កីឡា
ស្ទើរអ្នកប៉ះសេ ធ្វើឲ្យកម្ពុជា ចាញ់ វៀតណាម ០-៣ បើកឆាកពាន SEA V. League
ក្រុមបាល់ទះជម្រើសជាតិកម្ពុជា បានចាញ់ ក្រុមបាល់ទះជម្រើសជាតិវៀតណាម ដោយលទ្ធផល ០-៣ សម្រាប់ការប្រកួតបើកឆាកពានរង្វាន់ SEA V. League ថ្ងៃទី១០ ខែកក្កដា ឆ្នាំ២០២៥ នៅប្រទេសហ្វីលីពីន។
សិតទី១ កម្ពុជា បានចាញ់ វៀតណាម ២៣-២៥, សិតទី៣ បន្តចាញ់ ២០-២៥ និងសិតទី៣ បន្តចាញ់ ២១-២១ ដោយមិនអាចតដៃជាមួយ វៀតណាម បានឡើយ។ សរុបទាំង ៣ សិត កម្ពុជា បានចាញ់ ដោយពិន្ទុ ៦៤-៧៥។
ការប្រកួតបង្ហាញយ៉ាងច្បាស់ពីចង្វាក់លេងមិនល្អសម្រាប់កម្ពុជា ជាពិសេសកីឡាករលើកបាល់គឺមិនច្បាស់ ដែលធ្វើឲ្យកីឡាករផ្តាច់ពិបាករកពិន្ទុខ្លាំងមែនទែន។ ម្យ៉ាងវិញ កម្ពុជា ព្យាយាមលេងសេវាកាច ដែលធ្វើឲ្យខូចច្រើន ខណៈវៀតណាមមិនព្យាយាមលេងបាល់កាចទេដែលធ្វើឲ្យពួកគេកម្រខូចសេវា។ លើសពីនេះទៀត កម្ពុជាហាក់ដូចជាខ្វះស្មារតីនាំលេង។
កែវ ស្រេងលីហ៊ួរ និង យុន ខេមរៈ ជាអ្នកប៉ះសេដែលស្ទើរបទពិសោធ ដោយសារពួកគេនៅក្មេងខ្ចី ហើយមិនសូវបានលេងព្រឹត្តិការណ៍ធំៗឡើយ បន្ទាប់ពីអ្នកប៉ះសេឆ្នើម សួន ចាន់ណារ៉ូ បានចូលនិវត្តន៍។
តាមរយៈលទ្ធផលចាញ់វៀតណាមនេះ កម្ពុជាប្រឈមនឹងធ្លាក់មកពានរង្វាន់កម្រិតទី២ SEA V. League វិញ ដោយសារការប្រកួតបន្ទាប់ប៉ះក្រុមដែលខ្លាំងជាងវៀតណាមថែមទៀតគឺ ឥណ្ឌូណេស៊ី ហ្វីលីពីន និងថៃ។
ការប្រកួតនេះប្រើរូបមន្តវិលជុំសន្សំពិន្ទុ ដោយក្រុមណាឈ្នះទាំង៤ ប្រកួតមានពិន្ទុច្រើនជាងគេក្លាយជាឯក ហើយក្រុមលំដាប់ទី២ ទទួលបានមេដាយប្រាក់ និងក្រុមលំដាប់លេខ ៣ ទទួលបានមេដាយសំរិទ្ធ ខណៈក្រុមលេខ៤ អាចបន្តនៅពានរង្វាន់ទៅរដូវកាលក្រោយទៀត ហើយក្រុមចំណាត់ថ្នាក់បាតតារាង ត្រូវធ្លាក់ចេញ។
កាលពីម្សិលមិញ វៀតណាម បានចាញ់ ហ្វីលីពីន ០-៣ ប៉ុន្តែលើកនេះបានឈ្នះកម្ពុជា ដែលធ្វើឲ្យពួកគេមានសង្ឃឹមនៅបន្តទៅឆ្នាំក្រោយ៕
អត្ថបទ៖ វីរបុត្រ
ស្ទើរអ្នកប៉ះសេ ធ្វើឲ្យកម្ពុជា ចាញ់ វៀតណាម ០-៣ បើកឆាកពាន SEA V. League
អាជ្ញាធរខេត្តមណ្ឌលគិរី កំពុងពន្លឿនការស្ថាបនាផ្លូវបេតុង និងដាំកូនឈើតាមចញ្ចើមផ្លូវ ដើម្បីដាក់ឲ្យប្រើប្រាស់ជាផ្លូវការនៅចុងឆ្នាំនេះ
ក្រុមហ៊ុនបារាំង VINCI ចង់វិនិយោគលើវិស័យថាមពល និងទឹកស្អាតនៅកម្ពុជា
ហេតុអ្វីអាស៊ី គឺជាគោលដៅនៃការយកពន្ធបដិការរបស់លោក ត្រាំ
កម្ពុជា បញ្ជូនទ័ពមួកខៀវប្ដូរវេន២៤៤នាក់ ទៅបំពេញបេសកកម្មរក្សាសន្តិភាពនៅអាហ្រ្វិកកណ្ដាល
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
មន្ទីរអប់រំខេត្តតាកែវ និងវិទ្យាល័យ ជាស៊ីម តាកែវ កំពុងមានភាពចម្រូងចម្រាស់រឿងបែងចែកដីកាន់កាប់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ជម្លោះផ្ទៃក្នុងថៃ! Paetongtarn បន្ទោស Anutin ថា ប្រទេសគ្មានសុវត្ថិភាព ទើបទេសចរធ្លាក់ចុះ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ២៣ ម៉ោង agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
-
សេដ្ឋកិច្ច១ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក