KPT+

ខណៈកម្ពុជានឹងទទួលរងកាំរស្មី UV កម្រិតខ្ពស់នៅថ្ងៃនេះ មកមើលវិធីការពារខ្លួនដោយសុវត្ថិភាព

បានផុស

៥ years មុន

នៅ

ថ្ងៃពុធ ១៨ សីហា ២០២១

ដោយ

ប្រទេសកម្ពុជាយើងថ្ងៃនេះ នឹងជួបសន្ទស្សន៍កាំរស្មី UV កម្រិតខ្ពស់ ដែលជាកម្រិតឲ្យមានការប្រុងប្រយ័ត្ននិងនាំឲ្យប៉ះពាល់ដល់សុខភាពមនុស្ស សត្វ និងរុក្ខជាតិជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកយោងតាមការស្រាវជ្រាវរបស់អង្គការឧតុនិយមពិភពលោក WMO បានបង្ហាញឲ្យឃើញនៅតំបន់ឥណ្ឌូចិន ចាប់ពីថ្ងៃទី ១៨ ដល់ថ្ងៃទី ២៤ ខែសីហា ឆ្នាំ ២០២១ នេះ នឹងទទួលរងឥទ្ធិពលកាំរស្មីព្រះអាទិត្យ UV ដែលមានសន្ទស្សន៍កើនឡើងដល់កម្រិត ១០ ដែលជាកម្រិតឲ្យមានការប្រុងប្រយ័ត្ន (នៅចន្លោះពីម៉ោង ១០ ព្រឹក ដល់ម៉ោង ០២ រសៀល) ។ ការកើនឡើងនៃសន្ទស្សន៍កាំរស្មីព្រះអាទិត្យ UV នេះ នឹងបង្កឲ្យមានហានិភ័យ និងប៉ះពាល់ដល់សុខភាពរបស់មនុស្ស សត្វ និងរុក្ខជាតិជាខ្លាំង ។

ដូច្នេះបើជួបបញ្ហានេះត្រូវធ្វើយ៉ាងម៉េច ទើបអាចការពាររាងកាយពីសន្ទស្សន៍កាំរស្មីព្រះអាទិត្យ UV នេះបានដោយសុវត្ថិភាព បើគ្រប់គ្នាមិនអាចមិនចេញក្រៅផ្ទះប្រកបការងារបានទេ។

ក្នុងបញ្ហានេះដែរ យើងក៏អាចរកដំណោះស្រាយឃើញដោយប្រើវិធីខាងក្រោមនេះ៖

១ បើដាច់ខាតត្រូវចេញក្នុងអំឡុងម៉ោងព្រឹកនេះ ត្រូវស្លៀកសំលៀកបំពាក់ជិតៗខ្លួន ហើយមានឆត្រ មួក ឡេការពារពន្លឺព្រះអាទិត្យ និងវ៉ែនតាខ្មៅ ឬវ៉ែនតាការពារកម្ដៅថ្ងៃជាប់ខ្លួន។

២ ត្រូវមានដបទឹកទុកហូបតាមខ្លួនជានិច្ច ដើម្បីផ្សើមដល់រាងកាយ ប្រការខ្លាចក្រែងខះជាតិទឹកដោយសារសន្ទស្សន៍កើនឡើងខ្លាំង។

៣ ត្រូវនៅក្នុងម្លប់ជានិច្ច ជាពិសេសគឺនៅពេលថ្ងៃត្រង់ កម្ដៅអាចនឹងកើនឡើងខ្លាំងទ្វេដង។

៤ បើចៀសបានកុំឧស្សាហ៍ចេញក្រៅ ឬឈរក្រោមកម្ដៅថ្ងៃ ព្រោះមិនល្អដល់សុខភាពក្នុងអំឡុងពេលនេះទេ។

៥ ត្រូវឧស្សាហ៍ងូតទឹក ហើយកុំប្រើភ្នែកទទេមើលព្រះអាទិត្យឲ្យសោះ បើគ្មានវ៉ែនតាខ្មៅពាក់។

៦ ចៀសវាងដាច់ខាតកុំលាបឡេលាយ ដែលមានហានិភ័យខ្ពស់ក្នុងការវិវត្តទៅជាជំងឺមហារីកស្បែក។

៧ បើពុំចាំបាច់ចេញក្រៅទេ សូមស្នាក់នៅផ្ទះល្អជាង។ ទីមួយ យើងការពារខ្លួនពីវីរុសបំប្លែងខ្លួនគ្រប់ប្រភេទ ដែលកំពុងរាលដាលពាសពេញប្រទេស។ ទី២ គឺការពារសុវត្ថិភាពកាំរស្មីព្រះអាទិត្យ UV នេះដែរ។

សូមឲ្យបងប្អូនប្រជាជនកម្ពុជាយើងទាំងអស់គ្នា មានសុវត្ថិភាពក្នុងការធ្វើដំណើរទៅមក និងសុខភាពល្អ ចៀសឆ្ងាយពីជំងឺដំកាត់ផ្សេងៗ៕

អត្ថបទ៖ សាង ស្រីល័ក្ខ

ចុចអាន៖ចេញក្រៅផ្ទះ សូមប្រុងប្រយ័ត្ន ព្រឹកម៉ោង ១០ នេះ កាំរស្មី UV កម្រិតខ្ពស់ បង្កប៉ះពាល់សុខភាពមនុស្ស

Related Topics:ការពារខ្លួន កាំរស្មី UV

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា