ពិធីនេះធ្វើឡើងក៏ដោយមាន ការអញ្ជើញចូលរួមពី លោកឧត្តមសេនីយ៍ឯក ជួន ណារិន្ទ អគ្គស្នងការរង ជាស្នងការនគរបាលរាជធានីភ្នំពេញ និង ជាអនុប្រធានក្រុមការងារថ្នាក់ជាតិ ចុះមូលដ្ឋានខណ្ឌមានជ័យ និងអស់លោកលោកស្រី     សមាជិសមាជិកាក្រុមការងារថ្នាក់ជាតិជាច្រើនរូបទៀតផងដែរ។

លោក ស៊ុន ចាន់ថុល ឧបនាយករដ្ឋមន្ត្រីអនុប្រធានទី១ ក្រុមប្រឹក្សាអភិវឌ្ឍន៍កម្ពុជា និង ជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌមានជ័យបានឲ្យដឹងថា ៖ កិច្ចការងារគិតគូរជាសុខមាលភាពរបស់ពលរដ្ឋនេះ គឺ ជាការងារអាទិភាពសំខាន់ណាស់របស់ សម្តេចប្រមុខរាជរដ្ឋាភិបាលកម្ពុជាគិតចាប់តាំងពីរាជរដ្ឋាភិបាលអាណត្តិកន្លងទៅដែលដឹកនាំដោយ សម្តេចតេជោហ៊ុន សែន និងមកដល់រដ្ឋាភិបាលអាណត្តិទី៧នេះ ដែលដឹកនាំដោយ សម្តេចធិបតី ហ៊ុនម៉ាណែត គឺបានទុកវិស័យ០២ជាអាទិភាពគោលចម្បងគឺវិស័យអប់រំនិងសុខាភិបាល។ លោកបានបន្តថា ប្រជាពលរដ្ឋជាង១ពាន់នាក់ក្នុងមូលដ្ឋានខណ្ឌមានជ័យ ទទួលបានការពិនិត្យ និង ព្យាបាលជម្ងឺឥតគិតថ្លៃពីសំណាក់ក្រុមគ្រូពេទ្យស្ម័គ្រចិត្តរបស់រាជរដ្ឋាភិបាល។

លោក ស៊ុន ចាន់ថុល ឧបនាយករដ្ឋមន្ត្រីអនុប្រធានទី១

ពលរដ្ឋចាស់ជរា ដែលបានមកទទួលសេវាពិនិត្យសុខភាពក៏សម្តែង ការថ្លែងអំណរគុណចំពោះ ប្រមុខរដ្ឋាភិបាល ដែលតែងតែនៅគៀកគិត និង គិតគូរពីសុខភាពរបស់ប្រជាជនគ្រប់ៗរូប ពិសេសតាមរយៈការពិនិត្យ និង ព្យាបាលជម្ងឺឥតគិតថ្លៃនេះ ក៏ជាផ្នែកដ៏សំខាន់ជួយសម្រាលបន្ទុកនៃការចំណាយ របស់ពលរដ្ឋលើសេវាថែទាំសុខភាពងដែរ។

សូមបញ្ជាក់ថា៖ កម្មវិធីពិនិត្យ និង ព្យាបាលជំងឺ ដោយឥតគិតថ្លៃ ជូនពលរដ្ឋនៅសង្កាត់បឹងទំពន់ទី១ និង សង្កាត់បឹងទំពន់ទី២ ខណ្ឌមានជ័យ នេះរៀបចំដោយក្រុមគ្រូពេទ្យស្ម័គ្រចិត្ត លោក ស៊ុនចាន់ថុល (តេជោកោះធំ) ដែលពិនិត្យនិងព្យាបាលជំងឺទូទៅ អបរំសុខភាពជំងឺផ្លូវចិត្តជំងឺកុមារ  វាស់សម្ពាធឈាមពិនិត្យ អេកូសាស្ត្រវាស់ចង្វាក់បេះដូងវាស់ភ្នែកចែកវ៉ែនតានិងព្យាបាលរបួស៕ អត្ថបទ៖សុភា

The post ក្រុមគ្រូពេទ្យស្ម័គ្រចិត្តរាជរដ្ឋាភិបាល បានបន្តចុះពិនិត្យព្យាបាលជម្ងឺឥតគិតថ្លៃជូនពលរដ្ឋជាង១ពាន់នាក់ក្នុងខណ្ឌមានជ័យ appeared first on Kampuchea Thmey Daily.

លោក គួច ចំរើន អភិបាល បានអញ្ជើញសំណេះសំណាល និងជូនដំណើរក្រុមគ្រូពេទ្យស្ម័គ្រចិត្ត នៃមន្ទីរសុខាភិបាលខេត្តកណ្ដាល ដែលត្រូវបំពេញបេសកកម្មការងារ ក្នុងការជួយពិនិត្យ និងព្យាបាលជំងឺ ជូនជនភៀសសឹកនានា តាមបណ្ដោយព្រំដែនកម្ពុជាថៃ ដែលបានភៀសខ្លួនមកមណ្ឌលសុវត្ថិភាព បន្ទាប់ពីមានការឈ្លានពានពីសំណាក់ប្រទេសថៃ នាព្រឹកថ្ងៃទី២៥ ខែធ្នូ ឆ្នាំ២០២៥ នៅមន្ទីរពេទ្យបង្អែកជ័យជំនះ ក្រុងតាខ្មៅ ខេត្តកណ្ដាល។

លោក គួច ចំរើន អភិបាលខេត្តកណ្ដាល បន្តថា៖ រាជរដ្ឋាភិបាលតែងតែគិតគូរពីសុខទុក្ខរបស់ប្រជាពលរដ្ឋគ្រប់រូប ហើយឥឡូវនេះពលរដ្ឋនៅតាមមណ្ឌលសុវត្ថិភាពនានា ហើយឥឡូវនេះចំនួនជនភៀសសឹកមានការកើនឡើងច្រើន ធ្វើឱ្យសមត្ថភាព និងលទ្ធភាពរបស់ក្រុមគ្រូពេទ្យនៅក្នុងតំបន់នៅមានកម្រិត ដូច្នេះតម្រូវឱ្យក្រុមគ្រូពេទ្យរបស់យើង ទៅជួយពួកគាត់ ដែលជាតម្រូវការជាក់ស្ដែង ព្រោះនៅទីនោះមានអ្នករបួសស្នាម និងមានជំងឺដង្កាត់ផ្សេងៗជាច្រើន កំពុងរង់ចាំយើងទៅពិនិត្យ និងព្យាបាល ហើយនេះក៏បង្ហាញអំពីមនោសញ្ចេតនាដ៏ពិតប្រាកដរបស់រាជរដ្ឋាភិបាលរបស់យើងដែលតែងតែលើកឡើងថា «រដ្ឋាភិបាលរួមសុខរួមទុក្ខជាមួយនឹងបងប្អូនប្រជាពលរដ្ឋ»។

លោកអភិបាលខេត្តកណ្ដាល បានបន្ថែមថា៖ បើទោះបីជាស្ថានភាពនៅពេលនេះមានការគំរាមកំហែងធ្ងន់ធ្ងរយ៉ាងណាក៏ដោយ យើងក៏បានគិតគូរពីការការពារ គិតគូរពីការផ្គត់ផ្គង់ស្បៀងអាហារ គិតគូរពីការព្យាបាលរបួសស្នាម ជូនប្រជាពលរដ្ឋរបស់យើង ដូច្នេះអ្នកដែលមានភារកិច្ចក្នុងផ្នែកនីមួយៗមានការទទួលខុសត្រូវរៀងៗខ្លួន ដែលនេះគឺជាស្មារតីជាតិដ៏ល្អ។ ហើយនៅពេលដែលប្អូនចេញទៅបេសកកម្មបំពេញការងារ មិនមែនត្រឹមតែក្នុងនាមមន្ទីរពេទ្យរបស់យើង មន្ទីរសុខាភិបាលខេត្តនោះទេ គឺតំណាងឱ្យជាតិរបស់យើង សូមឱ្យបេសកកម្មរបស់យើងនៅពេលនេះ គឺយើងត្រូវយកសមត្ថភាព សីលធម៌ គុណធម៌ និងបេះដូងរបស់យើង ដើម្បីទៅបំពេញកិច្ចការងារនេះឱ្យបានល្អ ដើម្បីឆ្លើយតបទៅនឹងរាជរដ្ឋាភិបាលរបស់យើងដែលតែងតែចង់បាន។ សម្រាប់ការចេញទៅបេសកកម្មលើកនេះយើងបានលះបង់គ្រប់យ៉ាង ចោលផ្ទះសម្បែង ចោលអង្គភាព ចោលអ្នកជំងឺដែលយើងធ្លាប់មើលថែ ដើម្បីទៅបំពេញបេសកកម្មនេះ ដូច្នេះយើងទៅទីនោះធ្វើយ៉ាងណា រក្សាគុណតម្លៃការងារ គុណធម៌ សីលធម៌ ធ្វើឱ្យបានល្អ នៅពេលមកវិញយើងមានកិត្តិយសល្អ សម្រាប់មន្ទីរពេទ្យខេត្តកណ្ដាលរបស់យើង។

លោក គួយ ប៊ុនធឿន ប្រធានមន្ទីរសុខាភិបាលខេត្តកណ្ដាល បានឱ្យដឹងថា៖ មន្ទីរបានរៀបចំក្រុមគ្រូពេទ្យស្ម័គ្រចិត្ត ចំនួន១២ក្រុម ហើយលើកនេះគឺជាក្រុមទី២ហើយ ដែត្រូវទៅបំពេញបេសកកម្មជួយពិនិត្យ និងព្យាបាលជំងឺជូនជនភៀសសឹក ដែលរបួស និងរងគ្រោះ ដោយការឈ្លានពានទាំងកំរោលពីសំណាក់ប្រទេសថៃ។

លោកប្រធាមន្ទីរ បានឱ្យដឹងទៀតថា៖ ក្រុមគ្រូពេទ្យស្ម័គ្រចិត្ត មួយក្រុមមានចំនួន១២ រួមទាំងអ្នកបើករថយន្ត ដោយត្រូវបំពេញបេសកកម្ម ១ក្រុមចំនួន ១សប្ដាហ៍ ហើយក្រុមគ្រូពេទ្យស្ម័គ្រចិត្តនេះមានគ្រប់ផ្នែក ដូចជា៖ ផ្នែកវគ្គកាត់ ផ្នែកសង្គ្រោះបន្ទាន់ ផ្នែកជំងឺទូទៅ និងផ្នែកកុមារ ដែលមានរថយន្តសង្គ្រោះចំនួន២គ្រឿង ដោយបានរៀបចំឱសថ សម្ភារៈបរិក្ខា សម្រាប់យកទៅប្រើក្នុងការផ្ដល់សេវាពិនិត្យ និងព្យាបាលនៅទីនោះ៕

The post អភិបាលខេត្តកណ្ដាល ជួបសំណេះសំណាល ជូនដំណើរក្រុមគ្រូពេទ្យស្ម័គ្រចិត្ត ទៅបំពេញបេសកកម្មការងារនៅមណ្ឌលសុវត្ថិភាពនានាតាមបន្ទាត់ព្រំដែន appeared first on Kampuchea Thmey Daily.

ក្នុង​ឱកាសនោះដែរ លោក អ៊ុន ចាន់ដា អភិបាលខេត្តកំពង់ចាម បានថ្លែងថា ការចុះពិនិត្យ និង ព្យាបាលជំងឺ នាពេលនេះ គឺ ដើម្បីលើកម្ពស់កម្រិតសុខភាព ជូនបងប្អូនប្រពលរដ្ឋ ដែលជាផ្នែក មួយបានចូលរួមចំណែកកាត់បន្ថយភាពក្រីក្រ ពីព្រោះថា បើយើងមានជំងឺឈឺស្កាត់ គឺយើងត្រូវ ទៅកាន់ពេទ្យឯកជន និងត្រូវការចំណាយប្រាក់ផ្ទាល់ខ្លួន ប៉ុន្តែកម្មវិធីថ្ងៃនេះ គឺពុំមានការបង់ថ្លៃ សេវាព្យាបាលនោះឡើយ។

លោកអភិបាលខេត្ត បានលើកឡើងផងដែរថា បច្ចុប្បន្នប្រមុខរាជរដ្ឋាភិបាលកម្ពុជា បាន​គិតគូរ និងលើកកម្ពស់កម្រិតជីវភាព របស់ប្រជាពលរដ្ឋគ្រប់ទីកន្លែង។ យ៉ាងណាមិញ ទន្ទឹមនឹងការ កសាង សមិទ្ធផល ហេដ្ឋារចនាសម្ព័ន្ធ រាជរដ្ឋាភិបាលកម្ពុជា ក៏បានយកចិត្តទុកដាក់ខ្ពស់ ផងដែរ អំពី សុខភាព របស់បងប្អូនប្រជាពលរដ្ឋទូទៅ ពីព្រោះថា ដើម្បី ជីវិតរស់នៅបានយឺនយូរ ចាំបាច់​ណាស់ មនុស្សម្នាក់ៗ ត្រូវតែមានសុខភាពល្អទាំងផ្លូវកាយ និងផ្លូវចិត្ត។

ជាមួយគ្នានោះ លោក អ៊ុន ចាន់ដា អភិបាលខេត្តកំពង់ចាម ក៏បានសំណូមពដល់ក្រុម គ្រូពេទ្យ ស្ម័គ្រចិត្ត សូមបន្តសកម្មភាពសប្បុរសធម៌ ចុះជួយពិនិត្យ និងព្យាបាលជម្ងឺជូនប្អូនប្រជាពលរដ្ឋ នា ពេលក្រោយៗ បន្តទៀត សំដៅលើកកម្ពស់សុខមាលភាព ប្រជាពលរដ្ឋ និង រួមគ្នាកាត់បន្ថយភាពក្រីក្រផងដែរ៕

អត្ថបទ​និង​រូបភាព​ ៖ ​ឡេក​ ចាន់ពេជ្រ​​

The post អភិបាលខេត្តកំពង់ចាម អរគុណក្រុមគ្រូពេទ្យស្ម័គ្រចិត្ត​​ប្រទេស​អូស្ត្រាលី ចុះ​​ព្យាបាល​ភ្នែក និងគ ថ្លង់ ជូនពលរដ្ឋឥតគិតថ្លៃ appeared first on Kampuchea Thmey Daily.

នា​ឱកាស​ចុះ​ពិនិត្យ​ព្យាបាល​ជំងឺ​ជូន​ប្រជាពលរដ្ឋ​នៅ​ស្រុក​តាំងគោក លោក ហ្វីលីព កាស្ត្រូ លើក​ឡើង​ថា ការ​ចុះ​ពិនិត្យ និង​ព្យាបាល​របស់​ក្រុម​គ្រូពេទ្យ នៃ​ប្រទេស​សហរដ្ឋអាមេរិក នា​ពេល​នេះ ឈរ​លើ​ការ​លើក​កម្ពស់​សុខភាព​សាធារណៈ ភាព​ជា​ដៃគូ​ក្នុង​ការ​លើកកម្ពស់​សុខភាព​ពលរដ្ឋ និង​គាំទ្រ​លើ​វិស័យ​សុខាភិបាល​នៅ​កម្ពុជា។ សកម្មភាព​របស់​ក្រុម​វេជ្ជបណ្ឌិត បាន​ធ្វើការ​ពិនិត្យ និង​ព្យាបាល ជូន​ពលរដ្ឋ​ទូទៅ ដោយ​ធ្វើ​ជាច្រើន​ប្រទេស​មិន​សម្រាប់​តែ​កម្ពុជា​នោះ​ទេ ប៉ុន្តែ​រូបលោក​ចាប់អារម្មណ៍ ព្រមទាំង​ចង់​ជួយ​ពលរដ្ឋ​កម្ពុជា។ ក្នុងនាម​ប្រធាន​អង្គការ ប៊ី​លេគ អភិវឌ្ឍន៍​សហគមន៍​អន្តរជាតិ នឹង​អញ្ជើញ​ក្រុម​គ្រូពេទ្យ​ដែល​ជា​មិត្តភ័ក្ដិ​បរទេស​របស់​លោក​ចំនួន ២ ក្រុម ផ្សេងទៀត មក​ពិនិត្យ​ព្យាបាល​នៅ​អំឡុង​ខែ​មករា ឆ្នាំ ២០២៦ ម្តង​ទៀត។

ដោយឡែក លោក ហាក់ ម៉ុងហួត អភិបាល​ស្រុក​តាំងគោក បាន​ថ្លែងអំណរគុណ​ដល់ លោក ហ្វីលីព កាស្ត្រូ ដែល​លោក​តែងតែ​កៀរគរ​សប្បុរសជន​ចូលរួម​អភិវឌ្ឍន៍​ជាមួយ​អាជ្ញាធរ​ស្រុក ជា​ពិសេស​កៀរគរ​មិត្តភ័ក្ដិ ក្រុម​គ្រូពេទ្យ មក​ពិនិត្យ និង​ព្យាបាល​ជំងឺ​ជូន​ប្រជាពលរដ្ឋ​នៅ​ពេលនេះ។ សកម្មភាព​ទាំងនេះ ជា​ការ​ចូលរួម​ចំណែក​ជាមួយ​រាជរដ្ឋាភិបាល​កម្ពុជា ដែល​បាន​និង​កំពុង​តែ​យក​ចិត្ត​ទុក​ដាក់​យ៉ាង​ខ្លាំង​ចំពោះ​សុខុមាលភាព​របស់​ប្រជាពលរដ្ឋ និង​ជួយ​សម្រួល​នូវ​បន្ទុក​សេវា​ចំណាយ​របស់​ពួកគាត់​បាន​មួយ​កម្រិត។

លោក​បន្ត​ថា រាជរដ្ឋាភិបាល បាន និង​កំពុង​ពង្រឹង​បន្ថែម​ទៀត​លើ​ការ​បម្រើ​សេវា​សាធារណៈ រួម​ជាមួយ​វិស័យ​សុខាភិបាល​ផង​ដែរ ដែល​ធ្វើការ​បង្ខិត​សេវា​ទាំងអស់​ឲ្យ​នៅ​ជិត​ប្រជាពលរដ្ឋ​កាន់តែ​មាន​ប្រសិទ្ធភាព។

ជាមួយ​នេះ លោក​ក៏បាន​អំពាវនាវ​ដល់​ប្រជាពលរដ្ឋ​ទាំងអស់ សូម​បន្ត​ទៅ​រក​សេវា​សុខភាព​នៅ​មណ្ឌល​សុខភាព​ដែល​នៅ​ជិត​បំផុត ព្រោះ​វា​អាច​កាត់បន្ថយ។ ម្យ៉ាងទៀត តាម​មណ្ឌល​សុខភាព​មាន​សម្ភារៈ​គ្រប់គ្រាន់ មាន​ថ្នាំ​ល្អៗ និង​ក្រុម​គ្រូពេទ្យ​មាន​វិជ្ជាជីវៈ​ត្រឹមត្រូវ។

គួរ​បញ្ជាក់​ថា ការ​ពិនិត្យ និង​ព្យាបាល​ជំងឺ​ជូន​ដល់​ប្រជាពលរដ្ឋ​ដោយ​ឥតគិតថ្លៃ​មាន​រយៈពេល ១ ថ្ងៃ​ពេញ គឺ ចាប់ពី​វេលា​ម៉ោង ៨ និង ០០ នាទី​ព្រឹក រហូតដល់​ម៉ោង ៥ និង ០០ នាទី​ល្ងាច ដោយ​ក្រុម​គ្រូពេទ្យ​អាមេរិក ចំនួន ៦០ នាក់ ពេទ្យ​ឯកទេស ៣០ នាក់ និង​ពិនិត្យ​ព្យាបាល​ជំងឺ​ប្រជាពលរដ្ឋ​សរុប ៤៣៣ នាក់ ជំងឺ​ទូទៅ ២៥៤ នាក់ លើ​ជំងឺ​ភ្នែក ១៥៤ នាក់ ព្រមទាំង​ជំងឺ​មាត់​ធ្មេញ ២៥ នាក់ ផង​ដែរ៕

អត្ថបទ ៖ ឈាង មករា

The post ក្រុមគ្រូពេទ្យស្ម័គ្រចិត្តមកពីសហរដ្ឋអាមេរិក ពិនិត្យព្យាបាលជំងឺជូនប្រជាពលរដ្ឋ នៅស្រុកតាំងគោក appeared first on Kampuchea Thmey Daily.

ការថ្លែងផ្ដល់កម្លាំងចិត្តនេះ បានធ្វើឡើងក្នុងឱកាសដែលលោកដឹកនាំក្រុមគ្រូពេទ្យស្ម័គ្រចិត្តចុះពិនិត្យ និងព្យាបាលជំងឺ ដោយឥតគិតថ្លៃជូនប្រជាពលរដ្ឋ នៅស្រុកពោធិ៍រៀង ខេត្តព្រៃវែង នាព្រឹកថ្ងៃទី៣០ ខែកញ្ញា ឆ្នាំ២០២៥នេះ។

បើតាមលោកឧបនាយករដ្ឋមន្ត្រី ការថែទាំ និងពិនិត្យព្យាបាលសុខភាព គឺពិតជាមានសារសំខាន់ណាស់សម្រាប់មនុស្សគ្រប់គ្នា និងគ្រប់វ័យ ទាមទាឱ្យមានការប្រុងប្រយត្នខ្ពស់ ហើយការពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃរបស់ក្រុមគ្រូស្ម័គ្រចិត្ត ថ្ងៃនេះ ជាឱកាសមួយសម្រាប់ប្រជាពលរដ្ឋបានដឹងអំពីសុខភាពរបស់ខ្លួន តាមរយៈការពិនិត្យ និងការប្រឹក្សាយោបល់ និងផ្តល់ព័ត៌មានផ្សេងអំពីការថែទាំសុខភាពចាប់ពេលនេះទៅមុខទៀតដោយរបៀបណា។

លោកឧបនាយករដ្ឋមន្ត្រី គូសបញ្ជាក់ថា រាជរដ្ឋាភិបាលនីតិកាលទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយរដ្ឋមន្ត្រីនៃកម្ពុជា បានតម្កល់នូវឆន្ទៈខ្ពស់លើវិស័យចំនួន២ ស្ដែងឡើងតាមរយៈការចំណាយថវិកាច្រើនជាងវិស័យការពារជាតិ និងវិស័យមហាផ្ទៃ នោះគឺទី១ វិស័យអប់រំ និងទី២ វិស័យសុខាភិបាល។ គោលនយោបាយនេះ លោកបានសង្កត់ធ្ងន់ថា បានឆ្លុះបញ្ចាំងឱ្យឃើញអំពីការយកចិត្តទុកដាក់ខ្ពស់របស់រាជរដ្ឋាភិបាលចំពោះសុខុមាលភាពពលរដ្ឋ។

គួរបញ្ជាក់ថា ក្រុមការងារ និងក្រុមគ្រូពេទ្យស្ម័គ្រចិត្ត ស សុខា ដែលបានចុះពិនិត្យនិងព្យាបាលជំងឺ ដោយឥតគិតថ្លៃជូនពលរដ្ឋ នៅស្រុកពោធិ៍រៀងនាថ្ងៃនេះ មានចំនួន៥០៤នាក់។ ក្រុមគ្រូពេទ្យ បានពិនិត្យព្យាបាលជំងឺទូទៅ រួមមានអបរំសុខភាព ជំងឺផ្លូវចិត្ត ជំងឺកុមារ រោគស្ត្រី ជំងឺឫសដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ សើស្បែក ស្លេកស្លាំង សន្លាក់ឆ្អឹង រលាកថ្លើម កាមរោគ គ្រុនចាញ់ គ្រុនឈាម ភ្នែក និងវាស់ភ្នែក។ ក្រៅពីនេះ ក៏មានការពិនិត្យភ្នែក និងចែកវ៉ែនតា ការពិនិត្យ និងព្យាបាលសុខភាពមាត់ធ្មេញ ជំងឺទឹកនោមផ្អែម បេះដូង លើសឈាម ត្រចៀក ច្រមុះ បំពង់ក តម្រង់នោម ពិនិត្យអេកូសាស្ត្រ វាស់ចង្វាក់បេះដូង មន្ទីរពិសោធន៍ (វិភាគឈាម) វះកាត់តូច និងព្យាបាលរបួសជាដើម៕

The post លោក ស សុខា កោតសរសើរគ្រូពេទ្យស្ម័គ្រចិត្តដែលរួមចំណែកជួយពលរដ្ឋជាមួយរាជរដ្ឋាភិបាល appeared first on Kampuchea Thmey Daily.

យ៉ាងហោចណាស់ ក៏​មាន​កុមារ​កំព្រា​ចំនួន១៥នាក់ ដែល​ត្រូវ​បាន​ក្រុម​គ្រូពេទ្យ​នៃ​មន្ទីរ​បង្អែក​ខេត្ត​កោះកុង​ចុះ​បេសកកម្ម​ពិគ្រោះ និង​ព្យាបាល​នៅ​នឹង​កន្លែង​ផ្ទាល់​តែម្តង ក្រោមរូបភាពមនុស្សធម៌ និង​ការ​ណែនាំ​របស់​រដ្ឋបាលខេត្ត។

លោក​វេជ្ជបណ្ឌិត ហៃ ឡៃសុន ប្រធានមន្ទីរបង្អែកខេត្តកោះកុង បានឱ្យដឹង​នៅ​រសៀលថ្ងៃទី១ ខែកញ្ញា ឆ្នាំ២០២៥នេះថា សកម្មភាព​ពិនិត្យ​ព្យាបាល​ជូន​កុមារ​កំព្រា​នៅ​ពេល​នេះ ដោយសារ​តែ​ពួក​គេ​មាន​កង្វះ​អនាម័យ​ថែទាំ​ខ្លួន​ប្រាណ និងជាបេសកម្មប្រចាំរបស់មន្ទីរពេទ្យលើផ្នែកមនុស្សធម៌។

លោកវេជ្ជបណ្ឌិត ហៃ ឡៃសុន គូសបញ្ជាក់ទៀត​ថា កុមារ​នៅ​មណ្ឌលកំព្រា មាន​ជំងឺ​សើ​ស្បែក​មួយ​ចំនួន និងជំងឺមាត់ធ្មេញដោយក្រុមគ្រូពេទ្យនឹងអប់រំណែនាំបន្ថែមអំពីវិធីសាស្រ្តការពារជំងឺដល់ពួកគេ ដើម្បីជៀសផុតនៃការរីករាលដាលជំងឺផ្សេងៗបន្ត។

លោក សែម វ៉ាន់នី ជាអ្នកគ្រប់គ្រងមណ្ឌលកុមារកំព្រាខេត្តកោះកុង និយាយថា មណ្ឌល​កុមារ​កំព្រា​ក្នុងខេត្ត សព្វថ្ងៃ​មាន​កុមារ​ចំនួន១៥នាក់​ដែល​កំពុង​ស្នាក់នៅរៀនសូត្រ ដែល​ពួក​គេ​ត្រូវ​បាន​ម្តាយ​ឪពុក​បោះចោល និង​ខ្លះ​ទៀត​ជាប់​ពន្ធនាការ។

បើ​តាម​លោក សែម វ៉ាន់នី សម្តែង​ក្តី​រីករាយ​ដែល​មាន​ក្រុម​គ្រូពេទ្យ​ចុះ​មក​ព្យាបាលជំងឺទូទៅដល់កុមារនៅមណ្ឌលរបស់លោក ព្រោះ​នៅ​មាន​ចំណុច​ខ្វះខាត និង​តម្រូវ​ការ​ជា​ច្រើន​ទៀត​បម្រើ​ការ​ដល់​ជួយ​ផ្គត់ផ្គង់​យកចិត្តទុកដាក់។

ដោយឡែក​លោកស្រី ឈី វ៉ា អភិបាលខេត្តកោះកុង ក៏​សូម​ថ្លែង​អំណអរ​គុណ​យ៉ាងជ្រោល​ជ្រៅ​ជូន​ក្រុម​គ្រូពេទ្យ​នៃ​មន្ទីរ​បង្អែកខេត្តដែល​បាន​ដឹក​នាំ​គ្រូ​ពេទ្យ​ចុះមក​ពិនិត្យ​ព្យាបាល​ជំងឺ​ដល់​កុមារ​នៅមណ្ឌល​កំព្រា​ផ្ទាល់​តែម្តង គ្រា​យក​ចិត្ត​ទុកដាក់​នេះ​មិន​អាច​កាត់​ថ្លៃ​បាន​ទេ​សំដៅ​ដល់​លើក​កម្ពស់សុខភាពរស់នៅរបស់កុមារប្រចំាថ្ងៃ។

លោកស្រី ឈី វ៉ា រំលេចដែរថា កន្លងទៅ និងបច្ចុប្បន្នរដ្ឋបាលខេត្ត មន្ទីរពាក់ព័ន្ធ និងសប្បុរសជិតឆ្ងាយនានា បានជួយគាំទ្រទំនុកបម្រុងអាហារ កសាងបន្ទប់ស្នាក់នៅ ធ្វើសួនច្បារ និងបំពេញរាល់តម្រូវការផ្សេងៗបន្ថែមជូនមណ្ឌលកុមារកំព្រា ក្រៅ​ពី​ការ​យក​ចិត្ត​ទុកដាក់​លើ​ការ​ផ្នែកអនាម័យសុខភាព៕

អត្ថបទ ៖ សិរីវឌ្ឍនៈ

The post គ្រូពេទ្យ​ខេត្ត​កោះកុង ចុះ​ពិនិត្យ​និង​ព្យាបាល​កុមារ​កំព្រា ខណៈ​ពួក​គេ​កង្វះ​អនាម័យ​រស់​នៅ appeared first on Kampuchea Thmey Daily.

ថ្លែង​ក្នុង​ពិធី​សំណេះសំណាល​ជាមួយ​សមាជិក​ថ្មី​របស់​ក្រុមការងារ​គ្រូពេទ្យ​ស្ម័គ្រចិត្ត ឯកឧត្ដម ហ៊ុន ម៉ានី ប្រចាំ​សាកលវិទ្យាល័យ​វិទ្យាសាស្ត្រ​សុខាភិបាល កាលពី​ព្រឹក​ថ្ងៃ​ទី ១៧ កក្កដា នេះ ក្រោម​អធិបតីភាព​ដ៏​ខ្ពង់ខ្ពស់ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រី​ក្រសួង​មុខងារ​សាធារណៈ ប្រធាន​សហភាព​សហព័ន្ធ​យុវជន​កម្ពុជា និង​ជា​ប្រធាន​កិត្តិយស​ក្រុមការងារ​គ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ានី , លោក​សាស្ត្រាចារ្យ សាផុន វឌ្ឍនៈ ទីប្រឹក្សា​ក្រសួងសុខាភិបាល សកលវិទ្យាធិការ នៃ​សាកលវិទ្យាល័យ​វិទ្យាសាស្ត្រ​សុខាភិបាល និង​ជា​អនុប្រធាន​ប្រតិបត្តិ​ទទួល​បន្ទុក​ជា​ប្រធាន​ប្រតិបត្តិ​ក្រុមការងារ​គ្រូពេទ្យ​ស្ម័គ្រចិត្ត ឯកឧត្ដម ហ៊ុន ម៉ានី ប្រចាំ​សាកលវិទ្យាល័យ​វិទ្យាសាស្ត្រ​សុខាភិបាល បាន​គោរព​ថ្លែងអំណរគុណ​យ៉ាង​ជ្រាលជ្រៅ​ចំពោះ ឯកឧត្ដម​ប្រធាន ហ៊ុន ម៉ានី ដែល​បាន​ផ្តល់​កិត្តិយស និង​ឱកាស​ដល់​និស្សិត​សាកលវិទ្យាល័យ​វិទ្យាសាស្ត្រ​សុខាភិបាល បាន​ទទួល​ការ​រៀនសូត្រ​បន្ថែម អនុវត្ត​ផ្ទាល់​នៅ​មូលដ្ឋាន និង​ឱកាស​ចូលរួម​លើកកម្ពស់​សុខភាព និង​សុខុមាលភាព​របស់​ប្រជាពលរដ្ឋ ដែល​ជា​អាទិភាព​មួយ​ដ៏​សំខាន់​របស់​រាជរដ្ឋាភិបាល នៃ​ព្រះរាជាណាចក្រ​កម្ពុជា ដែល​មាន សម្តេច​មហា​បវរ​ធិបតី ហ៊ុន ម៉ាណែត ជា​ប្រមុខ​ដឹកនាំ​ដ៏​ខ្ពង់ខ្ពស់។

លោក​សាស្ត្រាចារ្យ បាន​បន្ត​ទៀត​ថា «ការ​ចូលរួម​សកម្មភាព​មនុស្សធម៌ និង​សង្គម​ទាំងនេះ បាន​បង្ហាញ​ច្បាស់​អំពី​ការ​យកចិត្តទុកដាក់​របស់ ឯកឧត្ដម​ប្រធាន និង​ក្រុមការងារ​គ្រូពេទ្យ​ស្ម័គ្រចិត្ត ឯកឧត្ដម ហ៊ុន ម៉ានី ទាំងអស់ ដែល​តែងតែ​ខ្វល់ខ្វាយ​គិតគូរ និង​រួមសុខ រួម​ទុក្ខ ជាមួយ​ប្រជាពលរដ្ឋ​ដែល​ជួប​ការ​លំបាក​ក្នុង​គ្រប់​កាលៈទេសៈ។ ប្រជាពលរដ្ឋ បាន​យល់​អំពី​អំពើ​ល្អ​របស់ ឯកឧត្ដម​ប្រធាន ហ៊ុន ម៉ានី ក៏ដូចជា សម្តេច​តេ​ជោ សម្តេច​មហា​បវរ​ធិបតី និង​ក្រុមគ្រួសារ ថ្នាក់ដឹកនាំ​ក្នុង​ជួរ​រាជរដ្ឋាភិបាល​កម្ពុជា ហើយ​មាន​ទឹកចិត្ត​កាន់តែ​ស្រលាញ់ គាំទ្រ សម្តេច​មហា​បវរ​ធិបតី ហ៊ុន ម៉ាណែត បន្ត​ជា​ប្រមុខ​ដឹកនាំ​នាវា​កម្ពុជា​ទៅ​មុខ​ទៀត ដើម្បី​ធ្វើ​ឱ្យ​ប្រទេស​ជាតិ​យើង ឱ្យ​កាន់តែ​មាន​ការ​រីកចម្រើន ក្រោម​ម្លប់​សន្តិភាព​ដ៏​ត្រជាក់ត្រជំ​»។

លោក​សាស្ត្រាចារ្យ បាន​បន្ថែម​ថា អំពើ​ល្អ​ទាំងនេះ ក៏​ជា​គំរូ​ដ៏​ឧត្តុង្គ​ឧត្ដម​សម្រាប់​និស្សិត​សាកល​វិទ្យាល័យ​វិទ្យាសាស្ត្រ​សុខាភិបាល អនុវត្ត​តាម ដើម្បី​អភិវឌ្ឍន៍​ខ្លួន​ឱ្យ​ក្លាយ​ជា​អ្នក​វិជ្ជាជីវៈ​សុខាភិបាល​ដែល​មាន គុណធម៌ សីលធម៌​វិជ្ជាជីវៈ​ខ្ពស់ និង​តែងតែ​ប្រកាន់ខ្ជាប់​នូវ​ស្មារតី ស្រឡាញ់​ជាតិ ប្រព្រឹត្ត​តែ​អំពើ​ល្អ សុចរិត ត្រឹមត្រូវ និង មិន​ទុក​ឱ្យ​ប្រជាពលរដ្ឋ​ណា​ម្នាក់ មិន​ទទួល​បាន​សេវា​សុខាភិបាល​ប្រកប​ដោយ​គុណភាព​ឡើយ។

អញ្ជើញ​មាន​មតិ​ក្នុង​ឱកាស​នោះ ឯកឧត្ដម​ឧបនាយករដ្ឋមន្ត្រី បាន​រំលេច​ពី​សារៈសំខាន់ នៃ​ការងារ​ស្ម័គ្រចិត្ត​ដែល​ត្រូវការ​ទឹកចិត្ត​ចេញពី​បេះដូង ស ពី​ការ​វាស់វែង​ភាព​អត់ធ្មត់ និង​ការ​ជួប​ប្រទះ​នូវ​ការ​ប្រតិបត្តិ​ដោយ​ផ្ទាល់​រវាង​ការ​រៀន​នៅ​ក្នុង​ថ្នាក់ និង​ការ​អនុវត្ត​ជាក់ស្តែង ដើម្បី​ទទួល​ការ​ហ្វឹកហាត់​ជាក់ស្ដែង និង​ទទួល​បទ​ពិសោធ​នាំមក​នូវ​អនុស្សាវរីយ៍​យូរអង្វែង។

គួរ​បញ្ជាក់​ថា គិត​ពី​ឆ្នាំ ២០២៣ មក​ដល់​បច្ចុប្បន្ន​នេះ ក្រុមការងារ​គ្រូពេទ្យ​ស្ម័គ្រចិត្ត ឯកឧត្ដម ហ៊ុន ម៉ានី ប្រចាំ​សាកលវិទ្យាល័យ​វិទ្យាសាស្ត្រ​សុខាភិបាល បាន​ចូលរួម​ចំណែក​ផ្តល់​សេវា​អប់រំ ថែទាំ ព្យាបាល​សុខភាព​ជូន​ប្រជាពលរដ្ឋ​ដោយ​ឥតគិតថ្លៃ បាន​ចំនួន ២០ លើក សរុប​ប្រជាពលរដ្ឋ​មក​ទទួល​សេវា ចំនួន ១៥៦ ៩១៥ នាក់។ ក្រៅពី​សកម្មភាព​ចុះ​អប់រំ ថែទាំ ព្យាបាល សុខភាព​នេះ មន្ត្រី បុគ្គលិក និស្សិត​សាកលវិទ្យាល័យ​វិទ្យាសាស្ត្រ​សុខាភិបាល បាន​ចូលរួម​យ៉ាងសកម្ម​ជាមួយ​ការងារ​សង្គម​ផ្សេងៗ ដែល​រួមមាន ការ​ចូលរួម​សកម្មភាព​ក្នុងនាម​ជា​សមាជិក​សហភាព​សហព័ន្ធ​យុវជន​កម្ពុជា សកម្មភាព​កាកបាទក្រហម​កម្ពុជា សកម្មភាព​សប្បុរសធម៌​ជួយ​និស្សិត​ខ្វះខាត​លទ្ធភាព​បន្ត​ការ​សិក្សា ការងារ​បរិច្ចាគ​ឈាម ការងារ​បរិស្ថាន កីឡា និង​សិល្បៈ និង​ជាពិសេស​ការ​ចូលរួម​ជាមួយ​រាជរដ្ឋាភិបាល គាំទ្រ​លើកទឹកចិត្ត​កងទ័ព​កំពុង​ប្រចាំការ ការពារ​ប្រទេស នៅ​សមរភូមិ​មុខ៕

អត្ថបទ ៖ សំអឿន

The post និស្សិតពេទ្យជិត ៦០០ នាក់ បន្ថែមទៀត បានចូលរួមជាសមាជិកក្រុមការងារ គ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី appeared first on Kampuchea Thmey Daily.

លោកស្រី វីន សុីធួន អភិបាលរងខេត្តមណ្ឌលគិរី បានលើកឡើងថា ក្រៅពីវិស័យផ្សេងៗដែលបម្រើសេវាសាធារណៈជូនប្រជាពលរដ្ឋក្នុងខេត្ត វិស័យសុខាភិបាលជាវិស័យមួយដែលកំពុងបម្រើសេវាសុខភាពជូនប្រជាពលរដ្ឋយ៉ាងសកម្ម ចាប់ពីតំបន់ប្រជុំជនរហូតដល់តំបន់ជនបទដាច់ស្រយាល។

លោកស្រី ថា នេះបានឆ្លុះបញ្ចាំងឱ្យឃើញថា ការវិវត្តជាជំហ៊ាននៃវឌ្ឍនភាពឈរលើប្រតិបត្តិការយ៉ាងសកម្មរបស់វិស័យសុខាភិបាល ក្នុងការថែទាំសុខភាពជូនប្រជាពលរដ្ឋ ដែលនាំមកនូវសូចនាករសុខភាពជាច្រើន ត្រូវបានកែលម្អ ពិសេស អត្រាមរណៈភាព មាតា ទារក និងកុមារ ត្រូវបានកាត់បន្ថយគួរឱ្យកត់សម្គាល់។

លោកស្រីអភិបាលេងខេត្ត បន្តថា ហេដ្ឋារចនាសម្ព័ន្ឋពាក់ព័ន្ធវិស័យសុខាភិបាល ត្រូវបានកែលម្អពង្រីក និងលើកកម្ពស់ជាប្រចាំ លើការផ្តល់សេវាសុខាភិបាលតាមប៉ុស្តិ៍សុខភាព មណ្ឌលសុខភាព មន្ទីរពេទ្យបង្អែក ដែលរួមមានសេវាសម្ភព សេវាសង្គ្រោះបន្ទាន់ សេវាថែទាំទារក កុមារ ក៏ដូចជាសេវាអន្តរាគមន៍សុខភាពសាធារណៈ ផ្សេងៗទៀតឱ្យកាន់តែមានលក្ខណៈគ្រប់ជ្រុងជ្រោយ និងត្រូវបានជំរុញឱ្យកាន់តែខិតជិតដល់មូលដ្ឋានក្នុងការបំពេញនូវសេចក្តីត្រូវការរបស់ប្រជាពលរដ្ឋនៅតាមជនបទ។

បើតាមលោកស្រីអភិបាលរង វឌ្ឍនភាពនៃការពង្រីកមូលដ្ឋានសុខាភិបាល និងសេវាគ្របដណ្តប់សុខភាពផ្សេងទៀតនេះ គឺជាចំណែកមួយយ៉ាងសំខាន់ក្នុងការចូលរួមកាត់បន្ថយអត្រាមរណៈភាពមាតា និងទារក ជំងឺអេដស៍ ជំងឺរបេង ជំងឺគ្រុនចាញ់ ព្រមជាមួយការកើនឡើងនៃអាយុកាលរំពឹងទុករបស់ប្រជាពលរដ្ឋ។

លោកវេជ្ជបណ្ឌិត ប៊ុន សួរ ប្រធានមន្ទីរសុខាភិបាល នៃរដ្ឋបាលខេត្តមណ្ឌលគិរី បានលើកឡើងថា ដោយមានការគិតគូរ និងយកចិត្តទុកដាក់ពីថ្នាក់ដឹកនាំដឹកនាំខេត្ត ក្រុមគ្រូពេទ្យមន្ទីរសុខាភិបាលនៃរដ្ឋបាលខេត្ត សហការជាមួយក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងមណ្ឌលថែទាំសុខភាពកុមារចេនឡា បានចុះពិនិត្យ និងព្យាបាលប្រជាពលរដ្ឋ។

លោក បន្តថា សកម្មភាពរបស់ក្រុមគ្រូពេទ្យដែលបានចុះផ្ទាល់រយៈពេលពេញមួយថ្ងៃ ដោយពិនិត្យសុខភាពទូទៅដូចជា ពិនិត្យផ្ទៃពោះ ពិនិត្យភ្នែក ពិនិត្យសុខភាព មាត់-ធ្មេញ ដោយឥតគិតថ្លៃ ជូនប្រជាពលរដ្ឋគ្រប់ស្រទាប់វ័យទាំងអស់៕

អត្ថបទ៖ រៀម សុខហេង

The post ពលរដ្ឋស្រុកកែវសីមា ទទួលបានការព្យាបាលជំងឺឥតគិតថ្លៃ ពីក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី appeared first on Kampuchea Thmey Daily.