កីឡា

ក្រុម Esports កម្ពុជា បុរស និងនារី បានឡើងទៅជុំចុងក្រោយ ជើងឯកពិភពលោក ឆ្នាំ ២០២៥

បានផុស

១០ ខែ មុន

នៅ

ថ្ងៃសុក្រ ៥ កញ្ញា ២០២៥

ដោយ

ក្រុមកីឡាអេឡិចត្រូនិកជម្រើសជាតិកម្ពុជា ទាំងបុរស និងនារី ទទួលបានកៅអី ឡើងទៅប្រកួតជុំចុងក្រោយ នៃព្រឹត្តិការណ៍កីឡាអេឡិចត្រូនិកពិភពលោក IESF Esports World Championship ឆ្នាំ ២០២៥ បន្ទាប់ពីទទួលបានជោគជ័យសម្រាប់ការប្រកួតជម្រុះនៅតំបន់អាស៊ីអាគ្នេហ៍ដូចគ្នា។

ក្រុមបុរសជម្រើសជាតិកម្ពុជា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបុរសកម្ពុជា បានកក់កៅអីឡើង ទៅជុំចុងក្រោយនៃព្រឹត្តិការណ៍កីឡាអេឡិចត្រូនិកជើងឯកពិភពលោក បន្ទាប់ពីទទួលបានចំណាត់ថ្នាក់លេខ ១ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 – Men ដែលបញ្ចប់នៅយប់ថ្ងៃទី២៩ ខែសីហា ឆ្នាំ ២០២៥។

លទ្ធផលវគ្គសន្សំពិន្ទុក្នុងពូលរបស់ ក្រុមបុរសកម្ពុជា

ចាញ់ ឥណ្ឌូណេស៊ី ១-២
ឈ្នះ ឡាវ ២-០
ឈ្នះ វៀតណាម ២-០
ឈ្នះ ហ្គាំ ២-០

វគ្គពាក់កណ្តាលផ្តាច់ព្រ័ត្រ

ឈ្នះ ហ្វីលីពីន ២-០

វគ្គផ្តាច់ព្រ័ត្រ

ឈ្នះ ឥណ្ឌូណេស៊ី ២-១

ក្រុមនារីជម្រើសជាតិកម្ពុជា

ក្រុមនារីកម្ពុជា បានកក់កៅអីឡើង ទៅជុំចុងក្រោយនៃព្រឹត្តិការណ៍កីឡាអេឡិចត្រូនិកជើងឯកពិភពលោក បន្ទាប់ពីទទួលបានចំណាត់ថ្នាក់លេខ ២ វគ្គជម្រុះប្រចាំតំបន់អាស៊ីអាគ្នេយ៍ IESF Southeast Asia Qualifier 2025 – Women ដែលបានបញ្ចប់នៅយប់ថ្ងៃទី៤ ខែកញ្ញា ឆ្នាំ ២០២៥។

លទ្ធផល វគ្គសន្សំពិន្ទុក្នុងពូលរបស់ ក្រុមនារីកម្ពុជា

ចាញ់ ម៉ាឡេស៊ី ០-២
ឈ្នះ ឡាវ ២-០
ឈ្នះ ព្រុយណេ ២-០
ឈ្នះ ទីម័រខាងកើត ២-០

វគ្គពាក់កណ្តាលផ្តាច់ព្រ័ត្រ

ឈ្នះ ហ្វីលីពីន ២-០

វគ្គផ្តាច់ព្រ័ត្រ

ចាញ់ ម៉ាឡេស៊ី ០-២

តាមគោលការរបស់ សហព័ន្ធកីឡាអេឡិចត្រូនិកអន្តរជាតិគឺ ក្រុមចំណាត់ថ្នាក់លេខ១ និងលេខ២ ប្រចាំតំបន់អាស៊ាន ទទួលបានកៅអី ឡើងទៅជុំចុងក្រោយ ដូច្នេះ ក្រុមបុរសកម្ពុជា ទទួលបានចំណាត់ថ្នាក់លេខ១ ហើយក្រុមនារីកម្ពុជា ទទួលបានចំណាត់ថ្នាក់លេខ២ បានឡើងទៅប្រកួតជុំចុងក្រោយ។

ទោះបីជាយ៉ាងណា រហូតដល់ពេលនេះ សហព័ន្ធកីឡាអេឡិចត្រូនិកអន្តរជាតិ មិនទាន់ប្រកាសជាផ្លូវការអំពីកាលបរិច្ឆេទ និងប្រទេសណាដែលទទួលធ្វើម្ចាស់ផ្ទះនៅជុំចុងក្រោយឡើយ៕