ឈប់បានឈប់ទៅ រឿងបន្ថែមស្ករក្នុងរបស់ហូប អាចធ្វើឲ្យមុខឆាប់ចាស់ខ្លាំងខុសពីវ័យ
Connect with us
Helistar Cambodia - Helicopter Charter Services

KPT+

ឈប់បានឈប់ទៅ រឿងបន្ថែមស្ករក្នុងរបស់ហូប អាចធ្វើឲ្យមុខឆាប់ចាស់ខ្លាំងខុសពីវ័យ

បានផុស

នៅ

កុំញ៉ាំស្ករច្រើនពេក កុំញ៉ាំផ្អែមពេក។ជាទូទៅយើងគ្រប់គ្នាប្រាកដជាបានឮប្រយោគនេះ​ញឹកញាប់ ។ ថ្ងៃនេះសូមដឹងចម្លើយ ថាតើវាពិតឬមិនពិត?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយ​ផ្អែក​លើ​ទិដ្ឋភាព​ជា​ច្រើន​នៃ​ការ​ស្រាវជ្រាវ ​ចម្លើយ​ចំពោះ​សំណួរ​នេះ​ គួរ​តែ​ជា​ការពិត។ ការ​សិក្សា​បាន​បង្ហាញ​ថា ​ការ​ទទួលទាន​ជាតិ​ស្ករ​ច្រើន ​ត្រូវ​បាន​ផ្សារ​ភ្ជាប់​ជាមួយ​នឹង​ភាព​ចាស់​ និង​ភាព​ចាស់​មុន​អាយុ​ ហើយ​សំខាន់​ជាង​នេះ​ទៅ​ទៀត​ វា​មិន​ត្រឹម​តែ​កើត​ឡើង​ចំពោះ​ស្បែក​នោះ​ទេ វា​ក៏​បណ្ដាល​ឲ្យ​សរីរាង្គ​ខាង​ក្នុង​របស់​យើង​ឆាប់​ចាស់​មុន​អាយុ។

ស្បែករបស់យើងមាន ប្រូតេអ៊ីន កូឡាជែន ​និងអេឡាស្ទីន​ ជា​សមាសធាតុ​ចម្បង។ នៅ​ពេល​ដែល​អ្នក​ញ៉ាំ​ជាតិ​ស្ករ​ច្រើន​ ជាតិ​ស្ករ​នឹង​ចូល​ក្នុង​ចរន្តឈាម​ ធ្វើ​ឲ្យ​ជាតិ​ស្ករ​នៅ​លើ​ស្បែក​កើន​ឡើង។ នៅ​ពេល​ដែល​វា​ឡើង​ខ្ពស់ ​វា​នឹង​កកកុញ​ជាមួយ​ប្រូតេអ៊ីន​ បង្កើត​សមាសធាតុ​ដែល​បណ្ដាល​ឲ្យ​មាន​ស្នាម​ជ្រីវជ្រួញ។ នៅ​ពេល​ដែល​ភាព​ជ្រីវជ្រួញ​ធ្វើ​ឲ្យ​យើង​ឆាប់​ចាស់​មុន​អាយុ ​វា​ក៏​ជួយ​កាត់​បន្ថយ​ភាព​យឺត​នៃ​ស្បែក​ផង​ដែរ។

ជាតិ​ស្ករ​បង្កើន​ល្បឿន​សារធាតុ​មួយ​ចំនួន ​ដែល​ជា​ធម្មតា​កើន​ឡើង​តាម​អាយុ​ ហើយ​ក៏​ប៉ះពាល់​ដល់​ប្រព័ន្ធ​ក្នុង​រាងកាយ​ ដែល​ធ្វើ​ឲ្យ​ប្រព័ន្ធ​ដំណើរការ​មិន​សូវ​សកម្ម។

ការ​សិក្សា​លើ​មនុស្ស​ចំនួន ៥,៣០៩ នាក់​ ដែល​ផឹក​ភេសជ្ជៈ​មាន​ជាតិ​ស្ករ​ជាប្រចាំ​ មាន​ទំហំ​កោសិកា​ខ្លី​ជាង​មុន (ភាព​ចាស់) ខណៈ​ដែល​អ្នក​ដែល​ផឹក​ទឹក​ប្រមូល​ផ្ដុំ ១០០% មាន​ទំហំ​កោសិកា​វែង​ជាង។

ការ​ផឹក​ភេសជ្ជៈ​ប្រហែល ២ កំប៉ុង​ក្នុង​មួយ​ថ្ងៃ​ អាច​នាំ​ឲ្យ​មាន​អាយុកាល​ខ្លី​ ប្រហែល ៤ ទៅ ៦ ឆ្នាំ។ ចំពោះ​ផល​អវិជ្ជមាន​ដទៃ​ទៀត ​ជាតិ​ស្ករ​គឺ​ជា​មូលហេតុ​មួយ​ទៀត​នៃ​ជំងឺ​ទឹកនោមផ្អែម ​ខ្លាញ់​ក្នុង​ថ្លើម ​ភាព​ស៊ាំ​ចុះ​ខ្សោយ។

សរុប​សេចក្ដី​មក​ ជាតិ​ស្ករ​ធ្វើ​ឲ្យ​យើង​ឆាប់​ចាស់ ​ប្រសិន​បើ​ទទួលទាន​ក្នុង​បរិមាណ​ច្រើន ​ហើយ​ថែម​ទាំង​នាំ​ឲ្យ​កើត​ជំងឺ​ផ្សេងៗ​ទៀត។ ដូច្នេះ​គួរ​តែ​ទទួលទាន​ឲ្យ​បាន​ត្រឹមត្រូវ​ ដើម្បី​សុខភាព​យើង​ផ្ទាល់៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះ៥ យ៉ាង កាត់បន្ថយជំងឺលើសជាតិខ្លាញ់ក្នុងឈាម មិនពិបាកទៅជួបដុកទ័រញឹក

ចុចអាន៖មង្ឃុត ស្ដេចផ្លែឈើសំបូរទៅដោយធាតុចិញ្ចឹម​​ និងជាឱសថព្យាបាលអ្នកជំងឺរ៉ាំរ៉ៃ

ចុចអាន៖អ្នកជំងឺទឹកនោមផ្អែម ត្រូវថែខ្លួនឲ្យមែនទែន បើឆ្លង Delta​ គឺមានសភាពធ្ងន់ធ្ងរខ្លាំង ជាងអ្នកផ្សេង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services