សន្ទស្សន៍កាំរស្មី UV នៅក្នុងទីក្រុងភាគខាងត្បូងមួយនេះ គឺខ្ពស់ជាងកម្រិត ៧ នៅចន្លោះម៉ោង១១:០០ ព្រឹកដល់ម៉ោង ២:០០ រសៀល ដោយឡើងដល់កម្រិត ៧.៦ នៅពេលថ្ងៃត្រង់ ថ្ងៃចន្ទ។

ទីក្រុង Can Tho នៃតំបន់ដីសណ្តទន្លេមេគង្គ បានកត់ត្រាកម្រិតកាំរស្មី UV ខ្ពស់បំផុតលំដាប់ទីពីរនៅក្នុងប្រទេស ពោលគឺមានកម្រិត ៧.៣ បន្ទាប់មកគឺទីក្រុង Nha Trang ភាគខាងត្បូង ដែលមានកម្រិត ៧.១។

ចាប់ពីថ្ងៃទី ២១ ដល់ថ្ងៃទី ២៣ ខែធ្នូ កម្រិតកាំរស្មី UV នៅទីក្រុងហូជីមិញ និងតំបន់ភាគខាងត្បូងមួយចំនួន នឹងមានចន្លោះពីកម្រិត៦ទៅ៧។ ចំណែកនៅទីក្រុងហាណូយ វិញ កម្រិតមានប្រហែល ៦ ក្នុងអំឡុងពេលនេះ។

យោងតាមសន្ទស្សន៍កាំរស្មី UV សកលរបស់អង្គការសុខភាពពិភពលោក កម្រិតកាំរស្មី UV ត្រូវបានវាស់លើមាត្រដ្ឋានពី 0 (ទាប) ដល់ ១១+ (ខ្ពស់បំផុត)។

សន្ទស្សន៍កាំរស្មី UV ៦និង៧ត្រូវបានចាត់ទុកថា “ខ្ពស់” ហើយពី ៨ទៅ១០គឺ “ខ្ពស់ខ្លាំង” ដែលអាចធ្វើឲ្យស្បែករបស់មនុស្ស រលាកក្នុងរយៈពេលតិចជាង២៥នាទី។

ទន្ទឹមនឹងនេះ កម្រិត ១១ និងលើសនេះ ត្រូវបានចាត់ទុកថា “ខ្លាំងបំផុត” ហើយអាចបណ្តាលឲ្យរលាកដល់ភ្នែក និងស្បែក ក្នុងរយៈពេលត្រឹមតែ១៥នាទីប៉ុណ្ណោះ។

ការ​ប៉ះពាល់​យូរ​ទៅ​នឹង​កាំរស្មី UV អាច​នាំ​ឲ្យ​កើត​មហារីក​ស្បែក ឬ​ខូច​ប្រព័ន្ធ​ភាព​ស៊ាំ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ខណៈកម្ពុជានឹងទទួលរងកាំរស្មី UV កម្រិត​ខ្ពស់នៅថ្ងៃនេះ មកមើលវិធីការពារខ្លួនដោយសុវត្ថិភាព

The post ទីក្រុងហូជីមិញ កំពុងរងការវាយប្រហារដោយកាំរស្មី UV ខ្លាំងក្លា (មានវីដេអូ) appeared first on Kampuchea Thmey Daily.

អាហារ​ដែលជួយ​ឲ្យ​ស្បែកទប់ទល់នឹងកាំរស្មីយូវីពីខាងក្នុង នឹង​ធ្វើឲ្យ​រាងកាយ​ផលិត​អុកស៊ីសែន​សកម្ម​ ដែល​ជា​រ៉ាឌីកាល់សេរី។ សារធាតុ​នេះ​នឹង​បង្ក​ឲ្យ​មាន​ការ​សំយោគ​មេឡាញីន ​ ​បណ្ដាល​ឲ្យ​មាន​ជាតិ​មេឡាមីន​និង​ស្នាម។ វា​ក៏​ជួយ​កាត់បន្ថយ​ការ​ផលិត​កូឡាជែន ​ដែល​បណ្ដាល​ឲ្យ​ស្បែក​ជ្រីវជ្រួញ​និង​យារ​ធ្លាក់។

វីតាមីន E ដែលជាអង់ទីអុកស៊ីដង់មានប្រសិទ្ធភាពខ្ពស់។ វាជួយ​បង្កើតដោយការរំញោច​ដោយ​យក​កាំរស្មីយូវី​ចេញ​ពី​រាងកាយ​ និង​ជា​អាហារ​សម្បូរ​វីតាមីន E រួមមាន​គ្រាប់​អាល់ម៉ុន ល្ង ល្ពៅ ផ្លែបឺរ និង អន្ទង់។

២ វីតាមីន A គឺជាវីតាមីនមួយទៀតដែលជា​អង់ទីអុកស៊ីដង់​ដ៏​មាន​ប្រសិទ្ធភាព។ ជួយ​រក្សា​ស្ថានភាព​រឹងមាំ​នៃ​ស្បែក​ និង​ភ្នាស​រំអិល។ អាហារ​សម្បូរ​វីតាមីន A រួមមាន ​ការ៉ុត ​ល្ពៅ អន្ទង់ ថ្លើម​សត្វ និង​ឈីស។

៣ Beta Carotene សារធាតុនេះ ត្រូវបានបំលែងទៅជាវីតាមីន A នៅក្នុងរាងកាយ ដែលជួយបំពេញ​បន្ថែមបរិមាណវីតាមីន A សម្រាប់រាងកាយ។ អាហារដែលសំបូរទៅដោយ Beta Carotene រួមមានការ៉ុត ល្ពៅ ប្រូខូលី ខ្ទឹម ក្រូច និងឪឡឹក។

៤ វីតាមីន C ជួយសង្កត់ការផលិតមេឡាញីន ហើយមានឥទ្ធិពលរឹតបន្តឹងនិងធ្វើឲ្យស្បែកយឺត។ អាហារសម្បូរវីតាមីន C រួមមានផ្លែក្រូច ក្រូចត្លុង, ក្រូចឆ្មា, ក្រូចឆ្មាលឿង, គីវី, ស្ត្របឺរី, សាឡាត់កាតាណូស, ម្ទេសផ្អែមនិងដំឡូងបារាំង។ ល។

៥ polyphenol គឺជា​អង់ទីអុកស៊ីដង់​ដែល​ផ្ដល់​ថាមពល​ខ្ពស់​ មាន​នៅ​ក្នុង​សណ្ដែក​សៀង​ និង​ផលិតផល​សណ្ដែក​សៀង ស្ត្របឺរីរី គ្រាប់​ផ្លែឈើ អូលីវ កាកា កាហ្វេ​និង​កន្ទក់៕

ប្រែសម្រួល៖​ សាង​ ស្រីល័ក្ខ

ចុចអាន៖គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ

ចុចអាន៖ឈប់បានឈប់ទៅ រឿងបន្ថែមស្ករក្នុងរបស់ហូប អាចធ្វើឲ្យមុខឆាប់ចាស់ខ្លាំងខុសពីវ័យ

The post ហូបអាហារទាំងនេះ ដូចជួយទប់ទល់កាំរស្មីយូវីមិនឲ្យបំផ្លាញស្បែកពីខាងក្នុង appeared first on Kampuchea Thmey Daily.

មជ្ឈមណ្ឌលជាតិ ព្យាករណ៍ឧតុនិយមនិងធនធានទឹក បាននិយាយថា សន្ទស្សន៍កាំរស្មី UV នៅតាមបណ្តាខេត្តភាគខាងជើង នឹងកើនឡើងដល់កម្រិតប៉ះពាល់សុខភាព ក្នុងរយៈពេលប៉ុន្មានថ្ងៃខាងមុខនេះ។

ទន្ទឹមនឹងនេះ កម្រិតកាំរស្មីនៅតាមបណ្តាខេត្តភាគខាងត្បូង បានឈានដល់កម្រិតខ្ពស់បំផុតកាលពីថ្ងៃចន្ទ មុននឹងធ្លាក់ចុះដល់ប៉ារ៉ាម៉ែត្រ “ខ្ពស់” ក្នុងរយៈពេលពីរថ្ងៃខាងមុខ លើកលែងតែទីក្រុង Ca Mau ប៉ុណ្ណោះដែលសន្ទស្សន៍ព្រះអាទិត្យនឹងបង្កគ្រោះថ្នាក់ចាប់ពីថ្ងៃចន្ទដល់ថ្ងៃពុធ។

យោងតាមសន្ទស្សន៍កាំរស្មី UV ជាសកលរបស់អង្គការសុខភាពពិភពលោកបានឲ្យដឹងថា ​កម្រិតកាំរស្មី UV ត្រូវបានវាស់តាមមាត្រដ្ឋានពី ០ (កម្រិតទាប) ដល់ ១១+ (កម្រិតធ្ងន់ធ្ងរបំផុត)។

សន្ទស្សន៍កាំរស្មី UV កម្រិត ៦ និង ៧ ត្រូវបានចាត់ទុកថា “ខ្ពស់” ហើយ ៨ ទៅ ១០ គឺខ្ពស់ខ្លាំងបំផុត ដែលបណ្តាលឲ្យស្បែករបស់មនុស្ស អាចរលាកក្នុងរយៈពេលតិចជាង ២៥ នាទី។

ចំណែកកម្រិត ១១ និងលើសនេះ ត្រូវបានចាត់ទុកថា “ធ្ងន់ធ្ងរខ្លាំងបំផុត” ហើយអាចបណ្តាលឲ្យរលាកស្បែកក្នុងរយៈពេល ១០ នាទី៕

ប្រែសម្រួល៖ Vann Vann

ប្រភព៖ Tuoi Tre 

ចុចអាន៖ ចេញក្រៅ​ផ្ទះ​ សូម​ប្រុងប្រយ័ត្ន ព្រឹក​ម៉ោង ១០ នេះ​ ​កាំរស្មី UV កម្រិត​ខ្ពស់ ​បង្ក​ប៉ះពាល់​សុខភាព​មនុស្ស

The post វៀតណាម ប្រកាសគ្រោះថ្នាក់នៃ កាំរស្មី UV ឈានដល់កម្រិតធ្ងន់ធ្ងរបំផុត appeared first on Kampuchea Thmey Daily.

ជុំវិញផលប៉ះពាល់នៃកាំរស្មីព្រះអាទិត្យ UV (កាំរស្មីស្វាយអ៊ុលត្រា (Ultraviolet)) នេះ លោក នេត្រ ភក្ត្រា ​រដ្ឋលេខាធិការ​ និងជាអ្នកនាំពាក្យ​ក្រសួង​បរិស្ថាន​ បានមានប្រសាសន៍ប្រាប់ “កម្ពុជាថ្មី” ថា រាល់ភាវរស់ ឬជីវៈចម្រុះដែលបានប៉ះពាល់កាំរស្មីព្រះអាទិត្យដោយផ្ទាល់ក្នុងកំឡុងពេលមានសន្ទស្សន៍ឡើងខ្ពស់ ហើយស្ថិតក្នុងរយៈពេលយូរ នោះភាវរស់ទាំងនោះនឹងរងផលប៉ះពាល់។

លោក នេត្រ ភក្ត្រា មានប្រសាសន៍ថា៖ “បន្ទាប់ពីទទួលរងឥទ្ធិពលនៃកម្មរស្មីព្រះអាទិត្យមានរយៈពេលច្រើនថ្ងៃ ជាធម្មតាតែងតែអាចបន្សល់ឥទ្ធិពលមិនល្អប្រសិនបើជាមនុស្ស សត្វ រុក្ខជាតិ និងសារពាង្គកាយសមុទ្រទាំងនោះបានប៉ះពាល់ដោយផ្ទាល់ជាមួយនឹងកាំរស្មីពីព្រះអាទិត្យនាពេលកន្លងមក”។

លោក នេត្រ ភក្ត្រា មានប្រសាសន៍បន្តថា៖ “ផ្ទុយទៅវិញប្រសិនបើមនុស្ស សត្វ រុក្ខជាតិ ទាំងនោះមិនបានប៉ះពាល់ដោយផ្ទាល់ជាមួយនឹងកាំរស្មីពីព្រះអាទិត្យនាពេលកន្លងមកទេ គឺពុំមានបន្សល់ឥទ្ធិផលរបស់វាទេ”។

រដ្ឋលេខាធិការ​ ក្រសួង​បរិស្ថាន​កម្ពុជាខាងលើនេះ លើកឡើងថា ជារៀងរាល់ឆ្នាំជាធម្មតាកម្ពុជាអាចទទួល ឥទ្ធិពលកាំរស្មីព្រះអាទិត្យ UV នេះក្នុងចន្លោះខែមីនា ដល់ខែកញ្ញា ជាពិសេសអាចមានសភាពធ្ងន់ធ្ងរនៅក្នុងចន្លោះខែមីនាដល់ខែឧសភា ដែលជារដូវក្តៅខ្លាំងនៅកម្ពុជា។

ដោយយោងតាមកម្រិតហានិភ័យនៃសន្ទស្សន៍កាំរស្មីព្រះអាទិត្យ UV របស់អង្គការសុខភាពពិភពលោក ការកើនឡើងសន្ទស្សន៍កាំរស្មីព្រះអាទិត្យ UV ចាប់ពីកម្រិត៦ឡើងទៅ នោះនឹងបង្កឱ្យមានមានហានិភ័យខ្ពស់ នៅពេលស្ថិតនៅក្រោមពន្លឺព្រះអាទិត្យរយៈពេលយូរ នាំឱ្យប៉ះពាល់ដល់សុខភាព​របស់មនុស្ស ដូចជា មហារីកស្បែក ជំងឺភ្នែកឡើងបាយ និងការខូចខាតប្រព័ន្ធភាពស៊ាំជាដើម ​ពិសេស​ចំពោះ​មនុស្សចាស់​និងកុមារដែលនឹងធ្វើឱ្យមានការបះពាល់ដល់ការរីកលូតលាស់នៃប្រព័ន្ធរាងកាយ។

មន្ត្រីជាន់ខ្ពស់ក្រសួងបរិស្ថានកម្ពុជា បានផ្ដាំផ្ញើថា នៅពេលដែលកាំរស្មីព្រះអាទិត្យ UV ឡើងខ្លាំង នៅពេល​យើងចាំបាច់ត្រូវចេញទៅខាង​ក្រៅ សូមព្យាយាមរកម្លប់ជ្រក ហើយពាក់សម្លៀកបំពាក់ការពារមានអាវដៃវែង និងខោជើងវែង  រួមទាំងមួក​ការពារ​កម្ដៅថ្ងៃដែលមានហាមធំសម្រាប់ក្បាល មុខនិង ពាក់ស្រោមដៃដែលការពារកម្តៅថ្ងៃ និងពាក់វ៉ែនតាការពារ​កាំរស្មី​យូវី។ គួរគប្បីប្រើឡេការពារកម្តៅថ្ងៃដែលមានវិសាលភាពយ៉ាងតិច ៣០SPF++ ឬ ខ្ពស់ជាងនឹង​ជាការ​ប្រសើរ និងត្រូវលាបរៀងរាល់ ២ ម៉ោងម្តង៕

អត្ថបទ​៖ ច័ន្ទ វីរៈ

The post ក្រោយបញ្ចប់ការរងឥទ្ធិពលកាំរស្មី UV ច្រើនថ្ងៃ តើមានសល់ផលប៉ះពាល់ដែរ ឬទេ? appeared first on Kampuchea Thmey Daily.

ជុំវិញផលប៉ះពាល់នៃកាំរស្មីព្រះអាទិត្យ UV (កាំរស្មីស្វាយអ៊ុលត្រា (Ultraviolet)) នេះ លោក នេត្រ ភក្ត្រា ​រដ្ឋលេខាធិការ​ និងជាអ្នកនាំពាក្យ​ក្រសួង​បរិស្ថាន​ បានមានប្រសាសន៍ប្រាប់ “កម្ពុជាថ្មី” ថា ដោយយោងតាមកម្រិតហានិភ័យនៃសន្ទស្សន៍កាំរស្មីព្រះអាទិត្យ UV របស់អង្គការសុខភាពពិភពលោក ការកើនឡើងសន្ទស្សន៍កាំរស្មីព្រះអាទិត្យ UV ចាប់ពីកម្រិត៦ឡើងទៅ នឹងបង្កឱ្យមានមានហានិភ័យខ្ពស់ នៅពេលស្ថិតនៅក្រោមពន្លឺព្រះអាទិត្យរយៈពេលយូរ នាំឱ្យប៉ះពាល់ដល់សុខភាព​របស់មនុស្ស ធ្វើឱ្យខូចខាតប្រព័ន្ធភាពស៊ាំជាដើម ​ពិសេស​ចំពោះ​មនុស្សចាស់​ និងកុមារដែលនឹងធ្វើឱ្យមានការបះពាល់ដល់ការរីកលូតលាស់នៃប្រព័ន្ធរាងកាយ។

លោក នេត្រ ភក្ត្រា មានប្រសាសន៍ថា៖ “ជាងនេះទៅ​ទៀត កំណើននៃសន្ទស្សន៍កាំរស្មី  ព្រះអាទិត្យទាំងនោះ អាចបង្កផលប៉ះពាល់ដល់សុខភាពមនុស្ស សត្វ រុក្ខជាតិ និងសារពាង្គកាយសមុទ្រ។ ពិសេស ចំពោះមនុស្ស កំណើននៃសន្ទស្សន៍កាំរស្មីព្រះអាទិត្យអាចបណ្តាលឱ្យកើតជំងឺមហារីកស្បែក ជំងឺភ្នែកឡើងបាយ និងធ្វើឱ្យខូចប្រព័ន្ធការពារសារពាង្គកាយ និងធ្វើឱ្យទិន្នផលកសិកម្មមានការថយចុះផងដែរ”។

រដ្ឋលេខាធិការ​ ក្រសួង​បរិស្ថាន​កម្ពុជាខាងលើនេះ លើកឡើងថា  សន្ទស្សន៍កាំរស្មីយូវីពី ៦ ពីព្រះអាទិត្យ UV ឡើងទៅមានហានិភ័យខ្ពស់ និងមានឥទ្ធិពលខ្លាំងនៅចន្លោះ ចាប់ពីម៉ោង ១០:០០ នាទីព្រឹកដល់ម៉ោង ៤:០០ នាទី​រសៀល ​​​​​ជាពេលវេលាដែលត្រូវប្រុងប្រយ័ត្ន ជាពិសេសនៅថ្ងៃដែលសន្ទស្សន៍កាំរស្មីព្រះអាទិត្យ UV ឡើងខ្ពស់ខ្លាំង។

លោក នេត្រ ភក្ត្រា មានប្រសាសន៍បន្តថា៖ “បើមេឃស្រទុំនៅចន្លោះម៉ោងកំណត់នោះ កាំរស្មីUV អាចកាត់បន្ថយឥទ្ធិពលរបស់វា ទៅតាមកម្រិតកាំរស្មីនៃពន្លឺព្រះអាទិត្យ”។

មន្ត្រីជាន់ខ្ពស់នៃក្រសួងបរិស្ថានរូបនេះ ផ្ដាំផ្ញើថា នៅពេលដែលកាំរស្មីព្រះអាទិត្យ UV ឡើងខ្លាំង នៅពេល​យើងចាំបាច់ត្រូវចេញទៅខាង​ក្រៅ សូមព្យាយាមរកម្លប់ជ្រក ស្លៀកសំលៀកបំពាក់ការពារមានអាវដៃវែង និងខោជើងវែង  រួមទាំងមួក​ការពារ​កម្ដៅថ្ងៃដែលមានហាមធំសម្រាប់ក្បាល និងមុខ ពាក់ស្រោមដៃដែលការពារកម្តៅថ្ងៃ និងពាក់វ៉ែនតាការពារ​កាំរស្មី​យូវី។ គប្បីប្រើឡេការពារកម្តៅថ្ងៃដែលមានវិសាលភាពយ៉ាងតិច ៣០SPF++ ឬ ខ្ពស់ជាងនឹង​ជាការ​ប្រសើរ និងត្រូវលាបរៀងរាល់ ២ ម៉ោងម្តង។

គួររំលឹកថា ថ្មីៗនេះខណៈកម្ពុជាកំពុងមានសន្ទស្សន៍កាំរស្មី យូវីកម្រិត១០ដែលជាកម្រិតខ្ពស់ខ្លាំង ក្រសួងបរិស្ថាន បានបង្ហាញសន្ទស្សន៍កាំរស្មី យូវី ពីកម្រិតហានិភ័យទាបដល់កម្រិតខ្ពស់ខ្លាំងណាស់ដើម្បីឱ្យប្រជាពលរដ្ឋចេះការពារសុខភាព។ សន្ទស្សន៍កាំរស្មីយូវី ពី ០ ទៅ ២ ពណ៌ក្រាហ្វិក បៃតង ជាកម្រិតហានិភ័យ ទាប។ បើសន្ទស្សន៍កាំរស្មីយូវី ពី ៣ ទៅ ៥ ពណ៌ក្រាហ្វិក លឿង ជាកម្រិតហានិភ័យ មធ្យម។ បើសន្ទស្សន៍កាំរស្មីយូវី ពី ៦ ទៅ ៧ ពណ៌ក្រាហ្វិក លឿងទុំ ជាកម្រិតហានិភ័យ ខ្ពស់។ បើសន្ទស្សន៍កាំរស្មីយូវី ពី ៨ ទៅ ១០ ពណ៌ក្រាហ្វិក ក្រហម ជាកម្រិតហានិភ័យ ខ្ពស់ខ្លាំង។ បើសន្ទស្សន៍កាំរស្មីយូវី ពី ១១ឡើងទៅ  ពណ៌ក្រាហ្វិក ស្វាយ ជាកម្រិតហានិភ័យ ខ្ពស់ខ្លាំងណាស់៕

អត្ថបទ៖ ច័ន្ទ វីរៈ

The post បើមេឃស្រទុំ និងនៅក្រៅចន្លោះម៉ោងហានិភ័យ តើកាំរស្មី UV នៅតែផ្ដល់ផលប៉ះពាល់ ឬទេ? appeared first on Kampuchea Thmey Daily.

អាកាសធាតុ​ក្ដៅ​ប៉ះពាល់​ដល់​ការ​ដកដង្ហើម​យ៉ាង​ដូច​ម្ដេច​?

ជាមួយ​នឹង​​ខ្យល់​ដែល​នៅ​នឹង​មួយ​កន្លែង ព្រម​ទាំង​កម្រិត​​ខ្យល់​ពុល​កើន​ឡើង​ វា​អាច​ធ្វើ​ឲ្យ​យើង​ពិបាក​ក្នុង​ការ​ដកដង្ហើម​ នៅ​ពេល​ដែល​ស្ថិត​នៅ​ក្នុង​អាកាសធាតុ​ក្ដៅ​ជុំវិញ​ខ្លួន។​ ជាក់ស្ដែង រាងកាយ​ត្រូវ​ការ​អុកស៊ីសែន​ច្រើន​​ដើម្បី​រក្សា​សីតុណ្ហភាព​ខាង​ក្នុង អំឡុង​ពេល​អាកាសធាតុ​ក្ដៅ​ខ្លាំង ឬ​ត្រជាក់​ខ្លាំង​ ដែល​អាច​ប៉ះពាល់​ដល់​មុខងារ​សួត​ ដែល​ជា​លទ្ធផល​ ធ្វើ​​ឲ្យ​យើង​ដកដង្ហើម​វែង​ៗ ​ឬ​ដកដង្ហើម​លឿន​ៗ។

តិចនិក​ថែទាំ​សួត អំឡុង​ពេល​រដូវ​ក្ដៅ​

ដើម្បី​ថែទាំ​សួត​ នៅ​អំឡុង​ពេល​រដូវ​ក្ដៅ​នេះ​ គ្នា​យើង​អាច​ធ្វើការ​ផ្លាស់ប្ដូរ​ទម្លាប់​ប្រចាំ​ថ្ងៃ​​មួយ​ចំនួន​ ដូច​ខាង​ក្រោម​៖

• ជៀសវាង​ចេញ​​ក្រៅ៖ យើង​មិន​គួរ​ចេញ​ទៅ​ខាង​ក្រៅ​ឡើយ​ ប្រសិនបើ​​មិន​ចាំបាច់​។ បន្ថែម​ពី​នេះ ចូរ​បិទ​បង្អួច ឬ​ទ្វារ​​ឲ្យ​ជិត​ ដើម្បី​ឲ្យ​បរិយាកាស​ក្នុង​ផ្ទះ​មាន​ភាព​ត្រជាក់​។
• តាមដាន​អាកាសធាតុ​ជា​ប្រចាំ៖ ចូរ​តាមដាន​អាកាសធាតុ​ ​លម្អង​នៅ​ក្នុង​ខ្យល់​ ក៏​ដូចជា​គុណភាព​ខ្យល់​ មុន​ពេល​ចេញ​ទៅ​ខាង​ក្រៅ​ផ្ទះ​។ នៅ​ពេល​ដែល​កម្រិត​លម្អង​ខ្ពស់​ និង​គុណភាព​ខ្យល់​មិន​ល្អ វា​អាច​​បណ្ដាល​​ឲ្យ​យើង​ក្អក​ ដកដង្ហើមលឺសំឡេង ជា​ពិសេស ព្រម​ទាំង​​អាច​ប្រឈម​នឹង​ជំងឺ​ផ្លូវ​ដង្ហើម​​ថែម​ទៀត​ផង​។
• រៀបចំ​ផែនការ​ប្រចាំថ្ងៃ​៖ ជៀសវាង​ចេញ​ខាង​ក្រៅ​អំឡុង​ពេល​ក្ដៅ​ខ្លាំង នៅ​ចន្លោះ​ពី​ម៉ោង​១១​ព្រឹក​ ដល់​ម៉ោង​៣​រសៀល​​។
• បញ្ឈប់​ការ​ជក់​បារី ​និង​ញ៉ាំ​គ្រឿង​ស្រវឹង
• ​ស្លៀក​សំលៀកបំពាក់​​ស្ដើង​ៗ​
• ជៀសវាង​ធ្វើ​លំហាត់​ប្រាណ​ខ្លាំង​ក្លា​
• រក្សា​ជាតិ​ទឹក​នៅ​ក្នុង​រាងកាយ​ ដោយ​ការ​ញ៉ាំ​ទឹក​ឲ្យ​​បាន​គ្រប់គ្រាន់ ញ៉ាំ​ផ្លែឈើ​ដែល​មាន​ជាតិ​ទឹក​ដូចជា​​ឪឡឹក ស្វាយ​ និង​ត្រសក់​។
• ងូត​ទឹក​ឲ្យ​ញឹកញាប់​ ប្រសិនបើ​យើង​មាន​អារម្មណ៍​ក្ដៅ​ខ្លាំង​។

អត្ថបទផ្ដលល់ដោយ៖Hello Krupet

ចុចអាន៖ខណៈកម្ពុជានឹងទទួលរងកាំរស្មី UV កម្រិត​ខ្ពស់នៅថ្ងៃនេះ មកមើលវិធីការពារខ្លួនដោយសុវត្ថិភាព

ចុចអាន៖ចេញក្រៅ​ផ្ទះ​ សូម​ប្រុងប្រយ័ត្ន ព្រឹក​ម៉ោង ១០ នេះ​ ​កាំរស្មី UV កម្រិត​ខ្ពស់ ​បង្ក​ប៉ះពាល់​សុខភាព​មនុស្ស

The post ប្រយ័ត្នផង! អាកាសធាតុក្ដៅអាចប៉ះពាល់ការដកដង្ហើម និងសួត appeared first on Kampuchea Thmey Daily.

ក្រសួងបរិស្ថានបានឱ្យដឹងថាសន្ទស្សន៍កាំរស្មី យូវី បែងចែកជាប្រាំពណ៍ទៅតាមកម្រិតនីមួយៗក្នុងនោះពណ៌បៃតងជាពណ៌ដែលមានហានិភ័យទាបដែលមានសន្ទស្សន៍កាំរស្មីយូវីពី០ទៅដល់២មានគ្រោះថ្នាក់ទាបសម្រាប់មនុស្សទូទៅដោយតម្រូវឲ្យពាក់វ៉ែនតាការពារពន្លឺព្រះអាទិត្យប្រសិនបើលោកអ្នកងាយរងឥទ្ធិពលដោយសារពន្លឺព្រះអាទិត្យនិងប្រើឡេការពារកំដៅថ្ងៃ។

សន្ទស្សន៍កាំរស្មីយូវីពី៣ទៅ៥មានពណ៌លឿងកម្រិតហានិភ័យមធ្យម ពីកាំរស្មីពន្លឺព្រះអាទិត្យ។ត្រូវស្ថិតនៅក្នុងម្លប់នៅពេលថ្ងៃត្រង់ជាពេលដែលព្រះអាទិត្យមានពន្លឺខ្លាំងបំផុតប្រសិនបើនៅខាងក្រៅចូរស្លៀកសំលៀកបំពាក់វែងពាក់ស្រោមដៃដែលការពារកំដៅថ្ងៃពាក់មួកដែលមានហាមនិងពាក់វែនតាការពារនិងលាបឡេការពារកម្ដៅថ្ងៃ។

សន្ទស្សន៍កាំរស្មីយូវី ពី ៦ ទៅ ៧ ជាពណ៍ លឿងទុំកម្រិតហានិភ័យខ្ពស់ នៅពេលស្ថិតនៅក្រោមពន្លឺព្រះអាទិត្យយូរ។ត្រូវប្រើប្រាស់ឧបករណ៍និងផលិតផលការពារការរលាកស្បែកនិងស្បែកគឺជាការចាំបាច់។ត្រូវកាត់បន្ថយពេលវេលាស្ថិតក្រោមពន្លឺព្រះអាទិត្យចន្លោះពីម៉ោង១០ទៅ៤ រសៀលប្រសិនបើនៅខាងក្រៅស្វែងរកម្លប់ជ្រកស្លៀកសំលៀកបំពាក់វែង ពាក់ស្រោមដៃការពារកំដៅថ្ងៃពាក់មួកដែលមានហាមធំនិងពាក់វ៉ែនតាការពារកាំរស្មីយូវី។

សន្ទស្សន៍កាំរស្មីយូវីពី៧ ទៅ១០ ពណ៍ ក្រហមកម្រិតហានិភ័យ ខ្ពស់ខ្លាំងមានន័យថាមានហានិភ័យខ្ពស់ពេលដែលស្ថិតនៅក្រោមពន្លឺព្រះអាទិត្យយូរ។ត្រូវប្រុងប្រយ័ត្នខ្ពស់និងការពារបន្ថែមចំពោះស្បែកនិងភ្នែក។កាត់បន្ថយពេលវេលាស្ថិតក្រោមពន្លឺព្រះអាទិត្យ ពីចន្លោះម៉ោង១០ព្រឹកនិងម៉ោង៤រសៀល។ប្រសិនបើនៅខាងក្រៅត្រូវស្វែងរកម្លប់ជ្រក ស្លៀកសំលៀកបំពាក់វែងពាក់ស្រោមដៃការពារកំដៅថ្ងៃពាក់មួកដែលមានហាមធំនិងពាក់វ៉ែនតាការពារកាំរស្មីយូវី។

សន្ទស្សន៍កាំរស្មីយូវីចាប់ពី១១ឡើងទៅ ពណ៌ស្វាយកម្រិតហានិភ័យខ្ពស់ខ្លាំងណាស់សន្ទស្សន៍នេះមានន័យថាមានគ្រោះថ្នាក់ខ្លាំងណាស់នៅពេលស្ថិតនៅក្រោមពន្លឺព្រះអាទិត្យយូរ។

សូមប្រយ័ត្នទាំងអស់គ្នាចំពោះស្បែកនិងភ្នែកជៀសវាងការប៉ះពាល់នឹងកម្ដៅថ្ងៃចន្លោះម៉ោង១០និងម៉ោង៤រសៀល។ប្រសិនបើនៅខាងក្រៅស្វែងរកសំលៀកបំពាក់វែងពាក់ស្រោមដៃការពារកំដៅថ្ងៃ ពាក់មួកដែលមានហាមធំនិងពាក់វ៉ែនតាការពារកាំរស្មីយូវី។

លោក វេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានមានប្រសាសន៍នៅព្រឹកថ្ងៃទី១៨សីហានេះថាការកើនឡើងសន្ទស្សន៍កាំរស្មី UVចាប់ពី១០ឡើងទៅនេះវាធ្វើឱ្យប៉ះពាល់ដល់សុខភាពរបស់មនុស្សពិសេសប៉ះពាល់ដល់ស្បែកអាចឱ្យងាយរលាកស្បែក សម្លាប់កោសិកាស្បែក ធ្វើឱ្យភ្នែកខូចគុណភាពឬរលាកភ្នែកជាដើម។

លោកវេជ្ជបណ្ឌិត បានបន្តថាករណីមួយទៀតនៅប្រទេសកម្ពុជាមិនមានទេតែវាកើតឡើងនៅប្រទេសនៅជាប់ប៉ូលខាងជើងនិងប៉ូលខាងត្បូងដែលមានស្រទាប់អូហ្សូនស្តើងហើយមានមនុស្សខ្លះឧស្សាហ៍ដេកហាលថ្ងៃអាចបង្កឱ្យមានជំងឺមហារីកស្បែក។

ក្រសួងធនធានទឹកនិងឧត្តុនិយមបានប្រកាសកាលពីថ្ងៃទី១៧សីហាថាដោយយោងតាមការស្រាវជ្រាវរបស់អង្គការឧតុនិយមពិភពលោក WMO បានបង្ហាញឲ្យឃើញនៅតំបន់ឥណ្ឌូចិន ចាប់ពីថ្ងៃទី ១៨ ដល់ថ្ងៃទី ២៤ ខែសីហា ឆ្នាំ ២០២១ នេះ នឹងទទួលរងឥទ្ធិពលកាំរស្មីព្រះអាទិត្យ UV ដែលមានសន្ទស្សន៍កើនឡើងដល់កម្រិត ១០ ដែលជាកម្រិតឲ្យមានការប្រុងប្រយ័ត្ននៅចន្លោះពីម៉ោង ១០ ព្រឹក ដល់ម៉ោង ០២ រសៀលដែលនឹងបង្កឲ្យមានហានិភ័យ និងប៉ះពាល់ដល់សុខភាពរបស់មនុស្ស សត្វ និងរុក្ខជាតិជាខ្លាំង៕ ដោយ៖ សំអឿន

The post ត្រូវយ៉ាងណាដើម្បី ការពារខ្លួន​ពីការកើនឡើងសន្ទស្សន៍​កាំរស្មី UV appeared first on Kampuchea Thmey Daily.

ដោយឡែក​យោង​តាម​ការ​ស្រាវជ្រាវ​របស់​អង្គការ​ឧតុនិយមពិភពលោក WMO បាន​បង្ហាញ​ឲ្យ​ឃើញ​នៅ​តំបន់​ឥណ្ឌូចិន ចាប់ពី​ថ្ងៃទី ១៨ ដល់ថ្ងៃទី ២៤ ខែសីហា ឆ្នាំ ២០២១ នេះ នឹង​ទទួល​រង​ឥទ្ធិពល​កាំរស្មី​ព្រះអាទិត្យ UV ដែល​មាន​សន្ទស្សន៍​កើនឡើងដល់កម្រិត ១០ ដែល​ជា​កម្រិត​ឲ្យ​មាន​ការ​ប្រុងប្រយ័ត្ន (នៅ​ចន្លោះ​ពី​ម៉ោង ១០ ព្រឹក ដល់ម៉ោង ០២ រសៀល) ។ ការ​កើនឡើង​នៃ​សន្ទស្សន៍​កាំរស្មី​ព្រះអាទិត្យ UV នេះ នឹង​បង្ក​ឲ្យ​មាន​ហានិភ័យ និង​ប៉ះពាល់​ដល់​សុខភាព​របស់​មនុស្ស សត្វ និង​រុក្ខជាតិ​ជា​ខ្លាំង ។

ដូច្នេះ​បើ​ជួប​បញ្ហា​នេះ​ត្រូវ​ធ្វើ​យ៉ាងម៉េច​ ទើប​អាច​ការពារ​រាងកាយ​ពី​សន្ទស្សន៍​កាំរស្មី​ព្រះអាទិត្យ UV នេះបាន​ដោយ​សុវត្ថិភាព​ បើ​គ្រប់គ្នា​មិន​អាច​មិន​ចេញ​ក្រៅ​ផ្ទះ​ប្រកបការងារ​បាន​ទេ។

ក្នុង​បញ្ហា​នេះ​ដែរ​ យើង​ក៏​អាច​រក​ដំណោះស្រាយ​ឃើញ​ដោយ​ប្រើ​វិធី​ខាងក្រោម​នេះ៖

១ បើ​ដាច់ខាត​ត្រូវ​ចេញ​ក្នុង​អំឡុង​ម៉ោង​ព្រឹក​នេះ ​ត្រូវ​ស្លៀក​សំលៀកបំពាក់​ជិតៗ​ខ្លួន​ ​ហើយ​មាន​ឆត្រ មួក ឡេ​ការពារ​ពន្លឺ​ព្រះអាទិត្យ និង​វ៉ែនតា​ខ្មៅ​ ឬ​វ៉ែនតា​ការពារ​កម្ដៅ​ថ្ងៃ​ជាប់​ខ្លួន។

២ ត្រូវ​មាន​ដប​ទឹក​ទុក​ហូប​តាម​ខ្លួន​ជានិច្ច​ ដើម្បី​ផ្សើម​ដល់​​រាងកាយ​ ប្រការ​ខ្លាច​ក្រែង​ខះ​ជាតិ​ទឹក​ដោយសារ​សន្ទស្សន៍​កើន​ឡើង​ខ្លាំង។

៣ ត្រូវនៅក្នុងម្លប់ជានិច្ច ជាពិសេសគឺនៅពេលថ្ងៃត្រង់ កម្ដៅអាចនឹងកើនឡើងខ្លាំងទ្វេដង។

៤ បើ​ចៀស​បាន​កុំ​ឧស្សាហ៍​ចេញ​ក្រៅ ​ឬ​ឈរ​ក្រោម​កម្ដៅ​ថ្ងៃ​​ ព្រោះ​មិន​ល្អ​ដល់​សុខភាព​ក្នុង​អំឡុង​ពេល​នេះ​ទេ។

៥ ត្រូវ​ឧស្សាហ៍​ងូត​ទឹក​ ហើយ​កុំ​ប្រើ​ភ្នែក​ទទេ​មើល​ព្រះអាទិត្យ​ឲ្យ​សោះ​ បើ​គ្មាន​វ៉ែនតាខ្មៅ​ពាក់។

៦ ចៀសវាង​ដាច់ខាត​កុំ​លាប​ឡេ​លាយ ដែល​មាន​ហានិភ័យ​ខ្ពស់​ក្នុង​ការ​វិវត្ត​ទៅ​ជា​ជំងឺ​មហារីក​ស្បែក។

៧ បើ​ពុំ​ចាំបាច់​ចេញ​ក្រៅ​ទេ​ សូម​ស្នាក់​នៅ​ផ្ទះ​ល្អ​ជាង។ ទី​មួយ​ យើង​ការពារ​ខ្លួន​ពី​វីរុស​បំប្លែង​ខ្លួន​គ្រប់​ប្រភេទ ​ដែល​កំពុង​រាលដាល​ពាសពេញ​ប្រទេស។ ទី២ គឺការពារ​សុវត្ថិភាព​កាំរស្មី​ព្រះអាទិត្យ UV នេះ​ដែរ។

សូមឲ្យបងប្អូនប្រជាជនកម្ពុជាយើងទាំងអស់គ្នា មានសុវត្ថិភាពក្នុងការធ្វើដំណើរទៅមក និងសុខភាពល្អ ចៀសឆ្ងាយពីជំងឺដំកាត់ផ្សេងៗ៕

អត្ថបទ៖ សាង ស្រីល័ក្ខ

ចុចអាន៖ចេញក្រៅ​ផ្ទះ​ សូម​ប្រុងប្រយ័ត្ន ព្រឹក​ម៉ោង ១០ នេះ​ ​កាំរស្មី UV កម្រិត​ខ្ពស់ ​បង្ក​ប៉ះពាល់​សុខភាព​មនុស្ស

The post ខណៈកម្ពុជានឹងទទួលរងកាំរស្មី UV កម្រិត​ខ្ពស់នៅថ្ងៃនេះ មកមើលវិធីការពារខ្លួនដោយសុវត្ថិភាព appeared first on Kampuchea Thmey Daily.