក់ខាងលើចាប់ឆ្នោតប៉ះគ្នា បន្ទាប់មកឈ្នះឡើងទៅវគ្គផ្ដាច់ព្រ័ត្រប្រកួតយកខ្សែក្រវាត់។

កីឡាករ វ៉ាន់ វឿន

មកដល់វគ្គនេះមានមហាជនចាប់អារម្មណ៍ និងលើកមកជជែកច្រើនថាកីឡាករ ពេជ្រ អាទិទេព អាចនឹងត្រូវប៉ះជាមួយជើងខ្លាំងសេរីមុនគឺ វ៉ាន់ វឿន នៅវគ្គផ្ដាច់ព្រ័ត្រ ព្រោះមើលឃើញពីសមត្ថភាព បច្ចេកទេសក្បាច់គុនអ្នកទាំងពីរលេចធ្លោខ្លាំងតាំងពីវគ្គសន្សំពិន្ទុ។ ប៉ុន្តែប្រសិនបើចាប់ឆ្នោតប៉ះគ្នានៅប្រកួតដំបួងនោះនឹងមានអ្នកធ្លាក់មួយរូបហើយរវាង វ៉ាន់ វឿន និង ពេជ្រ អាទិទេព។

បញ្ជាក់ដែរថា វគ្គផ្ដាច់ព្រ័ត្រ ៤នាក់ចុងក្រោយខ្សែក្រវាត់អ្នកចម្បាំងអូដ្ឋ ទម្ងន់ ៥៤គីឡូក្រាម នេះនឹងធ្វើឡើងនៅថ្ងៃទី១៤ ខែមិថុនា ឆ្នាំ២០២៥ នៅសង្វៀនបាយ័ន។ អ្នកឈ្នះខ្សែក្រវាត់អ្នកចម្បាំងអូដ្ឋនេះនឹងទទួលបានប្រាក់រង្វាន់លើកទឹកចិត្ត ៥០លានរៀល៕

អត្ថបទដោយ៖ នួន ស៊ីណា