កីឡា

៣ ចំណុចធំៗនឹងធ្វើឲ្យការប្រកួត MPL រដូវកាលទី១០ កាន់តែអស្ចារ្យ និងចង់តាមដានសម្រាប់អ្នកគាំទ្រ

បានផុស

៣ ខែ មុន

នៅ

ថ្ងៃព្រហស្បតិ៍ ២ មេសា ២០២៦

ដោយ

ការប្រកួត MPL Cambodia រដូវកាលទី១០ នឹងចាប់ផ្ដើមពីថ្ងៃទី៣ ខែមេសា ឆ្នាំ២០២៦ នេះទៅហើយ ខណៈការរៀបចំឆ្នាំនេះកាន់តែប្លែក និងជាទីចាប់អារម្មណ៍របស់អ្នកគាំទ្រវិស័យកីឡា E-Sports នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្និសីទសារព័ត៌មាន

លោក លន់ សាមឌី អគ្គលេខាធិការសហព័ន្ធកីឡា E-Sports កម្ពុជា បានឲ្យដឹងថា ការប្រកួត MPL នៅរដូវកាលនេះរៀបចំធំជាងឆ្នាំមុនៗ និងមានក្រុមចូលរួមច្រើន។ ការអនុញ្ញាតឲ្យក្រុមចូលរួមបានច្រើននៅពេលនេះដូចអ្វីដែលសហព័ន្ធបានស្នើសុំទៅខាងអ្នករៀបចំជាយូរមកហើយ។ កាលណាមានក្រុមច្រើនបានមកចូលរួមប្រកួតនោះការបណ្ដុះធនធានក៏មានច្រើនដូចគ្នាដែរពិសេសការប្រកួតកម្រិតអាជីពបែបនេះ។

សន្និសីទសារព័ត៌មាន

ជាមួយគ្នានេះដែរ ៣ចំណុចធំៗដែលនឹងធ្វើឲ្យការប្រកួតរដូវកាលនេះកាន់តែទាក់ទាញ និងចាប់អារម្មណ៍នោះគឺ៖

ទី១ អនុញ្ញាតឲ្យមានក្រុមចូលរួមដល់ទៅ ១០ក្រុម ៖ រដូវកាលមុនៗគឺមានត្រឹម ៨ប៉ុណ្ណោះ ដូច្នេះការប្រកួតប្រជែង និងចំនួនកីឡាករជើងខ្លាំងនៅមានចំនួនតិច។ ប៉ុន្តែនៅរដូវកាលនេះបានអនុញ្ញាតឲ្យក្រុមចូលរួមបានច្រើនជាងមុន ដែលចំណុចនេះនឹងធ្វើឲ្យការប្រកួតសំបូរទៅដោយក្រុមខ្លាំងៗបន្ថែមទៀត និងមានចំនួនកីឡាករច្រើន។

សន្និសីទសារព័ត៌មាន

ទី២ ប្រាក់រង្វាន់សរុបឡើងដល់ ៥ម៉ឺនដុល្លារ ៖ នៅរដូវកាលមុនប្រាក់រង្វាន់សរុបពីលេខ១ ដល់ ៨ គឺមានត្រឹមតែ ៤ម៉ឺនដុល្លារនោះទេ។ យ៉ាងណារដូវកាលថ្មីទី១០ នេះប្រាក់រង្វាន់សរុបមានការកើនឡើងរហូតដល់ទៅ ៥ម៉ឺនដុល្លារអាមេរិកដែលនេះក៏ជាភាពទាក់ទាញដល់កីឡាករ កីឡាការិនី រួមទាំងអ្នកតាមដាន MPL ដូចគ្នា។

សន្និសីទសារព័ត៌មាន

ទី៣ អនុញ្ញាតឲ្យមានក្រុមនារីចូលរួម MPL ៖ ការបើកផ្លូវឲ្យក្រុមជើងឯក Queen Legends គឺ Queen Phoenix ចូលរួមនេះជាការជំរុញលើកទឹកចិត្តកីឡាការិនីឲ្យអភិវឌ្ឍន៍សមត្ថភាពបានកាត់តែល្អថែមទៀតតាមរយៈការប្រកួតប្រជែងជាមួយក្រុមបុរស។ នេះជាឱកាសក្នុងការផ្ដល់បទពិសោធថ្មី ការត្រៀមខ្លួន ការតាំងចិត្ត និងការប្រកួតកាន់តែខ្ពស់ដែលនឹងជួយដល់ពួកគេពង្រឹងសមត្ថភាពលេងកាន់តែខ្លាំងជាងមុនៗ។

សន្និសីទសារព័ត៌មាន

បញ្ជាក់ដែរ ការប្រកួត MPL Cambodia រដូវកាលទី១០ នេះនឹងចាប់ផ្ដើមពីថ្ងៃទី៣ ខែមេសា រហូតដល់ ១៧ ខែឧសភា ឆ្នាំ២០២៦។ ការប្រកួតធ្វើឡើងនៅឯទីតាំង MPL Cambodia Arena ដោយមានក្រុមចូលរួមសរុប ១០ក្រុម៕